Аеродром Берлин-Тегел

Аеродром Берлин-Тегел
Аеродром Берлин-Тегел; Flughafen Berlin-Tegel
	IATA: TXL; ICAO: EDDT;
Општо
Тип	затворен
Оператор	Flughafen Berlin Brandenburg GmbH
Опслужуван град	Берлин
Местоположба	Рајникендорф, Берлин, Германија
Отворен	1948
Затворен	8 ноември 2020
Надморска височина	122 ft / 37 м
Координати	52°33′35″N 013°17′16″E / 52.55972° СГШ; 13.28778° ИГД
Мрежно место	berlin-airport.de TXLМестоположба на аеродромот во Берлин
Писти
Статистика (2019)
Патници	24.227.570
Промена на патници 18–19	▲ +10.1%
	Извори: Passenger Traffic, ACI Europe; German AIP at EUROCONTROL

Аеродромот Берлин-Тегел (IATA: TXL, ICAO: EDDT), познат и како Аеродром „Ото Лиилентал“ — поранешен главен аеродром кој го опслужува Берлин, Германија. Се простира во населбата Тегел, и е препознатлив по шестаголната терминална зграда. Во 2008, аеродромот опслужи околу 14.530.000 патници. Аеродромот се планира да биде затворен во 2012 година, 6 месеци по комплетирањето на новиот Берлин Бранденбург Аеродром, на кој се планира да се слеат сите летови кон Берлин. Аеродромот Тегел служи како и помала база за Луфтханза и TuiFly.

Историја

Ерата на студената војна

Специјалниот статус на Западен Берлин за време на студената војна (8 мај 1945 - 2 октомври 1990) значеше дека целиот сообраќај до и од западна Германија беше расподелен на трите победнички земји од Втората светска војна. Air France беше првата авиокомпанија да започне со редовен авиосообраќај на Тегел на 2 јануари 1960 година. Авиокомпанијата се одлучи да ги префрли сите свои операции од аеродромот Берлин Темпелхоф на Берлин Тегел аеродромот поради прекратката писта на аеродромот Темпелхоф. Pan Am стана втората авиокомпанија со редовен авиосервис си три летови во неделата кон аеродромот Њујорк Кенеди во Мај 1964 година. Од Април 1968 година, целиот чартер сообраќај, најмногу од тур операторите од Велика Британија и САД, кои дотогаш оперираа од аеродромот Берлин Темпелхоф, ги префрлија сите свои операции на аеродромот Берлин Тегел. Нова зграда посебно наменета за овие чартер компании беше изградена. Други авиокомпании кои оперираа со редовен авиосервис од и до Берлин за време на студената војна беа:

Court Line Aviation - Британска авиокомпанија која оперираше на летови од Берлин Тегел до Лондон Лутон и Париз Ле Буржет аеродромите помеѓу 1970 и 1974 година под договор со Западно Берлинската студентска унија
Touraine Air Transport - Француска регионална авиокомпанија која сообраќаше до Саарбрукен неколкупати во денот од 1978 до 1984 година
Berlin Regional UK - Британска компанија заснована во Берлин основана во 1986 година од поранешен генерален менаџер на British Airways која сообраќаше на домашни и меѓународни регионални одредишта кои не беа опслужувани од никоја друга авиокомпанија од аеродромот Берлин Тегел во тоа време
TWA - Американски авиопревозник кој сообраќаше до аеродромите во Франкфурт и Брисел двапати дневно
Pan Am Express - регионална подружница на Pan Am која започна со операции во ноември 1987 година. Оперираше на одредишта како Базел, Бремен, Дортмунд, Хановер, Инсбрук, Касел, Кил, Милано, Салцбург, Стокхолм и Виена

