Македонија на Евровизија 2008

Македонија учествуваше на Евровизија 2008 со песната Во име на љубовта отпеана од Тамара Тодевска, Врчак и Адријан Гаџа.

Скопје Фест 2008Уреди

Македонската радио-телевизија отвори конкурс за избор на песни кон крајот на 2007 и го затвори пред нова година. 130 песни беа поднесени, од кои 15 беа одбрани од комисија, која меѓу другите се состоеше и од претходни евровизиски претставници. Како дополнување, МТВ предложи 6 песни од добро познати композитори, сепак овие песни беа изоставени од натпреварот со интерна одлука. Скопје Фест 2008 се одржа во Метрополис Арена каде настапија 15 песни. Победникот беше одбран со телефонско гласање (50%) и експертско жири (50%). Селекцијата беше пренесувана преку кабелска и сателитска телевизија.

Евровизија 2008Уреди

На Евровизија, Македонија настапи во второто полуфинале на 22 мај 2008, и иако заврши 10., не успеа да се квалификува во финалето, бидејќи таа година десеттиот што ќе оди во финале се избираше со бодови од жири комисија, и тоа место ѝ припадна на Шведска.