Википедија

Туризам во Грција

Туризмот во Грција — клучен елемент на економската активност во земјата и е еден од најважните сектори во земјата. Грција е главно туристичко одредиште и знаменитост во Европа од антиката, поради нејзината богата култура и историја, што во голема мера се рефлектира од страна на 18-те места кои се вклучени во списокот на светско наследство на УНЕСКО[2], како и поради нејзиното долго крајбрежје, многу острови и плажи[3].

Песочната плажа Егремни на грчкиот остров Лефкада, позната по своите сини кристални води,[1] е популарно туристичко одредиште.

Грција привлекла 26,5 милиони посетители во 2015 година и 30 милиони посетители во 2016 година[4][5], што ја прави Грција една од најпосетените земји во Европа и светот, и придонесува со 18% во бруто-домашниот производ во земјата[6]. Нејзиниот главен град Атина, како и Санторини, Миконос, Родос, Крф, Крит и Халкидик се некои од главните туристички одредишта во земјата.

Во последниве години, Грција, исто така, промовирала верски туризам и поклонение во региони со значително историско религиозно присуство, како што се манастирите во Метеора и Света Гора, во соработка со други земји[7].

Клима

уреди

Грција има средоземна клима по должината на бреговите и островите, додека во внатрешноста на земјата, многу области и градови имаат континентална клима[8].

Летата обично се топли и суви, додека зимите обично се благи и влажни. Северна Грција може да доживее студени зими, додека Јужна Грција и островите значително се со поблаги зими [9].

 
Панорамски поглед на калдерата во Санторини

Податоци

уреди

Население

уреди

Населението во Грција во моментов е над 11,14 милиони луѓе[10] според податоци од април 2018 година и земјата е рангирана на 79-то место во светот[11] според број на население.

Средната возраст во Грција изнесува 43,7 години[10] од април 2018 година. Наталитетот во Грција, се намалува поради тоа што семејствата не можат да си дозволат да имаат деца. Само во изминатите 4 години, болниците велат дека имало 10% намалување на бројот на раѓања[10]. Грција има највисока стапка на невработеност (28%) во Еврозоната од април 2018 година, со што е веројатно дека наталитетот ќе продолжи да опаѓа и просечната возраст ќе продолжи да расте.

Атина и Солун се најголемите градови во Грција.

Управување

уреди

Грција е парламентарна република[12]. Претседател во моментов е Прокопис Павлопулос[13], додека премиер е Алексис Ципрас[13]. Министерскиот совет е тело за донесување одлуки што ја сочинува Владата на Грција[12].

Парламентот и претседателот на Републиката ја сочинуваат Законодавната власт, Претседателот на Републиката и Владата ја сочинуваат Извршната власт, а Судската власт се дава на судовите. Парламентот е тело од 300 лица и го избира народот[14].

Јазик

уреди

Грчкиот јазик е национален службен јазик и е мајчин јазик за поголемиот дел од населението[15]. Современиот грчки јазик потекнува од средновековниот грчки, со многу регионални дијалекти што се наоѓаат низ целата земја. Албанскиот јазик е најголемиот јазик што го зборува малцинството во рамките на Грција[16].

Англискиот јазик е вклучен во образовниот систем на Грција, дозволувајќи им на 48% од населението да го зборуваат[16]. Останати јазици кои се зборуваат се германски (9%), француски (8,5%) и италијански (8%)[15].

Религија

уреди

98% грчки православни, 1,3% муслимани, 0,7% Други[17].

Историја

уреди

Туризмот во Грција ги трасира своите корени до антички времиња. Културната размена се одвивала помеѓу грчките колонии на Голема Грција и младата Римска Република пред Рим да стане доминантен на западното Средоземје. Кога Грција била припоена кон Римското Царство со векови подоцна, културната размена што започнала меѓу двете цивилизации предизвикала голем број Римјани да ги посетуваат познатите центри на грчката филозофија и наука, како што биле Атина, Коринт и Теба, делумно поради тоа што Грција станала провинција на Римското Царство, а на Грците им било доделено римско државјанство.

