Википедија

Втора влада на Зоран Заев

32. влада на Македонија била избрана орган на извршната власт во Македонија избран по предвремените парламентарни избори од 15 јули 2020. Водачот на СДСМ, Зоран Заев, добил мандат за состав на владата од претседателот Стево Пендаровски како предводник на најголемата партија во македонското собрание.[1] Собранието на Македонија на 30 август 2020 со 62 гласа „за“, 51 „против“ и без воздржани, ја изгласа владата предводена од Заев.[2]

Втора влада на Зоран Заев
Заев II

32. влада на Македонија
2020-2022
Зоран Заев на јавна дебата за реформите во образованието одржана на 5 февруари 2021
Заев во 2021
Конституирана31 август 2020
Распуштена16 јануари 2022
Организација
ПретседателСтево Пендаровски
ПремиерЗоран Заев
Заменици на
премиерот		Артан Груби
Љупчо Николовски
Фатмир Битиќи
Никола Димитров
Вкупно членови20
Статус во собраниеКоалициска влада
Историја
Избори2020
Претходен кабинетСпасовски
Следен кабинетКовачевски

Историја уреди

Како последица на лошиот резултата кој го остварл СДСМ на локалните избори во 2021 година, како и поразот на изборите за градоначалник на Град Скопје, вечерта по вториот круг на 31 октомври, Зоран Заев најавил оставка на позицијата претседател на СДСМ и повлекување од премиерската позиција.[3]

Политичките партии дел од власта следниот ден ја потврдиле својата намера да останат во владата и ја изразиле својата поддршка на Зоран Заев. Од партијата ДУИ порачале дека одлуката на Заев да се повлече од политиката е „избрзана“ и „непотребна“.[4][5]

Пет дена подоцна опозицискиот лидер Христијан Мицкоски на социјалната мрежа Фејсбук објавил заедничка фотографија со претседателите на партиите Алијанса за Албанците, Алтернатива, Беса и Левица, споделувајќи дека донесле одлука за формирање на ново парламентарно мнозинство од 61 пратеник, предводено од ВМРО-ДПМНЕ кое ќе има за цел да го распушти на собранието и да распише предвремени парламентарни избори.[6]

На 8 ноември пратениците од новоформираното мнозинство поднеле иницијатива за гласање на доверба на владата,[7] а на 11 ноември била закажана седницата по таа точка.[8][9] На истата не се појавил пратеникот Кастриот Реџепи од партијата Беса. Поради неможноста да се обезбеди кворум за спроведување на дискусијата, како и немањето доволно пратеници да гласаат за недоверба, истата била одложена на неодредено.[10] Половина час по започнувањето на седницата Реџепи во објава на социјалните мрежи споделил дека нема намера да „застане на патот“ на „новонастанатиот проевропски политички моментум“. Од неговата партија Беса, како и останатите опозициски пратеници изразиле сомнеж во веродостојноста на изјавата на Реџепи како и за околностите во кои истата е напишана.[11] Христијан Мицкоски изјавил дека се очекувало саботажа на обидот за смена на владата.[12] Лидерот на партијата Беса, Биљал Касами, попладнето во полициската станица Бит Пазар го пријавил Реџепи за исчезнат.[13] Кастриот Реџепи пак попладне на својот Фејсбук профил споделил видео во кое кажува дека е безбеден, негирајќи ги изјавите на неговите партиски колеги.[14]

Вечерта непосредно пред полноќ, седницата е завршена со заклучок дека собранието нема донесено одлука за доверба, поради истекот на законски предвиденот рок од три дена за произнесување на пратениците по поднесување на иницијативата.[15]

На 27 ноември Централниот одбор на СДСМ ја потврдил оставката на Заев од претседателската позиција во партијата, а внатрепартиските избори за избор на нов претседател биле закажани за 12 декември.[16] На истите за нов лидер на социјалдемократите бил избран Димитар Ковачевски.[17]

На 23 декември собранието ја констатирало оставката на 32. влада.[18]

На 16 јануари 2022, собранието со 62 гласа ја изгласало 33. влада на Македонија предводена од Димитар Ковачевски.[19]

Состав на владата уреди

      СДСМ       ДУИ       НЗ (номиниран од СДСМ)       БЕСА

Ресор Министер На позиција Партија
Кабинет на премиерот
Премиер   Зоран Заев 31.8.2020 16.1.2022 СДСМ
Заменици на премиерот
Политички ситем и
односи меѓу заедниците 		  Артан Груби 31.8.2020 16.1.2022 ДУИ
Министер без ресор
заменик премиер за борба против коирупцијата 		  Љупчо Николовски 31.8.2020 16.1.2022 СДСМ
Министер без ресор
заменик премиер за економски прашања 		  Фатмир Битиќи 31.8.2020 16.1.2022 СДСМ
Министер без ресор
заменик премиер за европски прашања 		  Никола Димитров 31.8.2020 16.1.2022 нез.
Министри
Надворешни работи   Бујар Османи 31.8.2020 16.1.2022 ДУИ
Одбрана   Радмила Шекеринска 31.8.2020 16.1.2022 СДСМ
Внатрешни работи   Оливер Спасовски 31.8.2020 16.1.2022 СДСМ
Правда   Бојан Маричиќ 31.8.2020 16.1.2022 СДСМ
Финансии   Фстмир Бесими 31.8.2020 16.1.2022 ДУИ
Економија   Крешник Бектеши 31.8.2020 16.1.2022 ДУИ
Земјоделство, шумарство
и водостопанство 		  Арјанит Хоџа 31.8.2020 16.1.2022 Беса
Здравство   Венко Филипче 31.8.2020 16.1.2022 СДСМ
Образование и наука   Мила Царовска 31.8.2020 16.1.2022 СДСМ
Труд и социјална политика   Јагода Шахпаска 31.8.2020 16.1.2022 СДСМ
Локална самоуправа   Горан Милевски 31.8.2020 16.1.2022 СДСМ
Култура   Ирена Стефоска 31.8.2020 16.1.2022 СДСМ
Транспорт и врски   Благој Бочварски 31.8.2020 16.1.2022 СДСМ
Животна средина
и просторно планирање 		  Насер Нуредини 31.8.2020 16.1.2022 ДУИ
Информатичко општество
и администрација 		  Јетон Шаќири 31.8.2020 16.1.2022 ДУИ

