Отвори го главното мени
спорт: (портал, проект)  

Избрани статии во порталот:Спорт се оние статии поврзани со спортот кои корисниците на Википедија ги сметаат за најквалитетни најсодржајни. За една статија да биде избрана најпрвин треба да биде изгласана. Избраната статија опстојува на порталот еден месец.

Предлагачот на статијата треба само да предложи извадок од некоја статија поврзана со спортот на страницата за разговор којашпто потоа треба да биде изгласана од корисниците на Википедија.

Гласањето се одвива такашто секој може да го даде својот глас или својот коментар, користејќи ги шаблоните: {{за}}, {{воздржан}}, {{против}} или {{коментар}}. Само гласовите од регистрираните корисници се земаат во предвид. Гласањето завршува на последниот ден од месецот во 24 часот.

Забелешка: На секоја избрана статија на месецот на порталот:Спорт најдолу се внесува шаблонот {{Портал:Спорт/Избрана статија}}.


декември
Isabelle Delobel & Olivier Schoenfelder EX Lift - 2007 Europeans.jpg

Уметничко лизгање е зимски спорт во којшто поединечно, во двојка или групно со лизгање на мраз и со помош на други елементи, најчесто музичка композиција, се изведуваат различни чекори, вртења и скокови. На официјалните натправрувања, натпреварувачите во овој спорт се натпреваруваат во 4 дисциплини: поединечно во женска конкуренција, поединечно во машка конкуренција, танцови двојки и спортски двојки. Натпреварувачите, исто така се натпреваруваат и на различни натпреварувања, почнувајќи од почетниците, кои се натпреваруваат на локални натпревари и завршувајќи до најдобрите, кои се натпреваруваат на најсилните меѓународни натпреварувања. Уметничкото лизгање е олимписки спорт со натпреварувања на сите зимски олимписки игри. Во некои јазици, името на овој спорт е „артистичко лизгање“.

Во светски рамки, официјална организација во спортот е Меѓународната лизгачка организација (ISU), основана во 1892 со седиште во Лозана. Прочитајте повеќе


ноември
National Basketball Association logo.png

Националната Кошаркарска Асоцијација (НБА) (англиски: National Basketball Association (NBA) е професионална кошаркарска лига, која е составена од 30 тима (29 од САД и 1 од Канада). Таа е члан на САД Кошарката (USAB), која е препознатлива по Интернационалната Кошаркарска Федерација како Национално Власничко Тело (NGB) за кошарка во САД. НБА е една од четирите Главни Северно Американски спортски лиги, во која се Главната Бејзбол Лига (MLB), Националната Фудбалска Лига (NFL) и Националната Хокејска Лига (NHL).

Лигата беше формирана во Њујорк Сити на 6 јуни 1946, како Кошаркарска Асоцијации на Америка (BAA). Лигата го прифати сегашното име во 1949, откако се спои со ривалот Националнаta Кошаркарска Лига (NBL). Прочитајте повеќе


октомври
Partecipanti GdM.png

Средоземни игри или Медитерански игри — меѓународно спортско натпреварување, кое се одржува на секои четири години. Земјите-учеснички мора да бидат дел од средоземната цивилизација. Овопј настан го предложил Мохамед Тахер Паша, кој бил претседател на Олимпискиот комитет на Египет за време на Летните олимписки игри - 1948. Првите Средоземни игри се одржале во 1951 Во Александрија, еден од најголемите градови на Египет. Првите 10 игри се одржувале една година пред Олимписките игри, но во 1991 било одлучено игрите да се одржуваат една година по Олимписките игри.

Првите Средоземни игри се одржале во месец октомври во 1951 во Александрија, во чест на Мохамед Тахер Паша, кој ја изнел идејата за овој настан. На настанот учествувале 734 спортисти од 10 земји, кои настапиле во 13 спортови.Прочитајте повеќе


септември
Premier League.png

Премиер лигата е англиска професионална фудбалска лига. Таа е на врвот од англискиот фудбалски систем, и е примарно фудбалско натпреварување во Англија. Во неа се натпреваруваат 20 клубови, од кои последните 3 идната натпреварувачка сезона се натпревурваат во понизок ранг на натпреварување. Премиер лигата е корпорација од 20 тимови, кои се акционери. Сезоната трае од август до мај, во која клубовите играат 38 кола. Премиер лигата е спонзорирана од банката Баркли и поради тоа таа официјално е позната како Баркли Премиер лига.

