Википедија

Ремко Евенепул

белгиски велосипедист

Ремко Евенепул (холандски: Remco Evenepoel; р. 25 јануари 2000) — белгиски професионален друмски велосипедист, кој вози за UCI World Tour екипата Судал Квик-Степ.[2]

Ремко Евенепул
Лични податоци
Цело имеРемко Евенепул
ПрекарАеробулет (Aerobullet)
Роден25 јануари 2000(2000-01-25) (24 г.)
Алст,  Белгија
Висина1,71 м[1]
Маса61 кг[1]
Податоци за клубот
Мом. клубСудал Квик-Степ
Дисциплинадрумски велосипедизам
Улогавозач
Вид на возачуниверзален возач
Професионални клубови
2019– Декојнинк-Квик Степ
Значајни победи
Големи трки
Вуелта а Еспања
Генерален пласман (2022)
Пласман за млад возач (2022)
2 поединечни трки (2022)

Етапни трки

Трка околу Полска (2020)
Трка околу Данска (2021)
Трка околу Белгија (2019, 2021)
Трка околу Норвешка (2022)
Волта ао Алгарве (2020, 2022)
Вуелта а Бургос (2020)
Вуелта а Сан Хуан (2020)

Еднодневни трки и класици

Светски друмски првак (2022)
Европски хронометарски првак (2019)
Национален хронометарски првак (2022)
Лиеж-Бастоњ-Лиеж (2022)
Класика де Сан Себастијан (2019, 2022)
Бриселски велосипедски класик (2021)
Копа Берноки (2021)
Последна промена
18 ноември 2022

Тој е син на Патрик Евенепул, поранешен велосипедист, кој победил на Гран при Валони 1993.[3] Ремко Евенепул најпрвин започнал со фудбал, играјќи за младинските екипи на Андерлехт и Ајндховен и бил вклучен во младинската репрезентација на Белгија. Сфаќајќи дека неговата градба е повеќе подобна за велосипедизам, во 2017 година се насочил кон овој спорт. Откако ги освоил друмската трка и хронометарот во јуниорските категории на Светското друмско првенство 2018, Евенепул станал професионалец со Декојнинк-Квик Степ, прескокнувајќи го рангот под 23 години.

Евенепул е сметан за еден од најголемите таленти во светскиот велосипедизам и често е споредуван со Еди Меркс, најуспешниот велосипедист на сите времиња.[4][5]

Евенепул ја освоил Вуелта а Еспања 2022 и Светското друмско првенство две недели подоцна.

Кариера уреди

Јуниорска кариера уреди

 
Победувајќи на светското јуниорско првенство во 2018 година

Син на поранешниот професионален велосипедист Патрик Евенепул, Ремко Евенпул ја започнал својата спортска кариера како фудбалер. На пет години станал член на Андерлехт. Кога имал 11 години се префрлил во младинската академија на ПСВ Ајндховен пред да се врати во Андерлехт на 14 години. Играл четири пати за белгиската репрезентација под 15 години и пет пати за белгиската репрезентација под 16 години. По некои разочарувања и неуспеси се префрлил на велосипедизам во 2017 година. Ги освоил хронометарската и друмската трка на Европското јуниорско друмско првенство во 2018 година. Разликата меѓу него и второпласираниот на друмската трка била 9 минути и 44 секунди.[6][7]

Истата година ги повторил истите резултати и на Светското јуниорско друмско првенство.[8]

