Ливада

Ливада (грчки: λιβάδι) — ареал од рамен или нерамен терен каде предоминираат треви. Обично местото наречено ливада има повеќе биоразновидност отколку пасиштето бидејќи тоа содржи не само трева, туку и многубројни едногодишни, двегодишни и повеќегодишни растенија.

Искосена ливада крај германскиот град Вупертал.

Преодни ливади

Преодна ливада се јавува кога едно поле, пасиште, обработливо земјиште или друга исчистена земја повеќе не се исползува за земјоделство или пасе во голема мера и истото почнува да обраснува. Меѓутоа штом условите за ливада се достигнат, оваа состојба е само привремена, бидејќи овие колонизатори ќе бидат засенчени од дрвенестите растенија кои ќе надојдат и добро ќе се прилагодат.

Вечна ливада

Вечна ливада е онаа ливада каде животните околности засекогаш не им даваат на дрвенестите растенија да виреат. На пример:

• Алпски ливади се јавуваат на поголеми височини и се одржуваат со суровите климатски услови
• Крајбрежни ливади се одржуваат со прскањето на солената вода
• Пустински ливади се одржуваат со ниски количини на атмосферски врнежи
• Прерии се одржуваат со периоди на сурови суши и како такви се подложни на шумски пожари.

Ливадата како тема во уметноста

• „Таму долу в ливаѓето“ - македонска народна песна.
• „Под Битола ливада“ - македонска народна песна.
• „Ливада со трева“ (An Acre of Grass) - песна на ирскиот поет Вилијам Батлер Јејтс.
• „Грантчестерски ливади“ (англиски: Grantchester Meadows) — песна на британската рок-група „Пинк флојд“ од 1969 година.

Поврзано

• Велд
• Влажна ливада
• Крајбрежна рамница
• Пасиште
• Плавна ливада
• Плато
• Поле
• Прерија
• Рамнина
• Савана
• Степа

Надворешни врски

• Корнелов Универзитет (англиски)
• Вашингот Пост, „Денес 32,000 семиња; утре, ливада“ Архивирано на 3 јули 2004 г. (англиски)
• Садење ливада Архивирано на 3 март 2016 г. (англиски)