Океанија
Океанија — континент кој се состои воглавно од острови во Тихиот Океан заедно со континентот Австралија. Поимот „Океанија“ првпат е употребен во 1831 г, а денес овој поим се користи за да се означи регионот во океанскиот дел со островите, но и Австралија.[1][2][3]
.svg)
Границите на Океанија се означени на неколку начини. Поголем број од дефинициите за границите ги вклучуваат Австралија, Нов Зеланд, Нова Гвинеја и делови од Малајскиот Архипелаг[4][5][6] Етнолошки, островите во Океанија се поделени на Меланезија, Микронезија и Полинезија.[7]
Океанија е заедничко име за неколку групи острови во Тихиот Океан. Тие се:
Меланезија
уредиМеланезија ги опфаќа островите што се наоѓаат североисточно од Австралија. Во оваа група најголеми се островите Нова Гвинеја (претежно планински, достигнува близу 5 000 м. Поделен на Индонезија и Папуа Нова Гвинеја, Нова Британија, Нова Каледонија, Саломоновите Острови, Вануату и други.
Микронезија
уредиМикронезија зафаќа група мали острови што се наоѓаат североисточно од Меланезија. Во овој дел покарактеристични се Маријанските, Маршалските, Каролинските и Кирибати (Гилбертовите Острови). Голем број од нив се корални острови.
Полинезија
уредиПолинезија опфаќа голем број острови и островски групи во Тихиот Океан. Во Полинезија најпознати се Хавајските Острови, Божиќниот Остров, Куковите Острови и островите Туамоту и други.
Новозеландски острови
уредиНов Зеланд е посебна група острови. Најголеми се Северниот и Јужниот Остров, кои претежно се планински. На Јужниот Остров највисокиот врв на Куковата Планина достигнува 3764 м. Островите имаат вулканска активност, гејзери и врели минерални води. Оваа група припаѓа на државата Нов Зеланд.
Бидејќи повеќето од сотровите се наоѓаат во екваторскиот и на тропскиот појас, климата е претежно тропска. Температурите се релативно високи и има голема влажност. Реките се куси и полноводни. Има развиена бујна тропска вегетација. Островите се одликуваат со многу песочни плажи. Нов Зеланд се одликува со суптропска клима на Северниот и со умерена клима на Јужниот Гребен. Најнаселени се островите Нова Гвинеја и Нов Зеланд. Стопански најразвиен е Нов Зеланд. Тој се смета за високоразвиена индустриско-аграрна земја, со развиени тешката и лесна индустрија и високомеханизирано земјоделско произвосдство.
Опсег
уредиТрадиционално, Океанија е поделена на три големи географски региони: Микронезија, Меланезија и Полинезија. Сепак, постојат и понови предлози за поделба на регионот како на пример Блиска Океанија и Далечна Океанија.[8]
Голем дел од Океанија се состои од острови и атоли со мала населеност за разлика од останатите делови од светот. Австралија е единствената континентална држава. Ако се смета Австралија и Нов Зеланд, тогаш најголем врв е Пунчак Џаја во Папуа со 4884 метри, додека најниска точка е езерото Ејре со 16 метри под нивото на морето.
