Планината на гневот (филм)

Планината на гневот e македонски игран филм од 1968 година, снимен по сценарио на Анте Поповски, а во режија на Љубиша Георгиевски. Главните улоги ги играат: Ристо Шишков, Бранислав Јериниќ, Дарко Дамески, Драгомир Фелба, Нада Гешоска, Петре Прличко, Марија Исаја итн. Монтажер бил Вангел Чамчев, а музиката ја компонирал Тома Прошев. Во 1968 година, на Филмскиот фестивал во Ниш, Дарко Дамески, Ристо Шишков и Мара Исаја биле наградени со специјални награди.

„Планината на гневот“
Режисер	Љубиша Георгиевски
Сценарист	Анте Поповски
Главни улоги	Ристо Шишков Бранислав Јериниќ Дарко Дамевски Драгомир Фелба Нада Гешоска Петре Прличко Ристо Стефановски Јосиф Јосифовски
Музика	Тома Прошев
Дистрибутер	Вардар филм
Премиера	1968
Времетраење	81 мин.
Земја	СР Македонија
Јазик	македонски

Кратка содржина

По Втората светска војнa, социјалистичката револуција и ослободувањето на земјата, настапува време на обнова. Тоа е време кога се инсистира на колективизација на селските имоти. И во Западна Македонија се настојува да се спроведат новите идеи за развој на земјоделското стопанство и на сточарството. Претседател на селската задруга е Стамат (Ристо Шишков), поранешен борец, кој со сиот свој жар и револуционерен елан работи и верува дека колективизацијата е единствен излез за сиромашниот селанец. На својот пат за подобра иднина тој се судира со отпорот на поимотните селани кои тешко се разделуваат од имотот. Наспроти тоа, Стамат се соочува и со решението на Околискиот комитет, планината што им обезбедува егзистенција и која што селаните ја сметаат за своја, да му се додели на Дрвниот комбинат. Настојувањето на Стамат решението да се промени е без успех. Тој чувствува дека неговиот револуционерен идеал е брутално изневерен поради нечии бирократски решенија. Во овие околности, Стамат се соочува со вистината дека селаните не му веруваат, но и покрај тоа застанува на вистинската страна.

Надворешни врски

• Кинотека на Македонија