Туризмот во денешна Грција започнал да се развива во 1960-тите и 1970-тите, во она што станало познато како масовен туризам[18]. За тоа време биле преземени големи градежни проекти за изградба на хотели и други такви капацитети, а земјата забележала пораст кај странските туристи во текот на годините[18]. Меѓународните настани, како што се Летните олимписки игри 2004 и Евровизискиот натпревар во 2006 година, се одржале во Атина, и во голема мера помогнале да се засили туризмот во земјата, додека културната инфраструктура од големи размери, како што е Акрополскиот музеј, исто така придонело за проток на туристи во земјата. Солун бил европски главен град на младите во 2014 година.

Посетители

уреди
 
Шумски пат во Пелион
 
Планинарски дом во Олимп
 
Навагио, песочна плажа во Закинтос

Во 2009 година, земјата била посетена од 19,3 милиони туристи[19], за разлика од 2008 година кога земјата била посетена од страна на 17,7 милиони туристи[20]. Најголемиот дел од туристите во земјата се од ЕУ (12,7 милиони), потоа следат оние од Америка (0,56 милиони), Азија (0,52 милиони), Океанија (0,1 милиони) и Африка (0,06 милиони)[21]. Во 2007 година, повеќе британски туристи ја посетиле земјата од било која друга националност, со вкупно 2.61 милиони, што претставува само 15% од туристите во земјата само за таа година. Дополнително, таа година во земјата ја посетиле 2,3 милиони Германци, 1,8 милиони Албанци и 1,1 милиони Бугари[21]. Во 2007 година, 92,8% од вкупниот број туристи во Грција биле од земји во Европа[21].

Најпосетениот регион во Грција е Централна Македонија во Северна Грција, каде се наоѓаат некои од најпопуларните атракции во земјата, како што се Халкидик, планината Олимп, Пела, родното место на Александар Велики и вториот по големина грчки град Солун[20]. Во 2009 година, Централна Македонија ја посетиле 3,6 милиони туристи, или 18% од вкупниот број туристи кои ја посетиле Грција истата година,[20], по кое следувале Атика (2,6 милиони) и Пелопонез (1,8 милиони)[19]. Северна Грција е најпосетениот регион во земјата, со 6,5 милиони туристи, додека Централна Грција е на второ место со 6,3 милиони[19].

Според анкетата спроведена во Кина во 2005 година, Грција била избрана за избор на број еден на кинескиот народ како туристичко одредиште[22]. Во ноември 2006 година Австрија, исто како и Кина, објавила дека Грција е омилено туристичко одредиште за нејзините граѓани[23]. Во согласност со овие податоци, поранешниот грчки министер за туризам, Арис Спилиотопулос, го објавил отворањето на канцеларија на Грчката национална туристичка организација во Шангај до крајот на 2010 година, а во моментов во Кина работат две такви туристички канцеларии, една во Шангај и една во Пекинг[24]. Се проценува дека во текот на 2013 година Грција била посетена од страна на 17,93 милиони туристи, што претставува зголемување од 10% во споредба со 2012 година. Повеќе од 22 милиони туристи ја посетиле Грција во 2014 година, а овој број се зголемил на 26 милиони посетители во 2015 година и било планирано да привлечат 28 милиони посетители во 2016 година[25][26][27], што би ја направило една од најпосетените земји во Европа и во светот. Туризмот во Грција најчесто го достигнува својот врв помеѓу мај и септември, период во којшто се случуваат околу 75% од сите туристички посети[28].

