Појадок кај Тифани

Појадок кај Тифани (англиски: Breakfast at Tiffany's) - американски филм од 1961 година, во режија на Блејк Едвардс, по сценариото на Џорџ Акселрод, засновано врз книгата на Труман Капоти. Главните улоги ги толкуваат Одри Хепберн, Џорџ Пепард, Мики Руни, Патриша Нил, Бади Ебсен и Мартин Балзам. Портретот на Холи Голајтли како наивен, но ексцентрична девојка се смета за најпознатата и најнезаборавната улога на Одри Хепберн, а и таа самата изјавила дека таа била најпредизвикувачката улога во нејзината кариера, бидејќи играла екстровертна личност, иако по природа била интровертна. Песната „Месечева река“ (Moon River) која во филмот ја пее Одри Хепберн, им ја донела наградата „Оскар“ на композиторот Хенри Мансини и на текстописецот Џони Мерсер, а филмот бил номиниран за „Оскар“ во шест категории. Според Мансини и Едвардс, претставниците на студиото толку ја мразеле песната што барале веднаш да биде исфрлена од филмот, но Хепберн, која била присутна во мигот кога била донесена оваа одлука, извикнала: „преку моето мртво тело“. Филмот останал запаметен и скапата облека на Живенши што ја носи Хепберн, како и по сликата на тенката Хепберн со носач на цигара во раката, несомнено една од иконските слики во американската филмска историја.

„Појадок кај Тифани“
Филмски постер од 1961
Режисер	Блејк Едвардс
Продуцент	Мартин Џуроу и Ричард Шепард
Сценарист	Труман Капоти (роман) Џорџ Екслрод (сценарио)
Главни улоги	Одри Хепберн Џорџ Пепард Патриша Ник Бади Ебсен Мики Руни
Музика	Хенри Мансини
Кинематографија	Франц Планер и Филип Х. Лаптроп
Монтажа	Хауард А. Смит
Дистрибутер	Paramount Pictures
Премиера	5 октомври 1961
Времетраење	114 минути
Земја	САД
Јазик	Англиски
Буџет	$2,500,000

Кратка содржина

Одри Хепберн и Џорџ Пепард во славната последна сцена од Појадок кај Тифани

Филмот ја обработува приказната за Холи Голајтли (ја игра Хепберн), млада девојка која живее хаотичен живот. Без стабилно детство, таа се венчала на четиринаесетгодишна возраст, а подоцна го поништила својот брак, се преселила во Холивуд со цел да започне филмска кариера, а оттаму се преселила во Њујорк. Таму, Холи води расипнички живот, исполнет со секојдневни забави. Истовремено, таа заработува пари како кол герла при што еднаш неделно посетува еден мафијашки шеф во затворот и несвесно ги пренесува неговите пораки. Еден ден, таа го запознава младиот писател Пол Варџак (го игра Пепард) кој живее во нејзината зграда. Тој одржува љубовна врска со богата, мажена жена која му плаќа за неговите услуги. Пол се вљубува во Холи, а во Њујорк пристигнува и нејзиниот поранешен сопруг, кој ја моли да му се врати. Иако Холи постојано се дружи со Пол, сепак таа сонува да се омажи за богат човек. Нејзиниот сон се остварува кога запознава убав и богат човек со кого планира да се омажи и да живее во Бразил. Меѓутоа, полицијата дознава за врската со мафијашкиот шеф и Холи е уапсена, а нејзиниот брак пропаѓа. Истовремено, таа добива писмо од поранешниот сопруг, кој ја известува за смртта на нејзиниот сакан брат Фред. Холи е разочарана, но на крајот од филмот таа одлучува да го прифати Пол.

Улоги

Иконската слика

• Одри Хепберн: Холи Голајтли
• Џорџ Пепард: Пол „Фред“ Варџак
• Патриша Нил: 2E
• Бади Ебсен: Док Голајтли
• Мартин Балзам: О. Ј. Берман
• Хосе Луис де Вилалонга: Хосе да Силва Переира
• Мики Руни: Г. Јуниоши
• Џон МекГивер: Продавачот во Тифани
• Алан Рид: Сали Томато
• Дороти Витни: Мег Вајлдвуд
• Стенли Адамс: Расти Тролер
• Клод Строд: Сид Арбак
• Оранжи: Мачорот (трениран од Френк Ин)

Почести

• Во 1995 година, тексашката група Deep Blue Something го создава хитот „Breakfast at Tiffany's“. Песната е инспирирана од глумата на Хепберн во филмот Празник во Рим, но авторот, Тод Дејвис Пајпс, мислел дека најпознатиот филм на Одри би бил подобар наслов.
• Во 605 епизода на Зајнфелд, наречена „Каучот“, Џорџ се приклучува на еден читачки клуб и треба да ја прочита книгата Појадок кај Тифани. Но Џорџ наместо да ја чита книгата се обидува да го изнајми филмот.
• Втората епизода од третата сезона на Истрага на местото на злосторството: Њујорк, „Не е онака како што изгледа“, се работи за три жени кои, облечени како Холи Голајтли, ја ограбуваат продавницата Кај Тифани.

Надворешни врски

• Појадок кај Тифани на Семрежната филмската база на податоци
• на Cast Album Database
• 1100 оригинални филмски постери posteryu.com Архивирано на 18 февруари 2010 г.
• Оригинален филмски постер Појадок кај Тифани

Наводи

Филмови со Одри Хепберн

Филмови: Холандски во 7 лекции (1948) • Смеа во Рајот (1951) • Приказната на младите сопруги (1951) • Еден див овес (1951) • Толпата на Лавендер Хил (1951) • Монте Карло, злато (1951) • Ќе одиме во Монте Карло (1952) • Таинствени луѓе (1952) • Празник во Рим (1953) • Сабрина (1954) • Војна и мир (1956) • Смешно лице (1957) • Љубов на пладне (1957) • Зелени палати (1959) • Приказната за калуѓерката (1959) • Непростено (1960) • Појадок кај Тифани (1961) • Час за децата (1961) • Шарада (1963) • Париз, кога врне (1964) • Мојата убава дама (1964) • Како да се украде милион (1966) • Двајца за патот (1967) • Почекај додека се стемни (1967) • Робин и Мериан (1976) • Крвна линија (1979) • Сите се смееја (1981) • Секогаш (1989) (камео)
Телевизија: Маерлинг (1957) • Љубов меѓу крадци (1987) • Светските градини со Одри Хепберн (1993)