Тропски земји на Зимските олимписки игри

Делегацијата на Гана влегува на стадионот за време на отварањето на Зимските олимписки игри 2010

Иако традиционално поврзани со земји со студени клими, Зимските олимписки игри исто така имале учесници од неколку тропски земји. Типичната клима на овие земји не е погодна за учество во зимски спортови, и поради тоа ниту една тропска држава досега не освоила олимписки медал. Најверојатно поради тоа, нивните учества се предмет на интерес на гледачите за време на игрите.[1][2]

Првата земја учеснички со топла клима на Зимските олимписки игри била Мексико. Голем дел од Мексико е на географска ширина северно од Северниот Повратник, и поголемиот дел од земјата има суптропски планински предели или степска клима, така што не е исклучиво тропска земја. Сепак, Мексико го остварил своето зимско деби на Зимските олимписки игри 1928[3] со боб екипа од пет лица која завршила на единаесеттото место на поредокот.[4] Мексико не се вратил на Зимските олимписки игри сè до игрите во 1984 одржани во Сараево.[5]

Првата целосно тропска земја која се натпреварувала на Зимски олимписки игри се Филипините, кои испратиле двајца алпски скијачи на Зимските олимписки игри 1972 во Сапоро, Јапонија.[6] Бен Нанаска завршил на 42. место во велеслалом (од 73 натпреварувачи), а Хуан Сипријано не ја завршил трката. Во слаломската трка ниту еден од двајцата скијачи не ја завршил трката. Костарика станала втората тропска земја која учествувала на Зимски олимписки игри, во 1980 во Лејк Пласид,[7] каде Артуро Кинч исто така се натпреварувал во алпско скијање. Кинч уште три пати настапил за Костарика на Зимските олимписки игри, вклучувајќи ги игрите во 2006 на 49-годишна возраст. Таму тој завршил на 96. место на трката на 15 км скијачко трчање.[8]

На Зимските олимписки игри 1988 одржани во Калгари, Канада се појавиле голем број на тропски земји: Костарика, Фиџи, Гуам, Гватемала, Јамајка, Холандските Антили, Филипините, Порторико и Американските Девствени Острови.[9] Јамајската боб-екипа станала фаворит на навивачите на овие игри[10] и била инспирација за филмот Реге на мраз. На игрите во 1994, шест години подоцна, јамајската екипа завршила на солидното 14. место, пред САД и Русија, додека пак боб санкачот Ласелес Браун освоил сребрен медал настапувајќи за Канада во 2006 година.

Зимските олимписки игри 2006 одржани во Торино, Италија го обележале зимското деби на Етиопија[2] и Мадагаскар.[11] На игрите во 2010 одржани во Ванкувер, Канада, деби настап забележале Кајманските Острови, Колумбија, Перу,[12] и Гана, а четири години подоцна на [13] игрите во Сочи деби настап забележале Доминика, Источен Тимор, Того и Тонга.

Список на тропски земји учесничкиУреди

 
Светската карта со тропскиот појас означен со црвена боја
 
Светската карта со тропски килими означени со црвена боја

Овој список на држави ги вклучува оние кои лежат целосно или претежно низ тропскиот појас и исто така имаат главно тропска клима согласно со кепенова класификација на климата.

Африка
  Камерун (CMR) 2002
  Етиопија (ETH) 2006–2010
  Гана (GHA) 2010
  Кенија (KEN) 1998–2006
  Мадагаскар (MAD) 2006
  Сенегал (SEN) 1984, 1992–1994, 2006–2010
  Того (TOG) 2014
  Зимбабве (ZIM) 2014
 
Кариби
  Британски Девствени Острови (IVB) 1984, 2014
  Кајмански Острови (CAY) 2010–2014
  Доминика (DMA) 2014
  Јамајка (JAM) 1988–2002, 2010–2014
  Холандски Антили (AHO) 1988–1992
  Порторико (PUR) 1984–2002
Тринидад и Тобаго Тринидад и Тобаго (TRI) 1994–2002
  Девствени Острови (ISV) 1988–2006, 2014
 