Натпреварувањето формирано како ФА Премиер Лига на 20 февруари 1992 е продолжение на Фудбалската Прва дивизија, која беше оформена во 1888. Набргу Премиер лигата стана најгледана лига во светот. Таа е и рангирана на првото место според УЕФА ранг листата на лиги, базиран на достигнувањата на клубовите во последните 5 години, пред Шпанската Ла Лига и Италијанската Сериа А. Прочитајте повеќе


август
Marijan Benes.jpg

Маријан Бенеш (роден на 11 јуни 1951 во Белград) е поранешен југословенски боксер од Босна и Херцеговина, кој сѐ уште се смета за еден од најголемите во историјата на Југославија. После восхитувачка аматерска кариера, која кулминира со освојување на златен медал на Европското аматерско првенство кое се одржува во Белград, станува професионален боскер во 1977, а две години подоцна ја освојува и европската титула во велтер категорија. Бенеш се повлекува од активно боскување во 1983 година, откако се здобива со сериозна повреда на окото.

Во текот на својата аматерска кариера, Бенеш 9 пати станува шампион на Босна, 4 пати на Југославија и се закитува со уште небројно многу награди и признанија. Во 1973 година, ја освојува европската титула во велтер категорија. Прочитајте повеќе


јули
09confedcupteams.png

2009 ФИФА Куп на Конфедерации беше 8. Куп на конфедерации, кој се одржа во Јужна Африка од 14 до 28 јуни, како претходник на 2010 ФИФА Светско Првенство. Ждрепка беше одржана на 22 ноември 2008 во Сандтон Спогодбениот Центар во Јоханесбург. Отворачкиот натпревар беше одржан на Кока Кола Паркот во Јоханесбург. Турнирот беше освоен од Бразил кој ја одбрани титулата од 2005, победувајќи го САД со 3-2 во фианлето. Прочитајте повеќе


јуни

Кошарката е тимски спорт во кој пет играчи од два различни тимови се обидуваат да постигнат што повеќе поени преку давање кош, односно преку уфрлање на топката низ хоризонтален обрач, на височина од 3 метра. Од едната страна на теренот до другата, топката се преносува преку топкање и подавање на останатите членови на тимот. Во 1891, Канаѓанецот Џејмс Најсмит ја измисли играта кошарка, со 7 правила од кои 6 сеуште се користат денес. Најсмит беше важен пропонент за развитокот на женскатa кошарка, и за раширувањето на играта низ Северна Америка. Две најсилни кошаркарски лиги во светот се Европската Евролига и Северно-американската Национална Кошаркарска Асоцијација. Кошарката е распространета на сите континенти и е најбрзо-растечкиот спорт на земјата. Во Македонија, најсилната кошаркарска лига е Македонската Прва Лига. Прочитајте повеќе


мај
Isinbaeva.JPG

Елена Исинбаева (родена во 1982) е руска атлетичарка која се натпреварува во техничката дисциплина скок со стап. На Летните олимписки игри - 2004 во Атина, таа го освои златниот медал поставувајќи светски рекорд (тогаш 4,91m). Од Меѓународната атлетска федерација беше избрана за атлетичарка на годината во 2004 и 2005, а според Лауреј беше избрана за спортистка на 2006. На 22 јули 2005 на атлетскиот митинг во Кристал Палас, Исинбаева стана првата жена која што прескокнала 5.00m.

На само 25 години за Eлена се сметаше дека е најдобрата натпреварувачка во скок со стaп во историјата. Таа има освоено 8 златни медали на големите натпреварувања.

Нејзините лични и светски рекорди се 5,05m на отворено поставен на на 18 август 2008 на Летните олимписки игри - 2008 во Пекинг и 5,00m во сала поставен на 15 февруари 2009 во Донецк. Прочитајте повеќе


април
Tennis court metric.svg

Тенисот е спорт кој се игра меѓу два играчи (сингл), или помеѓу два тима од два играчи (дубл). Целта во тенисот е да се префрли гуменото топче преку мрежата со помош на рекетот, од својата половина на половината на противникот. На некои места тенисот се нарекува уште и тревен тенис со цел да се разликува од вистинскиот тенис, кој е сличен на денешниот тенис и бил игран во викторијанска Англија. Тенисот стана олимписки спорт во 1988.