Декојнинк-Квик-Степ уреди

2019 уреди

 
Евенепул ја слави победата на Класика де Сан Себастијан 2019

Избирајќи да ги прескокне ранговите до 23 години, Евенепул објавил во јули 2018 година дека ќе се приклучи на Декојнинк-Квик Степ за сезоната 2019.[9] Во првата сезона, Евенепул требало да настапува на пократки етапни трки и ќе ги избегнел калдрмисаните еднодневни класични трки.[10][11] На неговата прва трка на Вуелта а Сан Хуан, Евенепул го освоил пласманот за млад возач и деветтото место во генералниот пласман. Воедно го освоил својот прв професионален подиум на третата етапа (хронометар), кога завршил зад колегата Жилијан Алафилип и Валерио Конти.[12] Првата професионална победа на Евенепул дошла на Трката околу Белгија, каде го освоил генералниот пласман, како и етапа и бодовниот пласман.[13] На 3 август 2019 година, Евенепул ја забележал својата прва победа во Светската турнеја, кога ја освоил трката Класика де Сан Себастијан. Се одвоил од групата, придружуван од Томс Скујињш на околу 20 километри од целта, откачувајќи го неговиот придружник на последното искачување со што стигнал сам до победата.[14] Станал трет најмлад возач некогаш кој освоил велосипедски класик во историјата на спортот.[15] На 8 август 2019 година, Евенепул го освоил хронометарот на Европското друмско првенство 2019.[16] На Светското друмско првенство во септември, Евенепул можел да настапил во категоријата под 23 години, но одлучил да се настапи во возрасната категорија.[17] Го освоил сребрениот медал на хронометарот.[18] Поголем дел од годината го поминал делејќи соба со Филип Жилбер, кој му имал менторска улога.[19]

2020 уреди

Евенепул ја започнал сезоната 2020 на Вуелта а Сан Хуан, каде го освоил поединечниот хронометар на третата етапа и генералниот пласман.[20] Потоа настапил на Волта ао Алгарве. Таму, ја освоил втората и последната етапа, хронометар, со што ја запечатил победата на трката пред Максимилијан Шахман.[21]

По паузата од трките поради пандемијата на коронавирусот, ја освоил Вуелта а Бургос[22] и Трката околу Полска.[23]

Ремко Евенепул доживеал сериозен пад на Џиро ди Ломбардија. Додека се спуштил на Муро ди Сормано и по остра кривина, удрил во низок ѕид на мост од кој бил фрлен преку него, паѓајќи во каллив дел близу дрвја, неколку метри под патот.[24] Немало други велосипедисти вклучени во падот и тој брзо преземен од спасувачките екипи, свесен и можел да одговара. Неколку часови подоцна, неговата екипа потврдил дека има скршена карлица и набиено десно белодробно крило, истакнувајќи дека нема набрзо да се врати на трки.[25]

2021 уреди

Евенепул се вратил на трките на Џиро д’Италија 2021, завршувајќи седми на воведниот пролог, по кој изјавил: „Стоев на рампата за тргнување со солзи во моите очи. Беше тежок пат за враќање и почеток на Џиро како овој. Но веднаш место меѓу првите десет, не очекував – многу сум среќен“.[26] Откако бил меѓу првите 15 етапи меѓу првите десет во генералниот пласман, паднал на етапата 17 и не можел да ја продолжи трката.[27]

Настапил на презакажаните Летни олимписки игри 2020 во Токио на обете дисциплини, друмската трка и хронометарот, завршувајќи меѓу првите десет на хронометарот. Во текот на Светското првенство 2021 во Фландрија го освоил неговиот втор медал на светските првенства, освојувајќи ја бронзата на хронометарот. Пред друмската трка било јасно дека Ваут ван Ерт бил предвиден предводник за белгиската репрезентација за да се дојде до домашна победа,[28] а Еди Меркс изјавил за Хет Ниусблад дека „Ако има само еден предводник, навистина не треба да се земе Евенепул [...] Тој главно вози за самиот себе; го видовме тоа на Олимпијадата“. Евенепул реагирал „Тој секогаш има да каже нешто и тоа е срамно [...] Можеби ме боцка дека не возам за екипата на неговиот син. Имам многу почит за Еди, но очигледно тоа не е меѓусебно“. На самата трка изјавил: „Тука сум да работам за Белгија, за Ваут, бидејќи знам дека ова е прилика на неговиот живот да биде светски првак. Тој е во животна форма и ќе биде глупо од мене да возам за себе. На оваа патека, никој не е посилен од Ваут. Веќе изјавив претходно многу пати дека ќе направам сѐ за Ваут“.[29]