Средна и Јужна Америка
  Боливија (BOL) 1956, 1980-1992
  Бразил (BRA) 1992–2014
  Колумбија (COL) 2010
  Костарика (CRC) 1980–1992, 2006
  Гватемала (GUA) 1988
  Хондурас (HON) 1992
  Парагвај (PAR) 2014
  Перу (PER) 2010–2014
  Венецуела (VEN) 1998–2006, 2014
 
Океанија
  Американска Самоа (ASA) 1994
  Фиџи (FIJ) 1988, 1994, 2002
  Гуам (GUM) 1988
  Тонга (TGA) 2014
 
Азија
  Хонгконг (HKG) 2002–2014
  Филипини (PHI) 1972, 1988–1992, 2014
  Тајланд (THA) 2002–2006, 2014
  Источен Тимор (TLS) 2014

Други земји со топли временски услови (на пример сместени во суптропскиот појас) кои се натпреварувале на Зимските олимписки игри се Австралија, Бермуди, Кинески Тајпеј, Хонгконг, Индија, Мексико, Јужноафриканската Република, Свазиленд, Уругвај и неколку северноафрикански земји како Алжир, Египет и Мароко.

Познати натпреварувачи од тропски земјиУреди

 
Филип Бојт беше првиот кениец кој учествувал на Зимски олимписки игри
 
Ламине Гуеје, првиот црн африкански скијач кој учествувал на Зимски олимписки игри
 
Мајкл Кристијан Мартинез, првиот јужноисточен азијец и филипинец кој се натпреварувал во уметничко лизгање. Тој исто така е првиот натпреварувач во уметничко лизгање од тропската зона кој учествувал на Зимски олимписки игри
Име Држава Спорт
Абернети, АнаАна Абернети   Девствени Острови санкање
Банани, БруноБруно Банани   Тонга санкање
Банкерт, ЏадЏад Банкерт   Гуам биатлон
Бокаландро, ИгинијаИгинија Бокаландро   Венецуела санкање
Бојт, ФилипФилип Бојт   Кенија скијачко трчање
Браун, ЛаселесЛаселес Браун   Јамајка[nb 1] боб
Карселен, РобертоРоберто Карселен   Перу скијачко трчање
Кларк Рибеиро, ИзабелИзабел Кларк Рибеиро   Бразил сноубординг
Дензлер, СинтијаСинтија Дензлер   Колумбија алпско скијање
Фрејзер, ЕролЕрол Фрејзер   Британски Девствени Острови брзо лизгање
Гуеје, ЛаминеЛамине Гуеје   Сенегал алпско скијање
Хогер, ВернерВернер Хогер   Венецуела санкање
Кер, ЕролЕрол Кер   Јамајка слободно скијање
Кинч, АртуроАртуро Кинч   Костарика алпско скијање и скијачко трчање
Малесон, ЕрикЕрик Малесон   Бразил боб
Кристијан Мартинез, МајклМајкл Кристијан Мартинез   Филипини уметничко лизгање
Мекнили, ЕндрјуЕндрју Мекнили 22x20п Тринидад и Тобаго боб
Менјоли, АјзакАјзак Менјоли   Камерун скијачко трчање
Мизогучи, РенатоРенато Мизогучи   Бразил санкање
Нагвајара, ПраватПрават Нагвајара   Тајланд скијачко трчање
Нкрума-Ачимпон, КвамеКваме Нкрума-Ачимпон   Гана алпско скијање
Окампо, РејмондРејмонд Окампо   Филипини санкање
Рашини, РикардоРикардо Рашини   Бразил боб и санкање
Разанаколона, МатјеМатје Разанаколона   Мадагаскар алпско скијање
Рогојава, РусијатеРусијате Рогојава   Фиџи скијачко трчање
Сек, ЛејтиЛејти Сек   Сенегал алпско скијање
Теклемаријам, РобелРобел Теклемаријам   Етиопија скијачко трчање
Теруел, МајклМајкл Теруел   Филипини алпско скијање
Томс, ЛоренсЛоренс Томс   Фиџи алпско скијање
Траверс, ДоуДоу Траверс   Кајмански Острови алпско скијање
Такер, ЏорџЏорџ Такер   Порторико санкање
Ванакорн, ВанесаВанеса Ванакорн   Тајланд алпско скијање
вон Гогенлоз, ХубертусХубертус вон Гогенлоз   Мексико алпско скијање