Посетители по земја

уреди

Соседна Македонија имала најголем број туристи во Грција во 2015 година. Топ 10 земји биле[29]:

Место Земја Број
1   Македонија 3,023,059
2   Германија 2,810,350
3   Обединето Кралство 2,397,169
4   Бугарија 1,900,642
5   Франција 1,522,100
6   Италија 1,355,327
7   Турција 1,153,046
8   Полска 754,402
9   САД 750,250
10   Србија 727,831

Економско влијание

уреди

Во исто време, туристичката потрошувачка значително се зголемила од крајот на милениумот, од 17,7 милијарди американски долари во 2000 година на 29,6 милијарди американски долари во 2004 година. Бројот на работни места директно или индиректно поврзани со туристичкиот сектор изнесувал 659.719 и претставувал 16.5% од вкупната вработеност на земјата за таа година.

Храна и пијалак

уреди

Поради местоположбата на Грција, влијанијата од околните земји може да се најдат во нејзината кујна. Поради тоа, низ улиците на туристичките места можат да се најдат различни ресторани кои нудат различна храна. Во овие ресторани најчесто се нуди гиро, сувлаки, скордалија и ѕаѕики.[30]. Маслинката е основа на повеќето јадења во Грција[31].

Доколку туристот сака да ја проба традиционална грчка кујна, обично се нуди мусака или пастисио[30]. Традиционалните пијалаци вклучуваат узо, ципуро и вино[30].

Заедничка храна во Грција

уреди

Следниве јадења обично можат да се најдат во Грција[32]:

Вода

уреди

Водата во Грција е безбедна за пиење. Сепак, достапна е и флаширана вода[31].

Инфраструктура

уреди

Како развиена земја која е многу зависна од туризмот, Грција нуди широк спектар на туристички капацитети[35]. Туристичката инфраструктура во Грција е значително подобрена уште од Олимписките игри во Атина во 2004 година и продолжува да се проширува со голем број важни проекти, особено во областите на помалку масовниот туризам[36].

Хотели и конференциски објекти

уреди
 
Хотелот и одморалиште на Порто Карас со пет ѕвездички на Халкидик бил домаќин на самитот на ЕУ во 2003 година
 
Пристаништето Нафпактос

Конференцискиот туризам, насочен кон академски, деловни или културни пазари, е камен-темелник на грчката национална туристичка политика. Како резултат на тоа, грчката влада, со силна поддршка од локалните власти, нуди поволни парични дотации, субвенции за лизинг и вработување и даночни олеснувања за воспоставување на нови конференциски објекти и проширување на постоечките. Во еден неодамнешен извештај во Состаноците и иницијативните патувања, Грција била на осмото место во светот во ноќевањата за конференции. Бројките од истражувањето за туризмот, спроведено од WTTC, предвидиле пораст на приходите во бизнис-патувањето во Грција од 1.51 милијарди американски долари во 2001 година на 2,69 милијарди американски долари во 2011 година. Во 1998 година, бројката изнесувала 1,18 милијарди американски долари.

Според Грчката комора на хотели во 2016 година, бројот на хотели во Грција бил според следната класификација:[37]

Ѕвезди Број Кревети
5 ѕвезди 444 137,210
4 ѕвезди 1,412 203,203
3 ѕвезди 2,472 185,560
2 ѕвезди 3,990 210,365
1 ѕвезда 1,412 52,215
Вкупно 9,730 788,553

Бањи и термални извори

уреди

Грција има 752 термални извори. Многу од нив се класифицирани како терапевтски од страна на Националниот институт за географски и минерални истражувања. Неколку од нив биле познати и експлоатирани уште од антиката. Топлинскиот туризам бил еден од најраните форми на туризам во античкиот свет. Некои од овие антички центри се наоѓале во Адипос, познат уште од времето на Аристотел[38]. Лутраки, спомнат од Ксенофонт[39], Трајанополис, основан од царот Трајан во II век од н.е., додека некои други се потврдени во византискиот период, како што се Термалните бањи на Лангадас. Кон крајот на 19 и почетокот на 20 век овие топли извори биле опкружени со космополитски објекти, односно со хотели и ресторани, додека неколку истакнати членови на општеството како на модерната грчка држава, така и на османлиската држава (за регионите што сè уште се инкорпорирани во неа) биле вклучени во туристичка инфраструктура. Топлинскиот туризам станал особено распространет во 1960-тите и 1970-тите години, додека во 1980-тите бил широко поддржан од програмата за социјален туризам, која субвенционирала голем дел од трошоците за стари корисници на објектите. Денес, сепак, постои итна потреба истите да се реновираат, да се обноват и издигнат овие бањи според современи стандарди и да се создаде меѓународна клиентела. Посетителите, сепак, веќе можат да најдат високостандардни туристички капацитети во Позар, во Адипос и во Камена Вурла, во Лутраки во близина на Коринт, како и во Кајафас, на западните брегови на Пелопонез.

