Скопје фест 2014

Скопје фест 2014 — македонска музичка манифестација, која се одржала во Скопје во 2014 година.

ТекУреди

На Скопскиот фестивал, одржан на 12 ноември 2014 година, во „Скопскиот саем“, победил Даниел Кајмакоски, со песната „Лисја есенски“ за која музиката ја напишал Јоаким Персон, текстот бил дело на Кајмакоски и Александар Митевски, а аранжманот го направиле Митевски, Бобан Апостолов и Далибор Грубачевиќ. Тимот кој ја создал победничката песна бил награден со 20 000 евра, наградата за второто место изнесувала 15 000 евра, додека третото место носело награда од 10 000 евра. Второто место го освоила Тамара Тодевска, со песната „Брод што тоне“ на авторите Роберт Билбилов и Ксенија Николова, додека третото место ѝ припаднала на Евгенија Чанчалова-Еги, со песната „Да не те сакам“, дело на Глигор Копров, по текст на Јелена Булинац, а со аранжман на Владимир Дојчиновски.[1]

На ова издание на „Скопскиот фестивал“ се избирал македонскиот претставник на натпреварот „Евровизија“. Притоа бил применет евровизискиот модел на гласање, т.е. за победникот подеднакво одлучувале меѓународното жири и гласовите на публиката. Песните ги оценувале по пет претставници од седум земји, кои најмногу бодови ѝ доделиле на Тамара Тодевска, но Даниел Кајмакоски бил севкупен победник, благодарение на поголемиот број гласови од публиката. Имено, од телефонското гласање, Кајмакски имал 3 597 гласа, пред Чанчалова со 2 688 гласа, а потоа следувале: Тамара Тодевска со 781 глас, Викторија Лоба со 735 гласа и Димитар Андоновски со 574 гласа. Најмалку гласови од публиката освоила Верица Пандиловска, која имала само 50 гласа.[1]

На ова издание на „Скопскиот фестивал“ избил голем скандал, за новодно местење на истиот. Иако, полицијата пронашла 1 500 СИМ-картички, подоцна беше утврдено дека не е пронајден никаков криминал. Учесниците ги следеле правилата и гласале по еден глас за една песна.[2]

НаводиУреди

  1. 1,0 1,1 „Песната е автобиографска, „Евровизија“ ја сонував цел живот“, Дневник, година XVIII, број 5617, петок, 14 ноември 2014, стр. 21.
  2. http://mrt.com.mk/node/17526