Северна Африка

Географска положба Уреди

Северна Африка ја опфаќа територијата од Средоземното Море на север до реката Нигер и езерото Чад на југ. Се простира од Атлантскиот Океан на запад до Црвеното Море на исток, односно ги зафаќа териториите што хидрографски главно, гравитираат кон Средоземното Море на север и Атлантскиот Океан на северозапад.

Големина Уреди

Северна Африк зафаќа околу 13 милиони км² површина на која живеат околу 200 милиони жители, од кои поголемиот број се Арапи. Поголемиот дел од територијата ја зафаќа пустината Сахара, поради што Северна Африка е најретко населена.

Демографија Уреди

На територијата на Северна Африка се наоѓаат државите: Мароко, Алжир, Тунис, Либија, Египет, Судан, Западна Сахара и Мавританија. Сите тие излегуваат на море. Повеќето држави во Северна Африка се големи по површина, освен Тунис. Но, поради климатските одлики, населеноста и економската развиеност се мошне нерамномерни. Населението е најгусто населено во приморските делови, покрај долините на реките и во оазите. Поголемиот дел од териториите во пустините се ретко или воопшто не се населени. Главни стопански дејности се земјдолеството и сточарството. Од земјоделските прозиводи се одгледуваат жита, маслинки, винова лоза, лимони, портокали, памук и др. Сточарството се одликува со одгледување на овци, кози, камили и говеда. Од рудните богатства во Северна Африка се застапени нафта, фосфати, железо, олово и цинк. Покарактеристични индустриски развиени региони се северниот дел на Египет, Алжир, Либија, Тунис и Мароко - каде што се најразвиени прехранбената и петрохемиската индустрија. Населението во Северна Африка е воглавно со исламска вероисповед. Демографската слика на Северна Африка со основните податоци изгледа вака:

држава	население	доминантна религија	% од вкупното население	службен јазик	најголема етничка група
Египет	76,699,427 (2006^[1])	Ислам^[2]	~ 90^[2]	арапски^[3]	Египќани (91 %)^[4]
Судан	30,894,000 (2008, оспорено^[5])	Ислам	~ 97	арапски и англиски	Арапи (39 %), Црнци (52 %)
Либија	5,670,688 (попис 2006)	Ислам	96.7	арапски	повеќето од населението се машни Арапи-Бербери (арабизирани Бербери)
Тунис	10,673,800 (порц. за 2011)	Ислам	99	арапски	мешано население од Арапи-Бербери (98%)
Алжир	29,100,867 (попис 1998)	Ислам	99	арапски	Бербери (над 90%)
Мароко	35,657,056 (попис 2011)	Ислам	98.7	арапски и берберски	мешано население од Арапи-Бербери (99%)
Чад	10,329,208 (проц. 2009)	Ислам	53	арапски и француски	нема мнозонска група, види Демографија на Чад
Нигер	10,790,352 (попис 2001)	Ислам	90	француски	Хауса (56 %), Џерма 22 %
Мали	14,517,176 (попис 2009)	Ислам	90	француски	Мандејци (Бамбарци, Малинке и Сонинке) 30% до 50 %
Мавританија	3,069,000 (проц. за 2009)	Ислам	~100	арапски	30 % Белци (Арапи и Бербери), 30 % Црнци (Сонинке, Тукулери, Фуланци)
Западна Сахара	405,210 (проц. за 2010)	Ислам	99.9	арапски	Сахарци