Зимски параолимписки игриУреди

До 2014 година, само две тропски земји испратиле свои натпреварувачи на Зимски параолимписки игри.[14] Тофири Кибука од Уганда се натпреварувал во скијачко трчање на воведното издание на Зимските параолимписки игри во 1976 и повторно на игрите во 1980 година. Откако Кибука добил норвешко државјанство, тој започнал да се натпреварува за Норвешка почнувајќи од 1984 година, и успеал да освои неколку медали на следните игри на кои настапил. Бразил испратил двајца натпреварувачи на својот прв настап на Зимските параолимписки игри 2014.

Африка
  Уганда 1976–1980
Средна и Јужна Америка
  Бразил 2014
Име Држава Спорт
Кибука, ТофириТофири Кибука   Уганда скијачко трчање

Зимски младински олимписки игриУреди

Пет тропски земји настапиле на првите зимски младински олимписки игри во Инсбрук, Австрија.

Африка
  Еритреја (ERI) 2012
 
Кариби
  Кајмански Острови (CAY) 2012
 
Средна и Јужна Америка
  Бразил (BRA) 2012
  Перу (PER) 2012
 
Азија
  Филипини (PHI) 2012

ПоврзаноУреди

БелешкиУреди

  1. Браун се натпреварувал за Јамајка на игрите во 2002 година, но се натпреварувал за Канада од 2006 година.

НаводиУреди

  1. Brown, Gerry. „Beyond the Jamaican Bobsledders“. Infoplease. Посетено на 2006-09-16.
  2. 2,0 2,1 „Ethiopia first at Winter Olympics“. BBC News. 2006-02-10. Посетено на 2006-09-16.
  3. Comité Olympique Suisse (1928). Rapport Général du Comité Exécutif des IImes Jeux Olympiques d'hiver (PDF) (француски). Lausanne: Imprimerie du Léman. стр. 7. Посетено на 2008-01-30.
  4. Comité Olympique Suisse (1928). Résultats des Concours des IImes Jeux Olympiques d'hiver (PDF) (француски). Lausanne: Imprimerie du Léman. стр. 12–13. Посетено на 2008-01-30.
  5. Official Report of the Organising Committee of the XlVth Winter Olympic Games 1984 at Sarajevo (PDF). Sarajevo: Oslobodenje. 1984. стр. 89–90. Посетено на 2009-01-31.
  6. The Official Report of XIth Winter Olympic Games, Sapporo 1972 (PDF). The Organizing Committee for the Sapporo Olympic Winter Games. 1973. стр. 32, 145, 447. Посетено на 2008-01-31.
  7. Final Report XIII Olympic Winter Games (PDF). Ed Lewi Associates. стр. 6, 12, 19. Посетено на 2008-01-31.
  8. „Turin 2006 Winter Olympics - Cross Country Results“. Yahoo! Sports. Архивирано од изворникот на 2007-03-22. Посетено на 2008-01-31.
  9. Janofsky, Michael (1988-02-07). '88 Winter Olympics; Calgary Has It Down Cold“. The New York Times. Посетено на 2008-01-31.
  10. Harasta, Cathy (1988-02-20). „Jamaican bobsledders want to dispel jokes about tropical entry in wintry sport“. The Dallas Morning News.
  11. rAzAlpin.org (28 ноември 2005). "Madagascar prepares for its first winter Olympic appearance ever in Turin 2006". Соопштение за печат.  посет. 31 јануари 2008 г
  12. Brewer, Jerry (February 4, 2010). „Peruvian cross-country skier Roberto Carcelén reaches Olympic dream“. The Seattle Times.
  13. Wyatt, Ben; Gittings, Paul (February 27, 2010). „Snow Leopard continues proud African tradition at Winter Games“. CNN. Посетено на 2010-02-09.
  14. „IPC Historical Results database“. International Paralympic Committee.