Александар Митевски (пејач)

Александар Митевски
Александар Митевски
Роден(а)	27 јануари 1978, Скопје, Македонија
Жанрови	поп
Занимања	пејач, музичар, текстописец, аранжер и продуцент
Инструменти	вокали
Период на активност	1992—
Мреж. место	FB fаn page

Александар Митевски (Скопје, 27 јануари 1978)^[1] — македонски пејач на забавна музика, композитор и продуцент. Го оформи своето тонско студио ТОРУС во 2001 година.

Животопис уреди

Митевски е роден на 27 јануари 1978 година во Скопје^[2]. За првпат се појавува на македонската сцена како тинејџер во 1993 година кога со рап бендот "Океј Бенд" учествува на "Рап енд Рол фестивал" во организација на ревијата "Екран". Во 1995 година започнува своја соло кариера и како деби сингл ја пишува и издава баладата Матадор во срцето. За првпат во 1996 година се појавува на фестивалите како автор, кога на штипскиот Макфест неговата песна Виолина и гитара во изведба на Дуле и Коки ја освоила првата награда од публиката, а тој е автор на текстот. Во 1997 се појавува за прв пат на Макфест со песната "15 до 2" и истата таа година во издание на Макфест од Штип се појавува неговата деби-касета Ти си секси.... Инаку, материјалот за овој проект е снимен во студиото "Ентерпрајз" на Валентино Скендеровски, освен една тема која е снимена во студиото на Бранко Попчевски.
Паралелно со музиката Александар бил на студии по новинарство, а работел и како ТВ-телевизијата во емисијата на МРТВ — "Розови очила". Беше радио водител и дел од тимот на популарното радио "Антена5". Поголем успех и поголема медиска експонираност имаат песните кои следуваат, Писмо (за која е направен и ремикс) како и 100% фанки^[3], Латино ЦД. Во 1999 го отвори своето прво студио во АХА и ја сними баладата Срце тетовирано во дует со познатиот стопанственик Трифун Костовски. Паралелно со работа на својот втор проект, тој пишувал песни и компонирал и за други изведувачи и групи, од кои се издвојуваат: Угро, Каролина Гочева, Дарио, Биба Додева, Тамара, Нови дечки и др. Го издава албумот "Диско" во септември 2001, а во декември 2002 година, во друштво со Дарио и Угро е реализирана новогодишната тема "Еднаш човек живее".
Во 2002 година ја пишува спортската химна наменета за ракометниот клуб Кометал, "Кометал шампионе" која ги бодреше ракометарките и беше широко прифатена. Во 2005 година ја пишува песната за Град Скопје, "Мојот град", која беше проследена со одличен видео запис од Чедо Поповски. Во 2006 година го издава својот последен студиски албум "Кирилица" на кои се сместени хитовите "Душа Калдрма", "Кирилица" и многу други. 2007 година ја снима баладата "Кинески Ѕид", а последна негова снимена песна е "За век и векови" од летото 2009 година на која му гостуваат многу градски ликови и пријатели. Тој го продуцира албумот со инструментални обработки на Зоран Џорлев - "Не кажувај либе" во 2009 година.
Добитник е на повеќе награди "Златна Бубамара на Популарноста" за најдобри радиски реклами, а последната ја доби за албумот на Џорлев. На 10 ноември 2007 неговата авторска композиција-химна "Македонија навива за вас" која ја отпеа легендарниот Тоше Проески, беше прогласена за македонска официјална спортска химна, кратко по трагичната смрт на македонскиот миленик. Митевски во 2011 со помош на Фондацијата Тоше Проески ја продуцираше обработката на Тоше на "Can you feel the love tonight" заедно со Зоран Џорлев и хорот Златно Славејче.
Како дипломиран новинар од 2000 до 2010 работеше во забавната рубрика на Утрински весник, а сега е дел од тимот на Дневник 2 со своите колумни, рецензии и музички коментари.

Соработки и авторство за други изведувачи уреди

Тоше Проески - Македонија навива за вас, Сите сме нивни деца;
Трифун Костовски - Срце тетовирано, Балада, Душо моја, Молитва;
Дарио - Еднаш човек живее, Капар;
Угро - Знам дека си ти кога викам ало, Шест броја и др. (текстови);
Тамара Тодевска - Шила, Енџелс;
Дуле и Коки - Виолина и гитара, Колку треба да се плати, Песна за тебе, Тоа веќе не сме ти и јас, Е мој бато;
Миле Кузмановски - Не нани ме;
Нови дечки - Шпанска мушица;
Борис Трајанов - Молитва;
Арсен Дедиќ - Балада;
Хавана Бенд - Балада за мајка ти и татко ти

Дискографија уреди

Ти си секси (Макфест 1997.)
Диско (МаксМастер 2001.)
Кирилица (2006.)

Наводи уреди

↑ „Александар Митевски“. web.archive.org. 2012-05-11. Архивирано од изворникот на 2012-05-11. Посетено на 2020-10-21.CS1-одржување: бот: непознат статус на изворната URL (link)
↑ Таушанска, Марија (8 јануари 2010). „Божиќни слатки рефрени“. Нова Македонија. Посетено на 2010-12-12.^{[мртва врска]}
↑ „Го слушнавте ли ремиксот за 100% Funky на Митевски?“. Кантар. Посетено на 2010-12-12.^{[мртва врска]}

[1] „Александар Митевски“. web.archive.org. 2012-05-11. Архивирано од изворникот на 2012-05-11. Посетено на 2020-10-21.CS1-одржување: бот: непознат статус на изворната URL (link)

[2] Таушанска, Марија (8 јануари 2010). „Божиќни слатки рефрени“. Нова Македонија. Посетено на 2010-12-12.^{[мртва врска]}

[3] „Го слушнавте ли ремиксот за 100% Funky на Митевски?“. Кантар. Посетено на 2010-12-12.^{[мртва врска]}

[1]

[2]

[3]