Птоломејска династија

Птоломејска династија
Птоломејска династија
Земја	Стар Египет, Античка Македонија, Антички Рим
Основана	305 п.н.е.
Основач	Птоломеј I Сотер
Последен владетел	Клеопатра и Птоломеј XV Цезарион; (Ргипет); Птоломеј Филаделф; (Сирија); Птоломеј); (Мавританија)
Последен член	Друсила
Титули	Фараон; Василевс на Египет; Крал на Македонија; Крал на Мавританија; Крал на Сирија; Крал на Кирена
Распад	79
Крај на владеењето	279 п.н.е.(Македонија); 30 п.н.е.(Египет); 40 (Мавританија)

Птоломејската династија — македонско кралско семејство која владеела со Египет речиси 300 години, од 323 п.н.е. до 30 п.н.е.

Птоломеј, еден од седумте телохранители и генерали на Александар III Македонски бил назначен за сатрап на Египет по смртта на Александар во 323 п.н.е. Птоломеј 305 п.н.е. се прогласил за Крал Птоломеј I, подоцна познат како Сотир (спасител). Египќаните брзо ги прифатиле Птоломејците како вистински наследници на фараоните на независен Египет. Династијата на Птоломеј владеела со Египет до Римското освојување во 30 п.н.е.

Сите машки владетели од династијата го носеле името Птоломеј. Кралиците пак, од кои некои биле сестри на своите сопрузи, обично се викале Клеопатра, Арсиноја или Береника. Најпозната во низата на оваа династија е последната владетелка - Клеопатра VII, позната по својата улога во политичките борби во Рим помеѓу Јулиј Цезар и Помпеј, а подоцна и помеѓу Октавијан и Марко Антониј. Нејзиното самоубиство по покорувањето на Египет од Рим го означува крајот на династија.

Птоломејски владетели

Поделба на царството на Александар

Кралство на Птоломеј

Кралство на Касандар

Кралство на Лизимах

Кралство на Селевк

Други држави

Картагина

Стар Рим

Грчки колонии

Годините во заградите го означуваат периодот на владеење. Тие често владееле заедно со своите сопруги, кои пак често биле и нивни сестри. Неколку кралици имале кралски авторитет напоредно со кралот или самостојно. Неколку кралици имале силен авторитет, но најпозната и најуспешна била Клеопатра VII (51 п.н.е.-30 п.н.е.), заедно со нејзините двајца браќа и нејзиниот син како последователни номинални ковладетели. Постојат повеќе системи за броење на подоцнежните владетели, овој што е прикажан тука е најчесто применуван од современата наука.

Птоломеј I Сотир (305 п.н.е. - 282 п.н.е.) се оженил прво со (веројатно) Таис, потоа со Артакама, па со Евридика и на крај со Береника I
Птоломеј II Филаделф (284 п.н.е. - 246 п.н.е.) се оженил со Арсиноја I и Арсиноја II Филаделф; владеел заедно со својот син Птоломеј Синот (267 п.н.е. - 259 п.н.е.)
Птоломеј III Еуергет (246 п.н.е. - 222 п.н.е.) се оженил со Береника II
Птоломеј IV Филопатор (222 п.н.е. - 204 п.н.е.) се оженил со Арсиноја III
Птоломеј V Епифан (203 п.н.е. - 181 п.н.е.) се оженил со Клеопатра I
Птоломеј VI Филометор (180 п.н.е. - 164 п.н.е., 163 п.н.е. - 145 п.н.е.) се оженил со Клеопатра II, кратко владеел со Птоломеј Еупатор 152 п.н.е.
Птоломеј VII Neos Филопатор (никогаш не бил крал)
Птоломеј VIII Еуергет II (Фискон) (170 п.н.е. - 163 п.н.е., 145 п.н.е. - 116 п.н.е.) се оженил со Клеопатра II а потоа и со Клеопатра III, привремено протеран од Александрија од Клеопатра II помеѓу 131 п.н.е. и 127 п.н.е., се смирил со неа во 124 п.н.е.
Клеопатра II Филометора Сотеира (131 п.н.е. - 127 п.н.е.), наспроти Птоломеј VIII
Клеопатра III Филометор Сотеир Дикиосина Никифор (Коке) (116 п.н.е. - 101 п.н.е.), владеела заедно со Птоломеј IX (116 п.н.е. - 107 п.н.е.) и со Птоломеј X (107 п.н.е. - 101 п.н.е.)
Птоломеј IX Сотир II (Латир) (116 п.н.е. - 107 п.н.е., 88 п.н.е. - 81 п.н.е. како Сотир II) се оженил со Клеопатра IV а потоа и сп Клеопатра Селена, владеел заедно со Клеопатра III за време на нејзиното првото владеење
Птоломеј X Александар I (107 п.н.е. - 88 п.н.е.) се оженил со Клеопатра Селена а потоа и со Береника III, владеел заедно со Клеопатра III до 101 п.н.е.
Береника III Филопатор (81 п.н.е. - 80 п.н.е.)
Александар II (80 п.н.е.) се оженил и заедно владеел со Береника III, додека не ја убил, а потоа владеел сам уште 19 дена
Птоломеј XII Нов Дионис (Аулет) (80 п.н.е. - 58 п.н.е., 55 п.н.е. - 51 п.н.е.) се оженил со Клеопатра V Трифена
Клеопатра VI Трифена (58 п.н.е. - 57 п.н.е.) владеела заедно со Береника IV Епифанија (58 п.н.е. - 55 п.н.е.)
Клеопатра VII Филопатор (51 п.н.е. - 30 п.н.е.) владеела заедно со Птоломеј XIII Теос Филопатор (51 п.н.е. - 47 п.н.е.), Птоломеј XIV (47 п.н.е. - 44 п.н.е.) и Птоломеј XV Цезарион (44 п.н.е. - 30 п.н.е.).
Арсиној IV (48 п.н.е. - 47 п.н.е.), in opposition to Клеопатра VII

Поедноставено семејно стелно на птоломејската династија

Многу од долуприкажаните семејни врски се контроверзни. Повеќе детали може да се најдат на некоја од локациите посочени во надворешните врски.

Други членови на Птоломејската династија

Птоломеј Керавн (умрел 279 п.н.е.) - најстариот син на Птоломеј I Сотир, подоцна најверојатно станал крал на Кралството Македонија
Птоломеј Апион (умрел 96 п.н.е.) - син на Птоломеј VIII Фискон. Бил крал на Киренајка (Либија). Ја предал Киренаjка на Рим.
Птоломеј од Мавританија (умрел 40) - син на Јуба II од Мавританија и Клеопатра Селена II, ќерка на Клеопатра VII и Марко Антониј. Бил крал на Мавританија.

Литература

J. G. Manning The Last Pharaohs - Egypt Under the Ptolemies, 305-30 BC, 2009 (англиски)

Поврзано

Наводи

Надворешни врски

www.tyndale.cam.ac.uk Архивирано на 8 мај 2002 г., Птоломејска династија (англиски)
Livius, Ptolemies Архивирано на 14 мај 2011 г. by Jona Lendering (англиски)