Македонија учествуваше на Евровизија 2007 во Хелсинки, Финска. Претставникот на Македонија беше избран преку национална селекција, Национален Евросонг 2007, во организација на македонскиот радиодифузер Македонска радио-телевизија (МРТ). Каролина Гочева ја претставуваше Македонија со песната „Мојот свет“, која се квалификуваше од полуфиналето на натпреварот и се пласираше на 14. место во финалето, постигнувајќи 73 бода.
Скопје Фест 2007 беше избор организиран од МРТ што служеше како македонско национално финале за избор на нивниот кандидат за Евровизија 2007. Нтпреварот се одржал на 24 февруари 2007 во Универзалната сала во Скопје, а водители биле Миланка Рашиќ, Живкица Ѓурчиновска и Игор Џамбазов, и била пренесувана на МРТ 1 и МРТ Сат.[1]
МРТ добиле 150 поднесоци од заинтересирани пејачи и композитори за време на периодот за поднесување. 15 песни биле одбрани од отворените апликации, додека дополнителни 3 песни биле поднесени од пејачи директно поканети од МРТ за натпреварот.[2] Петнаесетте натпреварувачки пејачи и песни биле објавени на 24 јануари 2007.[3] Помеѓу натпреварувачките пејачи била и поранешната македонска претставничка Каролина Гочева која ја претставуваше Македонија на Евровизија 2002.
Финалето се одржало на 24 февруари 2007. Сите 15 натпреварувачки песни биле пропратени од оркестарот на МРТ. Регионалното телефонско гласање од 12 области низ Македонија ја одбрало Мојот свет изведена од Каролина Гочева како победникот.[4] Покрај настапите на натпреварувачките песни, натпреварот вклучувал гостински настапи од Ребис балетско студио, македонската претставничка на Евровизија 2006, Елена Ристеска, хрватскиот претставник на Евровизија 2005, Борис Новковиќ, и белорускиот претставник на Евровизија 2007, Димитриј Колдун.
Пред натпреварот, Гочева се впуштила на промо турнеја во Босна и Херцеговина и Србија. Покрај настапите на Балканот, Каролина одржала пред-натпреварувачки концерт во Метрополис арена во Скопје. "Мојот свет" претрпела јазични промени за натпреварот со тоа што најголемиот дел од песната била отпеана во оригиналната македонска верзија, а последниот рефрен на песната бил отпеан на англиски јазик.
Бидејќи Македонија се пласирала 12та на натпреварот во 2006, Каролина била принудена да се натпреварува во полуфиналето. Македонија се натпреварувала во полуфиналето на натпреварот во 2007 на 10 мај 2007 настапувајќи 18та. Македонија се квалификувала во финалето, пласирајќи се 9та во полуфиналето и освојувајќи 97 бодови.[5] Во финалето, Македонија настапила 6та. Македонија се пласирала 14та во финалето, освојувајќи 73 бодови.[6]
