Мементо (филм од 1967 година)

Мементо e македонски игран филм од 1967 година, режија на Димитрие Османли, кој е и еден од авторите на сценариото, заедно со Јован Бошковски и Ташко Георгиевски. Главните улоги ги играат: Драги Костовски, Нада Гешовска, Петре Прличко, Предраг Ќерамилац, Рената Фреинскорн, Стево Жигон и Тодор Николовски. Монтажер е Маја Лазаров, а музиката ја компонирал Бојан Адамич. Фимот трае 97 минути, а снимен е во црно-бела техника, со 35 милиметарска камера.[1]

„Мементо“
РежисерДимитрие Османли
СценаристДимитрие Османли
Јован Бошковски
Ташко Георгиевски
НастапуваатСтево Жигон
Рената Фреискорн
Драги Костовски
Нада Гешовска
Петре Прличко
Предраг Ќерамилац
Тодор Николовски
Жанрпсихолошки
МузикаБојан Адамич
ДистрибутерВардар филм
Премиера1967
Времетраење97 мин.
ДржаваСР Македонија СР Македонија
Јазикмакедонски

Кратка содржинаУреди

Еден ден спроти земјотресот во Скопје, се запознаваат Вили Милер (Стево Жигон), германски диригент на пропатување низ Македонија, и Јана (Рената Фреискорн), млада девојка, студентка. Нивната повторна средба е после неколку години кога Вили Милер диригира концерт на Средбата на солидарноста во Скопје. Тие неколку дена минати заедно се исполнети со своевидна реминисценција на Јана за доживеаната семејна трагедија, за нејзините лутања и барање начин повторно да се започне животот, запрен во денот на земјотресот. Можноста да замине со Милер е привлечна, но Јана останува во Скопје. Нејзиното место е покрај момчето Гого (Предраг Ќерамилац) за кое ја врзува вистинска љубов.[2]

Надворешни врскиУреди

  1. Кинотека на Македонија (пристапено на 4.10.2018)
  2. Кинотека на Македонија (пристапено на 4.10.2018)