Извор: Состав на владата на Македонија

Наводи уреди

  1. ↑ „Заев го доби мандатот, најави влада за 20 дена“. DW Македонија. Скопје. 13 август 2020. Посетено на 9 февруари 2021.
  2. ↑ Делевска, С. К. (30 август 2020). „Собранието ја изгласа владата на Заев“. Сакам Да Кажам. Скопје. Посетено на 9 февруари 2021.
  3. ↑ „Заев се повлекува од владата и партијата“. DW на македонски. Скопје. 31.10.2021. Посетено на 21.1.2024. Проверете ги датумските вредности во: |access-date=, |date= (help)
  4. ↑ „Коалиционите партнери остануваат верни на СДСМ“. DW на македонски. Скопје. 01.11.2021. Посетено на 21.1.2024. Проверете ги датумските вредности во: |access-date=, |date= (help)
  5. ↑ „ДУИ го убедува Заев да не дава оставка“. DW на македонски. Скопје. 01.11.2021. Посетено на 21.1.2024. Проверете ги датумските вредности во: |access-date=, |date= (help)
  6. ↑ „Мицкоски: имаме ново парламентарно мнозинство“. Слободна Европа. Скопје. 05.11.2021. Посетено на 21.1.2024. Проверете ги датумските вредности во: |access-date=, |date= (help)
  7. ↑ „Прашање за доверба на Владата на Република Северна Македонија (08-4716/1)“. Собрание на Македонија. 08.11.2021. Проверете ги датумските вредности во: |date= (help)
  8. ↑ „Детали на седница 53“. Собрание на Македонија. 11.11.2021. Проверете ги датумските вредности во: |date= (help)
  9. ↑ „Собраниска седница за доверба на владата“. Слободна Европа. Скопје. 11.11.2021. Посетено на 21.1.2024. Проверете ги датумските вредности во: |access-date=, |date= (help)
  10. ↑ „Седницата за доверба на владата цел ден на пауза“. Слободна Европа. Скопје. 11.11.2021. Посетено на 21.1.2024. Проверете ги датумските вредности во: |access-date=, |date= (help)
  11. ↑ „Опозицијата во потрага по Кастриот Реџепи“. DW на македонски. Скопје. 11.11.2021. Посетено на 21.1.2024. Проверете ги датумските вредности во: |access-date=, |date= (help)
  12. ↑ „Мицкоски- ќе чекаме до 12 часот да се појави пратеникот Реџепи“. Слободна Европа. Скопје. 11.11.2021. Посетено на 21.1.2024. Проверете ги датумските вредности во: |access-date=, |date= (help)
  13. ↑ „Касами го пријавил Реџепи во полиција за исчезнат“. 360 степени. Скопје. 11.11.2021. Посетено на 21.1.2024. Проверете ги датумските вредности во: |access-date=, |date= (help)/
  14. ↑ „(Видео) Се огласи Кастриот Реџепи на ФБ и порача дека е здрав и добро“. Алсат. Скопје. 11.11.2021. Посетено на 21.1.2024. Проверете ги датумските вредности во: |access-date=, |date= (help)
  15. ↑ „Стенографски белешки од 53-та седница на Собранието на РСМ на 11.11.2021“. Собрание на Македонија. 11.11.2021. Проверете ги датумските вредности во: |date= (help)
  16. ↑ „Оставката на Заев прифатена, СДСМ на 12 декември бира нов претседател“. VoA на македонски. Скопје. 27.11.2021. Посетено на 21.1.2024. Проверете ги датумските вредности во: |access-date=, |date= (help)
  17. ↑ „Димитар Ковачевски е нов лидер на СДСМ, убедливо ги победи Деспотовски и Ременски, ќе биде и мандатар на новата влада“. Сакам да кажам. Скопје. 12.12.2021. Посетено на 21.1.2024. Проверете ги датумските вредности во: |access-date=, |date= (help)
  18. ↑ „Собранието ја констатираше оставката на премиерот Заев, во оставка е цела влада“. Сакам да кажам. Скопје. 23.12.2021. Посетено на 21.1.2024. Проверете ги датумските вредности во: |access-date=, |date= (help)
  19. ↑ „Со само 62 гласа „за" избрана владата на премиерот Ковачевски“. 360 степени. 17.1.2022. Посетено на 21.1.2024. Проверете ги датумските вредности во: |access-date=, |date= (help)

Надворешни врски уреди

Мрежно место на владата на Македонија

Преземено од „https://mk.wikipedia.org/w/index.php?title=Втора_влада_на_Зоран_Заев&oldid=5150284“