Каролина Гочева
Каролина Гочева (родена на 28 април 1980) — македонска поп-пејачка, родена во Битола. Честопати е позната и само по името Каролина. Ја започнала музичката кариера во 1991 година со настап на локалното детско шоу и продолжила да учествува во наредните години, добивајќи се со признание за нејзиниот талент. Во 1992, го издава својот прв детски албум насловен Мамо, пушти ме. Потпишува договор со издавачката куќа Авалон продукција во 2000.
| Каролина Гочева | |
|---|---|
 Каролина Гочева. | |
| Животописни податоци | |
| Познат(а) и како | Каролина |
| Роден(а) | 28 април 1980 Битола, СР Македонија, СФРЈ |
| Жанрови | Поп |
| Занимања | Пејачка |
| Инструменти | Вокал |
| Период на активност | 1991— |
| Издавачи | Авалон продукција |
| Мреж. место | www.karolinagoceva.net |
Дискографијата на Гочева се состои о девет музички албуми коишто опфаќаат поп, R&B, рок, традиционални фолк и етно, џез и светски музички стилови. Кратко откако го потпишала договорот со Авалон продукција, Гочева го издала првиот студиски албум Јас Имам Песна, којшто ја вклучува песната „Немир“ снимена со Тоше Проески. Нејзиниот втор, трет и четврти студиски албум Зошто сонот има крај, Знаеш колку вредам и Во заборав биле издадени во 2002, 2003 и 2005, последователно. Додека нејзините први пет албуми се претежно во стилот на поп, R&B и рок, подоцнежните издадени дела Македонско девојче (2008), Македонско девојче 2 (2014) и Извор (2018) вклучувале елементи од македонската традиционална музика и џез. Оваа промена во звукот води до зголемена популарност, широка прифатеност од публиката и распродадени концерти во Северна Македонија, Србија и Бугарија. Нејзиниот деветти студиски албум, во сорапотка со Дуке Бојаџиев и Исмаил Лумановски, Песни за љубов и копнеж, е издаден на 24 декември 2022. Десеттиот очекуван студиски албум е најавен како поп проект којшто е најавен со синглот „Дај на сунце“ (македонски: „Дај на сонце“) и се очекува да биде издаден кон крајот на 2024.
Ја претставува Македонија на Изборот за песна на Евровизија во 2002 година во Талин, Естонија, со песната „Од нас зависи“ каде се пласира на 19-то место.[1][2] Во 2007 година во Хелсинки, Финска, настапува со песната „Мојот свет“, пласирајќи се како 9-та во полуфиналето, а како 14-та во финалето. Гочева има освоено многу награди и признанија во Северна Македонија како и другите Балкански церемонии за награди. Широко е позната како најпознатата македонска поп пејачка за што ги добива називот „македонска поп принцеза/кралица“ и „поп дива“. Иако најголемиот број од нејзините песни се испеани на македонски, Гочева исто така има издадено албуми на српскохрватски и англиски што довело до зголемена популарност во Бугарија и екс-Југословенските држави како Србија, Босна и Херцеговина, Црна Гора и Хрватска. Покрај тоа, Гочева е позната по нејзиниот лежерен моден стил за којшто често соработува со Цаци Пакоска. Со нејзината музичка работа, Гочева придонесува во кампањи против злоупотреба на дрога и рак на грлото на матката.
Животопис уреди
Каролина Гочева го имаше својот прв забележителен настап на десет годишна возраст на детскиот фестивал "Си-До" во Битола и на фестивалот Макфест во 1991 во Штип со песната "Мамо, пушти ме". На почетокот на нејзината кариера, таа настапуваше на голем број домашни фестивали за промовирање на нејзиниот талент и нејзината кариера. Стана редовен учесник на фестивалот Скопје фест, дебитирајќи во 1994 со песната "Кој да ти каже". Во наредните години успешно настапуваше на Скопје фест каде што се избираше песна за Евровизија. Во 1996 учествуваше со песната "Ма, ајде кажи ми" и се пласира на деветто место. Во 1998 учествуваше со "Украдени ноќи" и имаше поголем успех стигнувајќи до четвртото место со 10,454 гласови. Во 2000 година Каролина стана дел од Авалон продукција и го издаде својот деби-албум "Јас имам песна". Од овој албум излегоа хитовите "Сакај ме", "Без оглед на се" и "Немир" која ја испеа во дует со Тоше Проески. Меѓу песните на нејзиниот прв албум беше и "За нас" која ја напиша Дарко Димитров, со која настапи на Скопје фест. На овој фестивал Каролина за малку не победи, заврши на второто место со 916 бода. Во 2000 година таа потпишува договор со Авалон Продукција и го издава нејзиниот прв албум „Јас имам песна“ и од тој албум произлегуваат хитовите : „Без оглед на се“, „Сакај ме“, „Срцево не ќе издржи“, „Милениум со тебе“ и други.