 
Евенепул на Трката околу Данска, која ја освоил

На друмската трка, Евенепул очигледно одговорил на критиките на Меркс дека е себичен велосипедист приклучувајќи се на ран напад на преостанати 180 километри, по што следел напад на средина на трката, а потоа создал одлучувачки избор во завршните кругови.[30] Ван Ерт не успеал да ја освои трката, која ја освоил Жилијан Алафилип. По трката, луѓето од светот на велосипедизмот како менаџерот на Евенепул Патрик Лефевр ја пофалил силата на Евенепул и се запрашал дали белгиската репрезентација направила погрешен избор на предводник.[31] Лефевр прашал: „Зашто Белгијците сакале да ја скршат трката толку рано? И над тоа, зашто го фрлиле Ремко во судир толку рано? За мене, Ремко беше најдобар на трката по Жилијан. Но, тие само го жртвувале и го послале црвениот тепих за Жилијан“.[32]

Евенепул одговорил на критиките за тактиката на Белгија откривајќи дека чувствувал дека можел да ја освои трката, но дека „петок вечерта пред првенството имало состанок на сите. Било многу нејасно што точно се очекува од мене. Откако преспав, следниот ден отидов до тренерите Свен Вантуренхаут и Серж Пауелс] и прашав: Што се очекува од мене на трката? „Исто така јасно кажав дека мислам дека можам да ја освојам трката во одредено сценарио. Дали ќе имам шанса или не?' Тоа го прашав. Не беше одговорот“.[30] Ова предизвикало јаз во екипата; Ван Ерт изјавил „Очекував да слушнам критика бидејќи не победивме, но да дојде од некој од екипата не е паметно и служи само за потпалување на оганот. Срамно е и жалам поради тоа. Ремко критикуваше повеќе на телевизија отколку на состанокот на екипата“[33] и „тој бил тој што се согласил со тактиката, кој се согласил со изборот. Држел лекции со недели како се договорил со тоа и е многу чудно да се сврти 180 степени сега“.[34]

Денови по трката, сонародникот Јаспер Стејвен изјавил дека Евенепул не се појавил на состанокот на екипата: „Сите беа таму, освен Ремко [...] Беше свесен, но мислам дека беше потребно. Мислам дека е срамота, особено бидејќи мислеше дека е потребно да кажува работи на телевизија. Тоа остана со некои од нас. [...] Мислам дека Ремко треба понекогаш да забави со неговата свита. Треба да научи кога може и кога не може да кажува работи. Исто така, како супер силен возач - што несомнено е - треба да научи дека некои работи треба да останат внатрешни“.[35]

2022 уреди

 
Евенепул на Светското друмско првенство 2022

На 24 април, на 22 години, Евенепул го освоил својот прв велосипедски монумент на Лиеж-Бастоњ-Лиеж 2022 со соло-напад на 29,6 километри пред целта, завршувајќи 48 секунди пред второпласираниот. Тоа било прво негово учество на овој монумент. Ја завршил трката во должина од 257,1 километар со просечна брзина од 41,397 км/ч, што било најбрзо издание во историја на трката. Ја освоил Класика де Сан Себастијан 2022 започнувајќи соло-напад на 44 километри до целта, завршувајќи скоро две минути пред второпласираниот Павел Сиваков.[36]