Држави и региони
уредиОписот за државите и регионите на Океанија варираат од извор до извор. Следната табела вклучува држави и региони според описот на ООН.[6]
Региони
уреди
Држави и територии
уреди
| Име на регион, следено со држави и нивните знамиња |
Површина (км2) |
Население (2002) |
Густина (на км2) |
Главен град |
|---|---|---|---|---|
| Австралија | ||||
 Австралија
|
7,686,850 | 21,050,000 | 2.5 | Канбера |
 Божиќен Остров (Австралија)
|
135 | 1,493 | 3.5 | Флаинг Фиш Коув |
 Кокосови Острови (Австралија)
|
14 | 632 | 45.1 | Вест Ајленд |
 Нов Зеланд
|
268,680 | 4,108,037 | 14.5 | Велингтон |
 Остров Норфолк (Австралија)
|
35 | 1,866 | 53.3 | Кингстон |
| Меланезија | ||||
 Фиџи
|
18,270 | 856,346 | 46.9 | Сува |
 Индонезија (Океанскиот дел)
|
499,852 | 4,211,532 | 8.4 | Џакарта |
 Нова Каледонија (Франција)
|
19,060 | 207,858 | 10.9 | Нумеја |
 Папуа Нова Гвинеја
|
462,840 | 5,172,033 | 11.2 | Порт Морзби |
 Соломони
|
28,450 | 494,786 | 17.4 | Хонијара |
 Вануату
|
12,200 | 196,178 | 16.1 | Порт Вила |
| Микронезија | ||||
 СД Микронезија
|
702 | 135,869 | 193.5 | Паликир |
 Гуам (САД)
|
549 | 160,796 | 292.9 | Хагатња |
 Кирибати
|
811 | 96,335 | 118.8 | Јужна Тарава |
 Маршалски Острови
|
181 | 73,630 | 406.8 | Маџуро |
 Науру
|
21 | 12,329 | 587.1 | Јарен (де факто) |
 Северни Маријански Острови (САД)
|
477 | 77,311 | 162.1 | Сајпан |
 Палау
|
458 | 19,409 | 42.4 | Мелекеок |
| Полинезија | ||||
 Американска Самоа (САД)
|
199 | 68,688 | 345.2 | Паго Паго |
 Кукови Острови (Нов Зеланд)
|
240 | 20,811 | 86.7 | Аваруа |
 Француска Полинезија (Франција)
|
4,167 | 257,847 | 61.9 | Папете |
 Ниуе (Н.З.)
|
260 | 2,134 | 8.2 | Алофи |
 Питкерн (Обединетото Кралство)
|
5 | 47 | 10 | Адамстаун |
 Самоа
|
2,944 | 178,631 | 60.7 | Апија |
 Токелау (Н.З.)
|
10 | 1,431 | 143.1 | — |
 Тонга
|
748 | 106,137 | 141.9 | Нукуалофа |
 Тувалу
|
26 | 11,146 | 428.7 | Фунафути |
 Валис и Футуна (Франција)
|
274 | 15.585 | 56.9 | Мата-Уту |
| Вкупно | 9.008.458 | 35.834.670 | 4.0 | |
| Вкупно без континент Австралија | 1.321.608 | 14.784.670 | 11.2 | |
Наводи
уреди- ↑ Atlas of Canada Web Master (2004-08-17). „The Atlas of Canada - The World - Continents“. Atlas.nrcan.gc.ca. Архивирано од изворникот на 2012-11-04. Посетено на 2009-04-17.
- ↑ List of IOC members (122) by continent Архивирано на 23 февруари 2002 г.. International Olympic Committee: 112th session, Moscow 2001
- ↑ „Encarta Mexico "Oceanía"“. Mx.encarta.msn.com. Архивирано од изворникот на 2009-11-01. Посетено на 2009-04-17.
- ↑ Merriam Webster's Online Dictionary (based on Collegiate vol., 11th ed.) 2006. Springfield, MA: Merriam-Webster, Inc.
- ↑ See, e.g., The Atlas of Canada - The World - Continents Архивирано на 4 ноември 2012 г.
- ↑ 6,0 6,1 „United Nations Statistics Division - Countries of Oceania“. Millenniumindicators.un.org. Архивирано од изворникот на 2011-07-13. Посетено на 2009-04-17.
- ↑ "Oceania". 2005. The Columbia Encyclopedia, 6th ed. Columbia University Press.
- ↑ Ben Finney, The Other One-Third of the Globe, Journal of World History, Vol. 5, No. 2, Fall, 1994.
Поврзано
уредиНадворешни врски
уреди- Океанија на Curlie (англиски)