Евровизија 2002 уреди
Во 2002 година на Македонскиот национален избор Каролина настапува со песната Од нас зависи и победува. Меѓутоа набргу се јавува контроверзија меѓу МТВ и Каролина. Имено Каролина има желба да ја пее песната на англиски јазик, бидејќи според нејзиното мислење на претходните учества на Евровизија Македонија се претставувала на македонски и немала некој добар пласман. За разлика од неа, во МТВ биле убедени дека треба да се пее на македонски, и биле подготвени ако Каролина не сака да ја изведе песната на македонски, на Евровизија 2002 да настапи второпласираната Андријана Јаневска. На крајот, Каролина сепак прифаќа да пее на македонски. Во Талин Каролина се пласира на 19 место, недоволно за Македонија да оди во учество наредната година. Таа година Каролина е избрана за мис Евровизија.
2003 – 2007 уреди
Во 2003 година, Каролина го издала албумот „Зошто сонот има крај“, на кој се јавуваат повеќе композиции, од кои најпознати се „Ти можеш“, „Јамајка“ како и „Кажи ми“, со која настапила на „Будва фест 2003“. Притоа, на албумот, овие три песни се испеани и на англиски јазик.
2008– уреди
Во 2010 година, Каролина го издала својот деветти албум „Капка под небото“, што донел нов хит „Не се вракаш“, на кого учествувал Влатко Стефановски.
На 13 декември 2014 година, во салата „Борис Трајковски“, Каролина одржала концерт во рамките на проектот „Македонско девојче“, организиран од „Авалон продукција“.[3]
2023-сега: Претстоен десетти студиски албум уреди
Во март 2023, Гочева дава интервју за емисијата Жилет на Македонската Радио Телевизија.[4] На 13 декември 2023, Гочева ја издава песната „Дај на сунце“ напишана од Дино Мухаремовиќ и аранжирана од Дино Шукало заедно со црнобело музичко видео режирано од Миомир Милиќ.[5] Песната ја има својата премиера на српската радио станица Накси каде што пејачката кратко изјавила дека насловот е повик за женскиот протагонист да го покаже нејзиното убаво лице на сонце.[6] Ја снима песната два месеци пред да биде издадена. Клипот е снимен во ноември, на ладни температури од -5 °C на две локации на македонската планина Бистра, вклучувајќи ги Галичник и Маврово.[7]
Како промоција на песната, се појавува на шоуто Među Nama на српскиот телевизиски канал Nova S во Белград на 21 декември 2023 каде што дава интервју.[8] На 22 декември, се појавува на српското шоу Kec na jedanaest во Белград каде што ја промовира песната, дава интервју и ги изведува своите српски песни „Srešćemo se Opet“, „Kad Voliš“ и „Više se ne Vraćaš“ како и македонската преработка на песната „Ако згрешам нека изгорам“. Пејачката исто така ги споделува своите планови за иден студиски албум на којшто има вклучено некои сопствени аранжирани песни, објавува нов сингл пред неговото издавање и споделува дека очекува да го издаде во септември или октомври таа година. Зборувајќи за идните планови за учество во Евровизиската Песна за Евровизија, таа открива дека последното учество во 2007 ѝ претставувало голема одговорност, дека не би сакала баш повторно да помени преку „толку стресно искуство“ знаејќи го прогресот на социјалните медиуми на полуфиналната и финалната вечер.[7]
На 1 и 2 март 2024, Гочева одржува два последователни концерти во ноќниот клуб Пјур во Скопје; нејзиниот настап добива многу добри критики од новинарите за ЦрноБело коишто ја нарекуваат „фантастична“.[9][10][11] Подоцна истиот месец, на 22 март, се појавува во Тирана, Албанија каде што настапува во Националниот театар на опера и балет на Албанија.[12] На 24 март 2024, Гочева го одржува првиот концерт во Крива Паланка каде што настапува со песни од Македонско девојче и Извор покрај нејзините постари песни.[13]
Албуми уреди
- "Мамо, пушти ме" - 1992 (детски албум)
- "Јас имам песна" - 2000 (првиот студиски албум)
- "Зошто сонот има крај" - 2001
- "Знаеш колку вредам" - 2003
- "Кад звезде нам се склопе... као некада" - 2003 (на српски)
- "Во заборав" - 2005
- "У забораву" - 2006 (на српски)
- "Македонско девојче" - 2008
- "Капка под небото" - 2010
- "Најубави песни" - 2012
- "Македонско девојче 2" - 2014
- "Извор" - 2018
Спотови уреди
| Спот | Година | Режисер |
|---|---|---|
| Без оглед на сè | 2000 | |
| Немир | 2000 | |
| И ќе биде сè во ред | 2001 | |
| Од нас зависи | 2002 | |
| Ти можеш | 2003 | |
| Штом сакаш | 2003 | |
| Знаеш колку вредам | 2003 | Чедо Поповски |
| Срешћемо се опет | 2003 | |
| Хипокрит | 2003 | |
| Љубов под облаците | 2003 | |
| Се лажам себе | 2005 | |
| Ова срце знае | 2005 | |
| Умирам без тебе | 2006 | |
| Мојот свет | 2007 | |
| Ти и ја | 2007 | |
| Крај | 2009 | Tomato Production |
| Ајде да летаме | 2009 | |
| За година две | 2010 | Tomato Production |
| Не се враќаш | 2011 | Tomato Production |
| Тој | 2012 | Дарко Мораитов |
| Ѕвона | 2017 | Мелем продукција |
| Бели цветови | 2018 | Чедо Поповски |
| Од небо до дно | 2022 | Влатко Владимиров |
Наводи уреди
- ↑ Bohlman, Philip V. (2004). The music of European nationalism. Santa Barbara, Calif.: ABC-CLIO. стр. 2. ISBN 978-1-57607-270-7. Посетено на 6 February 2011.
