Туризам во Словениjа
Словенија на туристите нуди широк спектар на пејзажи: алпски на северозапад, средоземни на југозапад, панонски на североисток и динарски на југоисток. Тие отприлика одговараат на традиционалните региони на Словенија, засновани на поранешните четири хабсбуршки крунски земји (Крањска, Корушка, Штаерска и Приморска). Секoe поединечно нуди свои природни, географски, архитектонски и културни особености. Словенија има планини, ливади, езера, пештери и море, што ја прави привлечно одредиште во Европа.[1]
Главниот град на државата, Љубљана, има многу важни барокни и југендстилски градби, со неколку важни дела на родниот архитект Јоже Плечник. Други знаменитости се Јулиските Алпи со живописното Бледско Езеро и долината Соча, како и највисокиот врв во државата, Триглав. Можеби уште попозната е Карстната Висорамнина во Приморска. Повеќе од 28 милиони туристи ја посетиле Постојнската Јама, додека на 15 минути возење од неа се Шкочјанските Јами, светско наследство на УНЕСКО. Неколку други пештери се отворени за јавноста, вклучувајќи ја и пештерата Виленица.
Понатаму во истиот правец е и брегот на Јадранот, каде најважен историски споменик е венецијанскиот готски средоземен град Пиран. Соседниот град Порторож е познато современо туристичко одморалиште, кое нуди забава во туризмот со коцкање. Поранешниот рибарски град Изола исто така бил претворен во познато туристичко одредиште; многу туристи го ценат и старото средновековно средиште на пристаништето на Копер, кој сепак е помалку познати меѓу туристите од другите два словенечки крајбрежни градови.
Штаерска е познат по своето бело вино, особено Љутомер Ризлинг, по ски-центарот Похорје, по летните културни фестивали во Марибор и по маслото од семки од тиква. Познато е и како област за одгледување каде се произведува штаерски голдингс, разновидност на англискиот арома фуглс.
Североисточниот регион Прекмурје е познат по својата препознатлива кујна. Меѓу традиционалните јадења, најпознати се тепсија од свинско, репка и прасечко наречена бујта репа и слоевито печиво прекмурска гибаница. Важен бањски град во регионот е Моравске Топлице, кој привлекува многу германски, австриски, италијански и руски посетители.
Руралниот туризам е важен низ целата земја, а особено е развиен во регионот на Карстната Висорамнина, делови од Нотрањска, Долењска и северна Истра, како и во областа околу Подчетртек и Козје во источна Штаерска. Јавањето коњи, велосипедизмот и планинарењето се меѓу најважните туристички активности во овие области.
Националниот парк Триглав (словенечки: Triglavski narodni park) е национален парк кој се наоѓа во Словенија. Името го добила по планината Триглав, национален симбол на Словенија. Триглав се наоѓа речиси во средината на националниот парк. Од него долините странично се шират, снабдувајќи со вода два големи речни системи кои имаат свои извори во Јулиските Алпи: Соча и Сава, кои течат кон Јадранското и Црното Море, редоследно.
Предлогот за зачувување датира од 1908 година, а бил реализиран во 1924 година. Потоа, на иницијатива на Одделението за заштита на природата на Словенечкото музејско друштво, заедно со Словенечкото планинарско друштво, беил подигнат дваесетгодишен закуп на подрачјето на долината на Триглавските Езера, околу 14 км2. Тој бил предодреден да стане алпски заштитен парк, но трајно зачувување во тоа време не бил можно. Во 1961 година, по долги години напор, заштитата била обновена (овој пат на трајна основа) и донекаде зголемена, опфаќајќи околу 20 км2. Заштитеното подрачје било службено означено како Национален парк Триглав. Со овој акт, сепак, не биле постигнати сите цели на вистински национален парк и поради оваа причина во следните две децении биле изнесени нови предлози за проширување и преуредување на заштитата. Конечно, во 1981 година било постигнато преуредување и паркот добил нов концепт и бил зголемен на км2 - површината што продолжува да ја покрива до денес.
Планинскиот венец Караванки и Камничко-савињските Алпи се исто така важни туристички одредишта, како и планината Похорје. Меѓутоа, за разлика од Јулиските Алпи, овие области се чини дека привлекуваат претежно словенечки посетители и посетители од соседните региони на Австрија, и остануваат главно непознати за туристите од другите земји. Најголем исклучок е долината Логар, која е многу промовирана од 1980-тите.
Словенија има голем број помали средновековни градови, кои служат како важни туристички знаменитости. Меѓу нив најпознати се Птуј, Шкофја Лока и Пиран. Укрепените села, претежно сместени во западна Словенија (Штањел, Випавски Криж, Шмартно), станале и важна туристички одредишта, особено поради културните настани организирани во нивните живописни средини.
Странски туристи
уреди
ПристигнувањауредиНајмногу странски пристигнувања во Словенија по држава:[2]
|
ПреноќувањауредиНајмногу странски преноќувања во Словенија по држава:[3]
|
Општини
уреди
ПристигнувањауредиВкупно пристигнувања во словенечките општини.
|
ПреноќувањауредиВкупно преноќувања по словенечките општини.
|
.jpg){kind=small}
По години
уреди
Вкупно пристигнувањауреди
|
Вкупно преноќувањауреди
|
Наводи
уреди- ↑ „Slovenia: The yet Unexplored Filming Location for Bollywood“. IANS. news.biharprabha.com. Посетено на 15 октомври 2022.
- ↑ „Most foreign arrivals in Slovenia by country“. ССРС. Посетено на 15 октомври 2022.
- ↑ „Most foreign overnight stays in Slovenia by country“. ССРС. Посетено на 15 октомври 2022.
Надворешни врски
уреди| Википатување има туристички водич за Slovenia. |