Во почетокот на септември, Евенепул ја освоил Вуелта а Еспања 2022, негов прв триумф на некоја голема трка.[37] Евенепул ја освоил црвената маичка по шестата етапа на трката, која завршила со 800 метри искачување. Иако етапата ја освоил Џеј Вајн, Евенепул успеал да заврши втор, со што се оддалечил од другите соперници за генералниот пласман, вклучувајќи го Примож Роглич, фаворитот пред трката.[38] Евенепул го проширил неговото водство во генералниот пласман на 2 минути и 41 секунда по доминантниот настап на поединечниот хронометар на десеттата етапа, завршувајќи ја патеката од 30,9 километри за 33 минути и 18 секунди, 48 секунди пред второпласираниот Роглич.[39] На следните предизвикувачки планински етапи Роглич и Енрик Мас вратиле дел од изгубеното време, намалувајќи го водството на Евенепул во генералниот пласман на само 1 минута и 26 секунди.[40] Меѓутоа, по повлекувањето на Роглич од трката по падот на етапата 16, Евенепул ја освоил етапата 18, уште една завршница на нагорнина, обезбедувајќи предност од 2 минути и 7 секунди пред Мас, што ќе се покаже недостижно во последните две етапи.[41] Пристигнувајќи во Мадрид, предноста на Евенепул била две минути и две секунди пред Мас и 4 минути и 57 секунди пред третопласираниот Хуан Ајусо.[42]

Во септември, Евенепул настапил на поединечниот хронометар и на друмската трка на Светското друмско првенство во Волонгонг, Австралија. Завршил трет на хронометарот, 9 секунди зад победникот Тобијас Фос.[43] Една седмица подоцна ја освоил друмската трка, завршувајќи две минути и 21 секунда пред Французинот Кристоф Лапорт.[44] Приклучувајќи се на бегството на 32 километри до целта, Евенепул успеал да се одвои од Алексеј Луценко по седум километри и возел сам до целта за негова прва победа на Светското првенство во елитно ниво.

Достигнувања уреди

2017
1. Ла Филип Жилбер јуниори
1. Ла Рут де Жеан
Обел-Тимистер-Ла Глејз
1.   Бодовен пласман
1. Етапа 2b
2018
Светско јуниорско друмско првенство
1.   Друмска трка
1.   Хронометар
Европско јуниорско друмско првенство
1.   Друмска трка
1.   Хронометар
Национално јуниорско друмско првенство
1.   Друмска трка
1.   Хронометар
1.   Краен пласман Џиро дела Луниџана
1.   Бодовен пласман
1.   Планински пласман
1. Етапа 1а
1. Етапа 2
1. Етапа 4
1.   Краен пласман Мировна трка јуниори
1.   Бодовен пласман
1.   Планински пласман
1. Етапа 2а (ITT)
1. Етапа 4
1.   Краен пласман ГП Женерал Патон
1.   Бодовен пласман
1.   Планински пласман
1. Етапа 1
1. Етапа 2
1.   Краен пласман Обел-Тимистер-Ставел
1.   Бодовен пласман
1.   Планински пласман
1. Етапа 3
1.   Краен пласман Трофеј Сентр Морбијан
1.   Бодовен пласман
1. Етапа 1
1. Курне-Брисел-Курне јуниори
1. Хроно де насионс јуниори
1. Класик Гвидо Рејбрук
2019
1.   Европско хронометарско првенство
1.   Краен пласман Трка околу Белгија
1.   Бодовен пласман
1. Етапа 2
1. Класика де Сан Себастијан
2.   Светско хронометарско првенство
3. Национално хронометарско првенство
4. Краен пласман Трка околу Турција
8. Краен пласман Трка Адријатика Јоника
1. Етапа 3
9. Краен пласман Вуелта а Сан Хуан
1.   Пласман за млад возач
2020
1.   Краен пласман Волта ао Алгарве
1.   Пласман за млад возач
1. Етапа 2
1. Етапа 5 (ITT)
1.   Краен пласман Трка околу Полска
1. Етапа 4
1.   Краен пласман Вуелта а Бургос
1.   Пласман за млад возач
1. Етапа 3
1.   Краен пласман Вуелта а Сан Хуан
1.   Пласман за млад возач
1. Етапа 3 (ITT)
2021
1.   Краен пласман Трка околу Данска
1.   Пласман за млад вочач
1. Етапа 3
1. Етапа 5 (ITT)
1.   Краен пласман Трка околу Белгија
1. Етапа 2 (ITT)
1. Бриселски велосипедски класик
1. Копа Берноки
1. Дрејвенкурс Оверејсе
Европски друмски првенства
2.   Друмска трка
3.   Хронометар
Национални друмски првенства
2. Хронометар
3. Друмска трка
3.   Светско хронометарско првенство
5. Џиро дел’Емилија
5. Хроно де насионс
9. Хронометар, Олимписки игри
2022
Светски друмски првенства
1.   Друмска трка
3.   Хронометар
1.   Национално хронометарско првенство
1.   Краен пласман Вуелта а Еспања
1.   Пласман за млад возач
1. Етапа 10 (ITT)
1. Етапа 18
1.   Краен пласман Трка околу Норвешка
1.   Пласман за млад вочач
1. Етапа 1
1. Етапа 3
1. Етапа 5
1.   Краен пласман Волта ао Алгарве
1.   Пласман за млад вочач
1. Етапа 4 (ITT)
1. Лиеж-Бастоњ-Лиеж
1. Класика де Сан Себастијан
1. Гулегем Курсе
1. Етапа 8 (ITT) Тур де Свис
2. Краен пласман Волта а ла Комунитат Валенсијана
1.   Пласман за млад вочач
1. Етапа 1
4. Краен пласман Трка околу Баскија
1.   Пласман за млад вочач
6. Брабантсе Пејл