Игрите со топка датираат од антички времиња и првите знаци на вакви спортови можат да се проследат до цртежи во Египетските храмови кои датираат од 1500 г.п.н.е. Античките Египјани всушност играле игри со топка како дел од нивните религиозни обреди. Овие традиции и целиот концепт на игри со топка бил проширен во Европа во осмиот век од страна на Маврите, чие царство се простирало до јужна Франција. Прочитајте повеќе


март
Arsenal Stadium interior North Bank.jpg

Стадионот Арсенал беше фудбалски стадион во Хајбери, северен Лондон, на кој своите натпревари ги играше Арсенал ФК од 6 септември 1913 до 7 мај 2006. Популарното име му беше Хајбери поради локацијата, а од страна на навивачите и клубот му беше даден прекарот „Домот на фудбалот“.

Оригиналниот стадион беше изграден во 1913 на местото на спортскиот терен на локалниот Колеџ, и има поминато низ две значителни надградби. Првата во триесетите, кога беа изградени Источната и Западната трибина во Арт Декостил; втората беше во доцните осумдесети и рани деведесети, кога Северната и Јужната трибина беа конвертирани од трибини за стоење во седечки. Ова резултираше со драстично намалување на капацитетот и приходите од влезници по што Арсенал го изгради новиот Стадион Емирати во близината, каде што се пресели во 2006. Хајбери беше претворен во станбен комплекс, поради што поголемиот дел од стадионот беше срушен; со исклучок на Источната и Западната трибина (градби заштитени со закон) кои беа вклопени во новата градба. Прочитајте повеќе


февруари
FISU flag.png

Универзитетските игри се повеќеспортски меѓународен настан кој се одржува за универзитетските спортисти од страна на Меѓународната универзитетска спортска федерација (МУСФ). Зборот „Универзијада“ е комбинација од зборовите „универзитет“ и „Олимпијада“. Денес наместо терминот Универзијда, често се употребуваат и термините „Светски универзитетски игри“ и „Светски студентски игри“, иако полследниот може да има значење и на некои подуниверзитетски натпреварувања.

Меѓународно универзитетско натпреварување за прв пат било одржано во 1923 година, а било организирано од Националната унија на студенти на Франција. Официјално, „Летни студентски светски пвенства“ биле одржани во 1924, а организирани од Меѓународната судентска конфедерација, а истите биле преименувани во „Светски студенстки игри во 1930. Прочитајте повеќе


јануари
CH-AL Geneva 2003-06-11.jpg

Европското првенство во фудбал 2008, често нарекувано само Евро 2008 е тринаесеттото Европско првенство во фудбал, најголем фудбалски турнир на кој учествуваат најдобрите фудбалски репрезентации од европскиот континент. Турнирот, чии домаќини беа Австрија и Швајцарија, започна на 7 јуни 2008 година и заврши со големото финале меѓу Шпанија и Германија, одиграно на Ернст Хапел стадионот во Виена на 29 јуни 2008, на кое шпанската репрезентација со голот на Фернандо Торес успеа да ја освои својата втора европска титула. На ова првенство, по втор пат улогата на домаќин ја имаат две земји. Репрезентацијата на Грција беше бранител на титулата.

На турнирот учествуваат шестнаесет земји. Австрија и Швајцарија се квалификуваа автоматски како домаќини; останатите четиринаесет тимови беа избрани низ квалификациски циклус, кој отпочна од август 2006 година. Шпанија, како победник на Евро 2008 се пласира на Купот на Конфедерациите 2009, закажан да се оддржи во Јужна Африка. Победникот на Евро 2008 не е обврзан да учествува на споменатиот Куп на Конфедерации 2009. Пред промената на правилата од 2004 година, шампионот на Европа и оној на Јужна Америка беа обврзани да учествуваат на Купот на Конфедерациите. Прочитајте повеќе


Cscr-featured.svg
Архива на избрани статии
2010
Марат Сафин · Зимски олимписки игри 1924 · Двојна круна · Шах · Ката (карате) · Светско првенство во фудбал · Крикет · Стадион Емирати · Пјер де Кубертен · Машка кошаркарска репрезентација на Македонија ·
2009
Европско првенство во фудбал 2008 · Универзијада · Стадион Хајбери · Тенис · Елена Исинбаева · Кошарка · 2009 ФИФА Куп на Конфедерации · Маријан Бенеш · ФА Премиер лига · Средоземни игри · Национална Кошаркарска Асоцијација · Уметничко лизгање
2008
Гимнастика · Летни олимписки игри - 2008 · Аикидо · ФК Манчестер Јунајтед · Голф палка · Марија Шарапова