Археолошки местс и градови

уреди
 
Гробот на Филип II Македонски во Вергина
 
Храм на Посејдон
 
Олимписки стадион во Олимпија
 
Лавска порта во Микена, Пелопонез
 
Палата во Кносос
  • Акропол на Родос: акропола која датира од класичниот грчки период (5 и 3 век п.н.е.).
  • Акропол на Линдос: природна тврдина која била постојано доградувана од страна на Грците, Римјаните, Византијците, Витезите на Свети Јован и Османлиите.
  • Античка Тера: антички град на сртот на стрмната планина Месавуно на 360 метри на грчкиот остров Санторини.
  • Абдера, Тракија: град-држава на брегот на Тракија, 17 км источно-североисточно од Нестос, и речиси спроти Тасос.
  • Акротири (Санторини): населба од минојско бронзено време на вулканскиот грчки остров Санторини (Тера).
  • Амбракија: урнатините на древниот главен град на Пир Епирски во денешна Арта во Епир.
  • Амфиполис: антички град во регионот на Македонија, некогаш населен со народот Едони.
  • Аргос: неколку антички урнатини.
  • Атина: грчкиот главен град има многу археолошки наоѓалишта, најпознати се: Атински акропол, Храм на Зевс, древните атински гробишта од Керамејкос, споменик Филопап, Кула на ветровите, Платонска академија и Античка Агора.
  • Баса: археолошко наоѓалиште во североисточниот дел на Месинија, Грција.
  • Халкида: на Еубеја.
  • Антички Коринт: древни урнатини во близина на модерниот град ги вклучуваат Храмот на Истмија и храмот на Аполон.
  • Делос: ненаселен остров познат по своите бројни археолошки наоѓалишта, вклучувајќи.
  • Делфи: град во западна Грција, со истакнат антички театар, градот на Оракул.
  • Димотика: историски град во Тракија изграден во близина на грчко-турската граница која има многу антички грчки, византиски и отомански знаменитости.
  • Дион, Пиерија: светото место на Антички Македонци. Дион е место на голем храм посветен на Зевс, како и серија храмови на Деметра и Изида.
  • Додона: светилиштето на Додона во Епир се сметало за најстаро хеленистичко пророштво, веројатно датира од вториот милениум пред нашата ера, според Херодот.
  • Елефсина: од почетокот на 1700 година п.н.е. до IV век од н.е., Елефсина бил место на Елефсинските мистерии
  • Елеја (Епир): стариот пристаништен град на устието на реката Ахерон во Епир.
  • Епидаур: Антички театар, сега реставриран.
  • Гитана: урнатините на античкиот град во Епир.
  • Камирос: антички град на островот Родос.
  • Кносос: археолошко наоѓалиште на Крит познато по неговата руинирана минојска палата.
  • Либетра: антички град близу Олимп, каде што Орфеј бил погребан од Музите.
  • Ликиска гробница
  • Маратонска могила
  • Метеора: манастирите, кои се места на светското наследство.
  • Микена: во вториот милениум п.н.е. Микена била еден од главните центри на грчката цивилизација.
  • Месена: поголемиот дел од областа на Античка Месена ги содржи урнатините на големата класична градска држава Месена.
  • Некромантеон: древен грчки храм на посветен на Хад и Персефона.
  • Немеа: во старогрчката митологија Херакле го убил Нејмскиот лав, и тука за време на антиката се играле Нејмските игри.
  • Никополис: антички град во Епир, основан на 31 п.н.е. од Октавијан Август
  • Олимпија: древни урнатини, вклучувајќи го и Храмот на Зевс, Храмот на Хера.
  • Олинт: антички град на Халкидик.
  • Палата на Нестор
  • Пела: главен град на Античка Македонија и родното место на Александар Велики и Филип II Македонски.
  • Фестос: археолошко наоѓалиште од бронзеното време во централен Крит.
  • Филипи: основан од кралот на Македонија, Филип Втори.
  • Сунион: храмот на Посејдон.
  • Комплексен храм Самотрака: еден од главните панхеленистички верски светилишта, сместен на островот Самотрака.
  • Сирос: неокласичен град Ермуполи.
  • Стагира: урнатините на античкиот град познат како родното место на Аристотел.
  • Спарта: во близина на современиот град се наоѓаат антички урнатини, најважни се гробот на Леонид.
  • Тиринт: археолошко наоѓалиште на Пелопонез.
  • Тегеја: населба, важен религиозен центар на Стара Грција.
  • Теба
  • Термопили: Првенствено познат по битката што се случила таму во 480 година п.н.е.
  • Солун: град со многу историски градби
  • Вергина: македонските кралски гробници и урнатините на древниот македонски главен град во регионот на Македонија, Грција.
  • Закрос: археолошко наоѓалиште на Крит од бронзеното време, изградено на источниот брег на островот.

