Аеродром (населба)

Аеродром
Аеродром
	Населба
	Источниот дел на Аеродром. Гледано од Џевахир.
	Координати: 41°59′1.9″N 21°27′35.8″E / 41.983861° СГШ; 21.459944° ИГД
Држава	Македонија
Општина	Аеродром
Површина
• Вкупна	120,46 ха (29,766 acres)

Аеродром — населба во истоимената Општина Аеродром.

Карта на Аеродром.

Географија

Населбата граничи со населбите Мичурин на запад, Острово на северозапад, 13 Ноември на север, Јане Сандански на североисток, Ново Лисиче, Реонски Центар на исток и Лисиче на југоисток.

Историја

Заднина

Стариот аеродром.

Населбата го добила своето име по старата местоположба на аеродромот „Скопје“ основан во 1920-тите, кој се наоѓал кај поликлиниката „Јане Сандански” и касарната „Гоце Делчев“. Аеродромот бил бомбардиран од страна на нацистичка Германија во април 1941. Првиот патнички авион слетал на 15 јуни 1928 година. Авионот бил од типот „Потез-29“ од француско производство и превезувал 5 патници.

Настанок

Панорамски приказ на новоизградените монтажни градби во населба Аеродром, 1964 година.

Населбата настанала по Скопскиот земјотрес во 1963 година. По катастрофалниот земјотрес од 1963, таму била сместена т.н. шаторска населба Аеродром-Вардар наменета за настраданите во земјотресот. Тој камп бил најголемото и најдобро организираното згрижувалиште во Општина Кисела Вода. Кампот во почетокот сместил 700 лица, а потоа бројката пораснала на 4,970 настрадани. Местоположбата на кампот била во близина на цивилниот аеродром. Оваа шаторска населба почнала да биде уредувана на 26 јули во 9 часот и попладнето била готова. Истиот ден почна да биде делена топла храна. Потоа за поголемите семејства биле подигнати бараки. Тука биле сместени жителите на Маџир Маало, Пролет и Ново Маало. Потоа шаторската населба била преселена во Мичурин, поточно во дворот на училиштето „Владимир Назор“.^[1]

21 век

Со Законот за новата територијална поделба во август 2004 година, била создадена Општина Аеродром чија територија претходно припаѓала во Општина Кисела Вода. Во неа биле вклучени сите населени места (вклучително и населбата Аеродром) кои се наоѓале северно од пругата Скопје-Велес.

Демографија

Според пописот од 2002, населбата Аеродром била статистички споена (под статистичкиот назив Аеродром) со населбите 13 Ноември, Јане Сандански, Лисиче, Мичурин, Ново Лисиче, Острово. Во таа статистичка целина живееле 72.009 жители од кои 96% се Македонци, 2% Срби и 2% други народности како Роми, Турци и Власи.^[2]

Според последниот попис на населението на Македонија од 2021 година, населбата Аеродром била статистички споена (под статистичкиот назив Аеродром) со населбите 13 Ноември, Горно Лисиче, Јане Сандански, Лисиче, Мичурин, Ново Лисиче, Острово, Реонски Центар. Таа статистичка целина имала 75.108 жители.

Следува табела на народносната структура на населението:

Народност	Вкупно
Македонци	63.764
Албанци	850
Турци	464
Роми	459
Власи	651
Срби	2.125
Бошњаци	403
Други	6.392

Самоуправа и политика

Избирачко место

Населба Аеродром, општина Аеродром - организација на избори^[3]^[4]
Број на избирачко место	Установа кадешто се наоѓа	Женски гласачи	Машки гласачи	Регистрирани гласачи
2686	ЈАВНА ДЕТ.ГРАД. "СРНИЧКА" ОБЈЕКТ "ИЗВОРЧЕ"	265	279	544
2687	ЈАВНА ДЕТ.ГРАД. "СРНИЧКА" ОБЈЕКТ "ИЗВОРЧЕ"	297	352	649
2688	ЈАВНА ДЕТ.ГРАД. "СРНИЧКА" ОБЈЕКТ "ИЗВОРЧЕ"	265	323	588
2689	ООУ "ЉУБЕН ЛАПЕ"	186	289	475
2759	ООУ "ЉУБЕН ЛАПЕ"	272	323	595
2752	ООУ "ЉУБЕН ЛАПЕ"	277	332	609
2753	ООУ "ЉУБЕН ЛАПЕ"	498	588	1086
2754	ООУ "ЉУБЕН ЛАПЕ"	317	351	668
2755	ООУ "ЉУБЕН ЛАПЕ"	282	345	627
2756	ООУ "ЉУБЕН ЛАПЕ"	316	373	689
2757	ЈАВНА ДЕТ.ГРАД. "СРНИЧКА" ОБЈЕКТ "БАМБИ"	242	276	518
2758	ЈАВНА ДЕТ.ГРАД. "СРНИЧКА" ОБЈЕКТ "БАМБИ"	262	292	554
2760	СРЕДНО УЧИЛИШТЕ НА ГРАД СКОПЈЕ "МАРИЈА КИРИ - СКЛОДОВСКА"	726	887	1613
Вкупно		4.205	5.010	9.215

На парламентарните избори во 2024 година, гласале вкупно 6.052 жители, каде 49% од гласовите освоила Коалицијата “Твоја Македонија“ ВМРО-ДПМНЕ, 18% Коалицијата за европска иднина - СДСМ и 15% партијата Левица.^[5]

Образование

Средни училишта

Основни училишта

ОУ „Љубен Лапе“

Културни знаменитости

Црквата „Св. Илија“.

Цркви

Црква „Св. Илија“ - изградена во 1997 година;
Црква „Св. Петка“ - црква-параклис;

Аеродром како мотив во уметноста

„Бисер и Три бисери“ — краток расказ на македонскиот писател Сашо Стефановски (под псевдонимот Џанго Помалиот).^[6]

Галерија

Висококатница во Аеродром
Воените кули во населбата Аеродром
Мотив од населбата Аеродром
Мотив од населбата Аеродром
Мотив од населбата Аеродром
Мотив од населбата Аеродром
Булеварот Васко Карангелески

Наводи

↑ „Животот во шаторските населби (2)“. okno.mk. 8 август 2013. Архивирано од изворникот на 2013-08-09. Посетено на 2 јануари 2023.
↑ Адресар на општини во Република Македонија, Град Скопје, 2002 година.
↑ Состојба 5.2024.
↑ „Избирачки список“.
↑ „Резултати парламентарни избори 2024 - 08.05.2024“. line feed character во |title= во положба 36 (help)^{[мртва врска]}
↑ Џанго Помалиот, Намали малце чалам. Скопје: Темплум, 2018, стр. 47-48.

Надворешни врски

[1] „Животот во шаторските населби (2)“. okno.mk. 8 август 2013. Архивирано од изворникот на 2013-08-09. Посетено на 2 јануари 2023.

[2] Адресар на општини во Република Македонија, Град Скопје, 2002 година.

[FOOTNOTEСостојба_5.2024-3] Состојба 5.2024.

[4] „Избирачки список“.

[5] „Резултати парламентарни избори 2024 - 08.05.2024“. line feed character во |title= во положба 36 (help)^{[мртва врска]}

[6] Џанго Помалиот, Намали малце чалам. Скопје: Темплум, 2018, стр. 47-48.

[1]

[2]

[3]

[4]

[5]

[6]