Паго Паго

Паго Паго (самоански: Pago Pago, [ˈpaŋo ˈpaŋo]) — главен град на Американска Самоа, со население од 11.500 жители (2000). Главни стопански гранки се туризмот, угостителството и конзервирањето на туна. Поврзан е со другите земји со Меѓународниот аеродром Паго Паго.

Паго Паго Pago Pago
Поглед на дел од пристаништето на Паго Паго
Координати: 14°16′46″S 170°42′02″W
Земја	САД
Територија	Американска Самоа
Надм. вис.	&100000000000000090000009 м
Население (2000)
• Вкупно	11.500
Мреж. место	pagopago.com

Вишиот суд на Американска Самоа

Историја

Од 1878 до 1951 г., на местото на Паго Паго се наоѓала тогашната военоморнаричка станица „Тутуила“ која служела за дотур на гориво и поправка на бродовите на американската воена морнарица.

Во јануари 1942 г. пристаништето било нападнато од јапонска подморница.

На 29 септември 2009 г. се случил земјотрес кај Самоа и Американска Самоа, кој предизвикал цунами што го погодил Паго Паго и околните места. Бранот причинил умерени до посериозни штети на селата, објектите и возилата и непознат број на човечки жртви.

Географија

Местото се наоѓа на островот Тутуила и впрочем претставува агломерација од поголем број на села долж источниот дел од брегот. Во Фагатого е сместено законодавството и судот, а Утулеи е седиште на извршната власт.

Клима

Паго Паго има клима од типот на тропска дождовна шума (Кепен: Af).

Образование

Во градот има една јавна библиотека, која го носи името „Фелети Барстоу“.

Занимливости

На периферијата на Паго Паго е сместен ресторан и ноќевалиште „Сади Томпсон“, прогласено за историско место на САД.

Надворешни врски

• Паго Паго на Ризницата ^?
• Портал на Паго Паго (англиски)
• Информации за Паго Паго Архивирано на 27 ноември 2010 г. — SamoaWorld (англиски)