Наводи

уреди
  1. ↑ „13 Places Where You Can See the Bluest Water in the World“. Travel+Leisure. Посетено на 16 March 2017.
  2. ↑ „Greece Properties inscribed on the World Heritage List (17)“. Unesco. Unesco.
  3. ↑ Greece by Paul Hellander, Kate Armstrong, Michael Clark, Des Hannigan
  4. ↑ „Great record: 30 million tourists in 2016 (Μεγάλο ρεκόρ: Αγγιξαν τα 30 εκατ. οι τουρίστες το 2016)“. imerisia.gr. Посетено на 30 April 2017.
  5. ↑ „Historic records for tourism (Ιστορικό ρεκόρ για τον τουρισμό)“. topontiki.gr. Посетено на 6 March 2017.
  6. ↑ „For a Sustainable Tourism Industry“. Посетено на 6 March 2017.
  7. ↑ „Greece Focuses on Religious Tourism, Explores Cooperation with Russia“. gtp.gr. Посетено на 6 March 2017.
  8. ↑ „Climate in Greece: temperature, precipitation, when to go, what to pack“. www.climatestotravel.com (англиски). Посетено на 2018-02-19.
  9. ↑ weatheronline.co.uk. „Climate of the World: Greece | weatheronline.co.uk“. www.weatheronline.co.uk (англиски). Посетено на 2018-02-19.
  10. ↑ 10,0 10,1 10,2 „Greece Population (2018) - Worldometers“. www.worldometers.info (англиски). Посетено на 2018-03-11.
  11. ↑ „Greece Population 2018 (Demographics, Maps, Graphs)“. worldpopulationreview.com. Посетено на 2018-03-11.
  12. ↑ 12,0 12,1 „Government and Politics - About Greece“. www.mfa.gr (англиски). Посетено на 2018-03-11.
  13. ↑ 13,0 13,1 „Greece: Government“. globaledge.msu.edu (англиски). Посетено на 2018-04-03.
  14. ↑ „Government in Greece“. www.greecetravel.com. Посетено на 2018-03-11.
  15. ↑ 15,0 15,1 „Wayback Machine“ (PDF). 2016-01-06. Архивирано од изворникот на 2016-01-06. Посетено на 2018-02-27.CS1-одржување: бот: непознат статус на изворната URL (link)
  16. ↑ 16,0 16,1 „What Languages Do They Speak In Greece?“. WorldAtlas (англиски). Посетено на 2018-02-28.
  17. ↑ „Religion in Greece: History of Orthodoxy - Greeka.com“. Greeka (англиски). Посетено на 2018-03-15.
  18. ↑ 18,0 18,1 „Greece Tourism: Information about tourism in Greece and the Greek Islands“. www.greeka.com. Архивирано од изворникот на 2011-07-08. Посетено на 17 May 2011.
  19. ↑ 19,0 19,1 19,2 „Nights spent in tourist accommodation establishments - regional - annual data“. epp.eurostat.ec.europa.eu. 2010. Посетено на 19 May 2011.
