Ново Лисиче — високоурбанизирана населба во источниот дел на градот Скопје, на 5 км одалеченост од центарот на Скопје, и се наоѓа на десниот (јужниот) брег на реката Вардар. На исток Ново Лисиче се граничи со Горно Лисиче, на запад со населбата Јане Сандански и Аеродром, на југ со Реонски Центар, а на север се допира до брегот на Вардар. Во Ново Лисиче се наоѓа едно од најголемите училишта во Македонија ОУ „Лазо Ангеловски“ - Аеродром.

Сообраќај, инфраструктура и местоположба на Ново ЛисичеУреди

Како поодалечена населба од центарот на градот, а со голем број на станбени згради и жители, кон Ново Лисиче водат многу автобуси како 3, 3А, 3Б, 15,15А, 5 (чија последна станица е Ново Лисиче), додека автобусот 23 го обиколува цело Ново Лисиче бидејќи населбата има форма на квадрат[1]. Со Центар и западниот дел на Скопје (Карпош, Ѓорче Петров) е поврзана со булеварот Јане Сандански кој преку населбите Аеродром и Јане Сандански оди кон Центар, а кон Маџари, Автокоманда и Индустриската зона води мостот „Тодор Александров“.

Во Ново Лисиче водат два главни булевари, и тоа „АСНОМ“ и „Видое Смилевски-Бато“. Булеварот „АСНОМ“ преминува во „АВНОЈ“ во населбата Јане Сандански, а В.С. Бато преминува во булеварот Јане Сандански. Двата главни булевара се разгрануваат во многу улички и паркинзи кои ја сочинуваат патната инфраструктура на Ново Лисиче.

Население и структура на населениеУреди

 
Графички дел од деталниот урбанистички план за Урбана Зона А од населбата Ново Лисиче во општина Аеродром. Со различните бои се претставени различните зони, и во табелата од десната страна се наведени сите елементи од планот.

Ново Лисиче е урбана населба составена исклучиво од станбени згради со оглед на тоа има голем број на жители, младо население и разни демографски движења. Според некои проценки и пописни списоци за Скопје, Ново Лисиче има околу 17.200 жители од кои 97,5% се Македонци, 1% Срби, 0,5% Албанци и 1% други. Младо население во Ново Лисиче има од 32-34%, наталитетот е со средна големина (исто како во Капиштец), а миграционите движења се сѐ уште големи како внатрешните од други скопски населби така и од другите делови на Македонија многу луѓе се доселуваат и отселуваат од Ново Лисиче. Вработеноста е околу 81%, а писменоста на населението околу 94,8%.

Историја на Ново ЛисичеУреди

Населбата Ново Лисиче е изградена во годините 1985-1990. На местото на денешната населба (зградите) се наоѓала најплодната алувијална рамнина во Скопската Котлина, на која наместо пченица никнале згради. Населени места имало во близината, а тоа се Горно Лисиче и Населба Лисиче.

Потекло на името Ново ЛисичеУреди

 
Црквата Рожденство на Пресвета Богородица во Ново Лисиче

За потеклото на името Ново Лисиче не постои некоја посебна легенда, туку поради близината со Горно Лисиче и населбата Лисиче му е дадено името Лисиче со додавката Ново, бидејќи е ново и помладо.

Цркви

Општествени установиУреди

Културни и природни знаменитостиУреди

 
Меморијалната фонтана со Ликот на Тоше Проески
 
Познатата детска улица во Ново Лисиче

На 28 август 2010 година во населбата Ново Лисиче, свечено била пуштена во употреба меморијалната фонтана со ликот на Тоше Проески. Фонтаната се наоѓа на Детската улица и е изработена од мермер со кружна форма, со дијаметар од седум метри. Централниот дел е со квадратен облик, висок 1,45 метри, каде е поставена слика од Тоше. Фонтаната и околниот дел е осветлен со канделабри и неонски светилки, хортикултурно е уреден со зеленило и клупи. „Фонтаната била пуштена на еден од најголемите христијански празници Успение на Пресвета Богородица. Ова претставува едно од најубавите места во нашата држава и за сите почитувачи на ликот и делото на Тоше, кои ќе можат да дојдат тука и да се потсетат на него[4].

Редовни настаниУреди

Секоја година се одржува натпревар во мал фудбал на Спортскиот Центар - Ново Лисиче[5].

ЛичностиУреди

Култура и спортУреди

Од 20 до 29 јуни 2016 година се одржало третото издание на Меѓународениот фестивал на комедијата „Гола месечина“[6].

Надворешни врскиУреди

  1. „Нова автобуска линија 15 А на релацијата Ново Лисиче - Карпош 4“. Daily.MK - Вести. Посетено на 2017-09-10.
  2. „Ново Лисиче го доби првиот православен храм“. Дневник. Посетено на 2012-01-11.
  3. Црковен храм Св. Јован Крстител - монографија
  4. „Пуштена фонтаната со ликот на Тоше Проески“. Daily.MK - Вести. Посетено на 2017-09-11.
  5. „Турнир во мал фудбал „Скопје 2016". Република Online. 2016-09-01. Посетено на 2017-09-11.
  6. „Меѓународен фестивал на комедијата „Гола месечина" во Ново Лисиче“. Радио МОФ (англиски). 2016-06-15. Посетено на 2017-09-11.