Ерата после паѓањето на Берлинскиот ѕид

По обединувањето на Германија на 3 октомври 1990 година, сите рестрикции за аеродромите во Западен Берлин беа симнати. Луфтханза започна со летови кон Берлин на 28 октомври 1990, најпрвин со 12 летови кон Келн, Франкфурт и Лондон Гетвик. Овој период беше период кога легислативата на ЕУ за внатрешен авио пазар беше сѐ уште во процедура и кога домашните летови беа сѐ уште резервирани за летови од секоја држава посебно. Луфтханза и останатите Германски авиокомпании лобираа кај владата да ги забрани сите активности на Dan Air и British Airways од и кон Берлин. Ова резултираше со откупување на 49% од сопственоста на Германската регионална авиокомпанија Delta Air од страна на British Airways, и преименување на истата во Deutsche BA. British Airways исто така ја замени флотата на авиокомпанијата со авиони од типот Боинг 737. Останати авиокомпании кои започнаа со редовен сообраќај кон Берлин по обединувањето на Германија беа: Aero Lloyd, Alitalia, American Airlines, SAS Eurolink, Swissair и TWA.


Година	Патници	Товар[t]	Пошта [t]	Сообраќај
1991	6.715.402	13.585	16.002	120.344
1992	6.641.634	16.493	18.705	96.896
1993	7.000.168	16.060	17.672	90.750
1994	7.234.345	16.625	16.869	93.103
1995	8.186.512	17.131	16.229	112.521
1996	8.298.736	17.836	17.525	117.247
1997	8.622.359	19.043	16.465	117.495
1998	8.810.476	15.183	15.639	115.092
1999	9.543.437	15.349	15.887	118.188
2000	10.268.325	17.096	26.792	127.668
2001	9.863.870	17.578	15.977	125.484
2002	9.055.002	13.787	14.258	111.334
2003	11.055.303	12.800	4.665	134.395
2004	11.014.062	12.009	8.044	131.875
2005	11.500.454	11.246	3.125	137.288
2006	11.787.960	13.490	5.522	134.322
2007	13.510.188	14.830	4.823	145.423

Јавен Транспорт

Аеродромот е поврзан со јавната транспортна мрежа на Берлин преку автобуси, преку кој аеродромот се поврзува со У-Бан и С-Бан, како и со Regional Express возовите и меѓународните возови.

JetExpress TXL автобус сообраќа до станицата Beusselstraße, Hauptbahnhof, главната железничка станица, Unter den Linden станицата, со последна станица Александерплац.
Х9 Express автобус сообраќа до Jakob-Kaiser-Platz станицата, Berlin Jungfernheide со последна станица Berlin Zoologischer Garten.
Автобусот број 109 сообраќа до Jakob-Kaiser-Platz станицата, Berlin-Charlottenburg и Berlin Zoologischer Garten.
Автобусот број 120 сообраќа до Kurt-Schumacher-Platz и Osloer Strasse.

Сите автобуси се оперирани од стран на BVG, така што цените се подеднакви за сите линии (125 денари за еден тикет кој важи за два часа за целата сообраќајна мрежа на Берлин).

Терминали

Моментален изглед на терминалот

Проширување на терминалот со два шестаголни прстени

Аеродромот содржи четири терминали. Бидејќи аеродромот е мал во споредба со другите поголеми аеродроми, овие терминали исто така можат да бидат наречени и хали.

Главниот терминал е оригинален дел од аеродромот. Содржи два дела:
- Терминал А е шестаголен прстен со паркинг површина. Содржи 14 порти со 16 влеза (А00 - А15). Не постои никаква транзит зона, што значи дека секоја порта има своја безбедносна точка како и излез за патниците кои пристигнуваат на аеродромот. Сите поголеми авиокомпании пристигаат на овој терминал.
- Терминал Б е терминал кој порано се користел како хала за чекање во главниот терминал.
Терминал Ц беше отворен во мај 2007 како привремено решение бидејќи сите останати терминали беа исполнети. Содржи 19 шалтери за чекирање и 8 паркинзи кои не се поврзани со порти. Моментално, 5 додатни паркинзи се конструираат со што овој терминал е проширен близу 50% повеќе отколку што беше најпрво замислено. Изградбата се планира да заврши во август 2009, со што Delta Air Lines и Hainan Airlines ќе ги преместат своите операции таму.
Терминалот Д беше отворен во 2001 година. Содржи 22 шалтери за чекирање. Овој терминал е единствениот кој е отворен 24 часа во денот.
Терминалот Е содржи три шалтери за чекирање (Е16 - Е18).