  20. ↑ 20,0 20,1 20,2 „Tourism“ (PDF). epp.eurostat.ec.europa.eu. 2010. Посетено на 19 May 2011.
  21. ↑ 21,0 21,1 21,2 „24.2 mln tourist arrivals in Greece in 2014“. Proto thema. April 2015. Посетено на 17 July 2015.
  22. ↑ „People's Daily Online -- Minister says Greece, China to be best tourist partners“. Посетено на 9 June 2015.
  23. ↑ „архивска копија“. Архивирано од изворникот на 2016-03-03. Посетено на 2018-04-06.
  24. ↑ „GNTO Offices Abroad“. www.visitgreece.gr. Архивирано од изворникот на 2017-03-07. Посетено на 19 May 2011.
  25. ↑ Ioanna Zikakou (25 August 2015). „New Record for Greek Tourism: Around 26M Arrivals in 2015“.
  26. ↑ „Προβλέψεις για νέο ρεκόρ στον τουρισμό το 2016“.
  27. ↑ „Ιστορικό ρεκόρ για τον τουρισμό“.
  28. ↑ „Tourism in Greece“. Tourism in Greece. Greeka.com. Посетено на 28 March 2014.
  29. ↑ NON-RESIDENTS ARRRIVALS FROM ABROAD: January - December 2015, Retrieved 31 October 2016
  30. ↑ 30,0 30,1 30,2 team, Greeking.me. „The do's and dont's of eating in Greece – Greeking.me“ (англиски). Посетено на 2018-03-15.
  31. ↑ 31,0 31,1 31,2 „FOOD IN GREECE“. greeklandscapes.com. Архивирано од изворникот на 2016-10-30. Посетено на 2018-04-04.
  32. ↑ 32,0 32,1 32,2 32,3 32,4 „It's All Greek: 19 Classic Recipes You'll Love“. The Spruce. Посетено на 2018-04-04.
  33. ↑ 33,0 33,1 „Top 10 dishes to try in Greece“. BBC Good Food (англиски). Посетено на 2018-04-04.
  34. ↑ 34,0 34,1 „Food in Greece - Greek Food, Greek Cuisine - traditional, popular, dishes, recipe, diet, history, common, rice, famous“. www.foodbycountry.com (англиски). Посетено на 2018-04-04.
  35. ↑ „Country Information“. Архивирано од изворникот на 2013-12-28. Посетено на 9 June 2015.
  36. ↑ „Luxury Resorts and Residences in Greece - Costa Navarino“. Посетено на 9 June 2015.
  37. ↑ „Ξενοδοχειακό Δυναμικό Ελλάδας 2016 - Σύνολο Χώρας“ (PDF). www.grhotels.gr. 2016. Архивирано од изворникот (PDF) на 2018-12-22. Посетено на 2018-04-06.
  38. ↑ User, Super. „Hellenic Association Of Municipalities With Thermal Springs“. www.thermalsprings.gr. Посетено на 7 October 2017.
  39. ↑ User, Super. „Hellenic Association Of Municipalities With Thermal Springs“. www.thermalsprings.gr. Посетено на 7 October 2017.

Надворешни врски

уреди
Преземено од „https://mk.wikipedia.org/w/index.php?title=Туризам_во_Грција&oldid=5249767“