Птуј

Птуј
Птуј; Ptuj
	град
	Стариот дел на Птуј
	Грб
	Грб
	; Местоположба на Општина Птуј
	ПтујМестоположба на Птуј
	Координати: 46°25′N 15°52′E / 46.417° СГШ; 15.867° ИГД
Држава	Словенија
Регион	Штаерска
Општина	Птуј
Управа
• Градоначалник	Штефан Челан
Површина
• Вкупна	66,7 км2 (258 ми2)
Население (2002)
• Вкупно	23.242
• Густина	35/км2 (90/ми2)
Часовен појас	CET (UTC+01)
• Лете (ЛСВ)	CEST (UTC+02)
Мреж. место	Official site

Птуј (словенечки: Ptuj, латински: Poetovio, германски: Pettau) — град и урбана општина во Словенија. Традиционално овој град е дел од регионот Штаерска, а административно е дел од Подравскиот статистички регион. Градот има население од околу 23,000 жители.^[1]

Птуј е најстар град во Словенија. Целиот централен дел на градот е заштитен како споменик на културата и архитектурата.^[2]

Низ градот тече реката Драва.

Географија уреди

Градот се наоѓа на надморска височина 232 m и има површина од 66,7 км². Се наоѓа во североисточниот дел на Словенија, во средината на Долно Подравје, во Панонската Низина и има субпанонска клима со просечна годишна температура на воздухот 10 °C. Новиот дел на градот со станбени блокови и поединечни куќи се шири на северозападната, северната и североисточната страна.

Денес Птуј е седиште на истоимената општина, една од единаесетте градски општини во Словенија. Населби кои припаѓаат на општината се следниве: Грајена, Грајеншчак, Кицар, Крчевина кај Вуберг, Градски Врв, Пациње, Подвинци, Долни Веловлек и Спухља.

Птуј е значаен транспортен јазол, каде што се вкрстуваат автопатот од Марибор до Загреб и регионалниот пат од Словенска Бистрица, преку Ормож, до Хрватска. Низ градот поминува и желеничка линија која се движи од Прагерско, преку Ормож и потоа продолжува до Мурска Собота и Унгарија и завршува во Хрватска. Птујското Езеро е најголемото вештачко езеро во Словенија.