Распоред на резултатите на етапните трки уреди

Распоред на резултатите на големите трки
Голема трка 2019 2020 2021 2022
  Џиро — — СО —
  Тур — — — —
  Вуелта — — — 1
Распоред на резултатите на поважните етапни трки
Етапни трки 2019 2020 2021 2022
  Париз-Ница — — — —
  Тирено-Адријатико — — — 11
  Волта а Каталуња — НСО — —
  Трка околу Баскија — — 4
  Тур де Романди 76 — —
  Критериум ди Дофине — — — —
  Тур де Свис — НСО — 11

Распоред на резултатите на класиците уреди

Монумент 2019 2020 2021 2022
Милано-Санремо — — — —
Трка околу Фландрија — — — —
Париз-Рубе — НСО — —
Лиеж-Бастоњ-Лиеж — — — 1
Џиро ди Ломбардија — СО 19 —
Класик 2019 2020 2021 2022
Страде Бјанке — — — —
Дварс дор Вландерен — НСО — —
Е3 Саксо Банк Класик — — —
Гент-Вевелгем — — — —
Брабантсе Пејл — — — 6
Амстел Голд Рејс — НСО — —
Флеш Валон — — — 43
Класика де Сан Себастијан 1 НСО — 1
Бриселски велосипедски класик — — 1 —
Копа Берноки — НСО 1 —

СО = се откажал; — = не учествувал; НСО = не се одржала

Распоред на резултатите на првенствата уреди

Настан 2019 2020 2021 2022
  Олимписки игри Хронометар НСО 9 НСО
Друмска трка 49
  Светски првенства Хронометар 2 — 3 3
Друмска трка СО — 62 1
  Европски првенства Хронометар 1 — 3 —
Друмска трка — — 2 —
  Национални првенства Хронометар 3 — 2 1
Друмска трка 84 — 3 37