- ↑ „Eurovision Song Contest 2002“. European Broadcasting Union. Посетено на 6 February 2011.
- ↑ Ѓорге Стојанов, „Се радувам на секој момент, ова го чекав цел живот“, Дневник, година XVIII, број 5642, понеделник, 15 декември 2014, стр. 21.
- ↑ Грешка во наводот: Погрешна ознака
<ref>; нема зададено текст за наводите по имеzilet. - ↑ Karolina Goceva - DAJ NA SUNCE (Official Video). Каролина Гочева. 13 декември 2023. https://www.youtube.com/watch?v=MXXHkwmH064&pp=ygUVa2Fyb2xpbmEgZGFqIG5hIHN1bmNl.
- ↑ С., Ј. (13 декември 2023). „Видео: Каролина Гочева го промовираше видеоспотот за новата песна „Дај на сунце"“. Слободен печат. Посетено на 29 март 2024.
- ↑ 7,0 7,1 Karolina Gočeva: "Daj na sunce", Makedonija, novi album I Kec na Jedanaest. Kec na Jedanaest. 22 декември 2023. https://www.youtube.com/watch?v=nvNYVFMxZXg&t=433s&ab_channel=K1Televizija.
- ↑ Karolina Gočeva: Slučajno sam napravila pauzu u pop muzici. NOVA S. 21 декември 2023. https://www.youtube.com/watch?v=9XhDh_iXTlg&pp=ygUqU2x1xI1ham5vIHNhbSBuYXByYXZpbGEgcGF1enUgdSBwb3AgbXV6aWNp.
- ↑ С., К. (19 февруари 2024). „На 2 март: Каролина Гочева ќе одржи и втор концерт во скопскиот клуб „Пјур"“. Слободен Печат. Посетено на 29 март 2024.
- ↑ С., К. (6 февруари 2024). „На 1 март: Каролина Гочева ќе одржи концерт пред скопската публика“. Слободен Печат. Посетено на 29 март 2024.
- ↑
Список на настапи од концертите на 1 и 2 март 2024 во Скопје од Црно Бело:
- Каролина Гочева фантастична на концерт во Скопје 1. 4 март 2024. https://www.youtube.com/watch?v=K1PFauMHSmA&pp=ygU00JrQsNGA0L7Qu9C40L3QsCDQk9C-0YfQtdCy0LAg0YTQsNC90YLQsNGB0YLQuNGH0L3QsA%3D%3D.
- Каролина Гочева фантастична на концерт во Скопје 2. 4 март 2024. https://www.youtube.com/watch?v=UuFw6SYmrdU.
- ↑ С., Ј. (22 март 2024). „Фото „Тирана на еден ден": Каролина Гочева како божица во елегантен фустан на настап во Албанија“. Слободен печат. Посетено на 29 март 2024.
- ↑ „Музика на кирилица - Со концерт на Каролина Гочева официјално отворена манифестацијата „Крива Паланка – Град на културата"“. 24muzika. 24 март 2024. Посетено на 30 март 2024.
Надворешни врски уреди
| „Каролина Гочева“ на Ризницата ? |
- Официјално мрежно место
- Обожавателско мрежно место на Каролина 1
- Фан мрежно место на Каролина 2 Архивирано на 4 јануари 2007 г.
- Обожавателско мрежно место на Каролина 3 Архивирано на 20 јуни 2007 г.
- Обожавателско мрежно место на Каролина 4 Архивирано на 15 септември 2008 г.
- Дискографија на Каролина Гочева на ВБУ Музички Регистар