Рекорди уреди

Награди уреди

Наводи уреди

  1. ↑ 1,0 1,1 „Remco Evenepoel, Deceuninck - Quick-Step Cycling team“. Архивирано од изворникот на 2019-08-05. Посетено на 2 August 2020.
  2. ↑ „Deceuninck - Quick-Step“. UCI.org. Меѓународен велосипедистички сојуз. Архивирано од изворникот на 1 January 2021. Посетено на 1 January 2021.
  3. ↑ „Evenepoel: My dream is to win a Grand Tour“. 9 January 2019. Посетено на 6 March 2020.
  4. ↑ Weber, Joscha (25 September 2019). „Remco Evenepoel: The new Eddy Merckx?“. Дојче Веле. Посетено на 24 February 2020.
  5. ↑ „Eddy Merckx: Remco Evenepoel really is something special“. cyclingnews.com. 29 September 2018. Посетено на 24 February 2020.
  6. ↑ Brown, Gregor (28 September 2018). „Tom Boonen: 'Remco Evenepoel needs to learn to ride tactically at WorldTour level'“. Cycling Weekly. Посетено на 25 February 2020.
  7. ↑ „European Continental Championships MJ - Road Race (CC)“. procyclingstats.com. Посетено на 25 February 2020.
  8. ↑ MacLeary, John (27 September 2018). „Remco Evenepoel doubles up at world championships as Belgium starts to believe it has found 'next Eddy Merckx'“. The Daily Telegraph. Посетено на 25 February 2020.
  9. ↑ „Evenepoel vanaf 2019 al prof bij Quick-Step: "Sky kwam nog met gek bod"“ [Evenepoel from 2019: pro at Quick-Step already: "Sky came with crazy bid"]. Sporza (холандски). Vlaamse Radio- en Televisieomroeporganisatie. 18 јули 2018. Посетено на 2 јануари 2019.
  10. ↑ „Evenepoel reveals schedule for debut with Deceuninck-QuickStep“. Cyclingnews.com. Immediate Media Company. 7 ноември 2018. Посетено на 2 јануари 2019.
  11. ↑ „Evenepoel will not ride cobbled Classics in 2019“. Cyclingnews.com. Immediate Media Company. 10 декември 2018. Посетено на 2 јануари 2019.
  12. ↑ „Vuelta a San Juan Stage 3 Results“ (PDF).
  13. ↑ „Baloise Belgium Tour: Evenepoel takes overall victory“. Cyclingnews.com. 16 јуни 2019. Посетено на 29 јуни 2019.
  14. ↑ Malach, Pat (3 август 2019). „Evenepoel wins Clasica San Sebastian“. cyclingnews.com. Посетено на 5 август 2019.
  15. ↑ Long, Jonny (4 август 2019). „'In the last four kilometres I had tears in my eyes': Remco Evenepoel emotional after debut classics victory“. Cycling Weekly. Посетено на 5 август 2019.
  16. ↑ Evenepoel wins time trial title at European Championships
  17. ↑ Ryan, Barry (13 September 2019). „Evenepoel daring to dream ahead of World Championships“. cyclingnews.com. Посетено на 25 February 2020.
  18. ↑ Frattini, Kirsten (25 September 2019). „Remco Evenepoel: The silver medal feels like gold at this World Championships“. cyclingnews.com. Посетено на 25 February 2020.
  19. ↑ Hood, Andrew (3 December 2019). „Gilbert on Evenepoel: 'At first I didn't take him seriously'“. VeloNews. Посетено на 25 February 2020.
  20. ↑ Ryan, Barry (2 February 2020). „Remco Evenepoel wins Vuelta a San Juan“. cyclingnews.com. Посетено на 25 February 2020.
  21. ↑ „Volta ao Algarve stage 5: Remco Evenepoel tops Rohan Dennis to win TT and secure overall“. VeloNews. 23 February 2020. Посетено на 25 February 2020.
  22. ↑ Fotheringham, Alasdair (1 August 2020). „Remco Evenepoel wins Vuelta a Burgos“. CyclingNews. Посетено на 1 August 2020.
  23. ↑ Gadzała, Paweł (9 August 2020). „Remco Evenepoel wins Tour de Pologne“. CyclingNews. Посетено на 9 August 2020.
  24. ↑ „Remco Evenepoel suffers bridge fall after crash during Il Lombardia“. bbc.com. 15 August 2020. Посетено на 16 August 2020.
  25. ↑ „Remco Evenepoel Update“. deceuninck-quickstep.com. 15 August 2020. Архивирано од изворникот на 2020-08-16. Посетено на 16 August 2020.
  26. ↑ „Giro d'Italia: What the stars said after opening stage time trial“. velonews. 8 May 2021. Посетено на 9 May 2021.
  27. ↑ „Evenepoel out of Giro d'Italia after stage 17 crash“. Cyclingnews. 26 May 2021. Посетено на 27 May 2021.
  28. ↑ „Wout Van Aert Is Top Favorite For 2021 UCI Road Worlds - FloBikes“. www.flobikes.com.
  29. ↑ Ostanek, Daniel (24 September 2021). „Remco Evenepoel disappointed by Merckx criticism ahead of Worlds road race“. cyclingnews.com.
  30. ↑ 30,0 30,1 „Remco Evenepoel: I had the legs to become world champion“. cyclingnews.com. 30 September 2021.
  31. ↑ „Where did it all go wrong for the home team in the Flanders Worlds finale?“. CyclingTips. 26 September 2021.
  32. ↑ Bonville-Ginn, Tim (27 September 2021). „'Remco Evenepoel was the best man in the race after Julian Alaphilippe': Lefevere baffled by Belgian tactics at World Championships“. cyclingweekly.com.
  33. ↑ „Wout van Aert claps back at Remco Evenepoel criticism of Belgian worlds tactics“. 1 October 2021.
  34. ↑ „Van Aert pushes back at Evenepoel after his "really weird" comments“. Sticky Bottle. 1 October 2021.
  35. ↑ „Evenepoel refused to show up for Belgium's Worlds debrief, Stuyven reveals“. cyclingnews.com. 25 October 2021.
  36. ↑ Goddard, Ben (30 July 2022). „Evenepoel rides to victory in Clásica San Sebastián“. CyclingNews. Посетено на 30 July 2022.
  37. ↑ „Vuelta a Espana: Belgium's Remco Evenepoel seals maiden Grand Tour win“. BBC Sport. 11 September 2022. Посетено на 13 September 2022.
  38. ↑ „Jay Vine wins stage 6 at Vuelta a España 2022 as Remco Evenepoel takes overall lead“. Olympics. 26 August 2022. Посетено на 9 October 2022.
  39. ↑ „Remco Evenepoel dominates time trial to strengthen grip on Vuelta a España 2022“. Olympics. 31 August 2022. Посетено на 9 October 2022.
  40. ↑ „VUELTA 2022: ARENSMAN CLIMBS TO TRIUMPH, EVENEPOEL KEEPS LA ROJA“. Cycling Stage. 5 September 2022. Посетено на 9 October 2022.
  41. ↑ „Remco Evenepoel wins stage 18 of 2022 Vuelta a Espana to cement overall lead“. Olympics. 9 September 2022. Посетено на 9 October 2022.
  42. ↑ „Remco Evenepoel cruises to Vuelta a España victory in final stage“. Guardian. 11 September 2022. Посетено на 13 September 2022.
  43. ↑ „UCI Road World Championships Live - Foss takes shock time trial victory“. Cycling News. 19 September 2022. Посетено на 26 September 2022.
  44. ↑ „Remco Evenepoel: Belgium rider wins World Championship road race after solo breakaway“. BBC Sport. 25 September 2022. Посетено на 26 September 2022.
  45. ↑ Remco Evenepoel wint alles en dus ook de Kristallen Fiets voor Beste Jongere van het Jaar, hln.be, 5 december 2018
  46. ↑ Remco Evenepoel kroont zich tot Belofte van het Jaar, standaard.be, 22 december 2018
  47. ↑ „Remco Evenepoel jongste Sportman van het Jaar ooit, Nina Derwael opnieuw Sportvrouw van het Jaar“. De Morgen. 21 December 2019.
  48. ↑ „Remco Evenepoel wint Kristallen Fiets als beste Belgische renner“.
  49. ↑ „Remco Evenepoel en Lotte Kopecky zijn de (verwachte) winnaars van de Kristallen Fiets“. Sporza (холандски). 12 October 2022.
  50. ↑ „Remco Evenepoel en Lotte Kopecky zijn ook de Flandrien(ne) van het Jaar“. Sporza (холандски). 18 October 2022.
  51. ↑ „Wereldkampioen en Vuelta-winnaar Remco Evenepoel krijgt ook Nationale Trofee voor Sportverdienste“. Sporza (холандски). 20 October 2022.

Надворешни врски уреди

Преземено од „https://mk.wikipedia.org/w/index.php?title=Ремко_Евенепул&oldid=4928158“