Czech Airlines

Czech Airlines
České aerolinie
Основан	1923
Јазли	Аеродром Прага
Програма за чести летачи	OK Plus
Аеродромски салон	Crystal Lounge
Сојуз	SkyTeam
Летала	36 (+6 порачки)
Одредишта	69
Матично претпријатие	Министерство за финансии на Чешка
Седиште	Прага, Чешка
Раководство	Радомир Лашак
Мрежо место	www.CzechAirlines.com

Czech Airlines j.s.c. (чешки: České aerolinie, a.s., македонски изговор: чех ерлајнс), е чешка национална авиокомпанија која е заснована на аеродромот во Прага. Оперира на 69 одредишта во 41 земја, вклучувајќи ги сите европски метрополи, а исто така и извесни одредишта на Блискиот Исток и Северна Америка. Во 2006. година превезе околу 5 и пол милиони патници. Авиокомпанијата е член на SkyTeam алијансата.

Историја

Czech Airlines е формирана на 6 октомври 1923 година, од страна на чехословачката влада. Дваесет и три дена подоцна првиот комерцијален лет помеѓу Прага и Братислава е воспоставен. Оперирала со домашни летови сѐ до 1930 година кога првиот меѓународен лет до Загреб беше воспоставен. По германската окупација на Чехословачка во 1939, развојот на авиокомпанијата беше стопиран. Во февруари 1948 година, Комунистичката партија се враќа на власт во Чехословачка. Со доаѓањето на власт, тогашната власт прекинува неколку западно европски одредишта, а исто така ја заменува флотата со авиони, па така наместо западно Европски и Американски авиони, во употреба влегуваат Советски авиони. Во 1957 година, Czech Airlines влегува во историјата како втора компанија која започнува да употребува авиони на млазен погон, со добивањето на авион од типот Туполев Ту-104А. Првиот прекуокеански лет беше остварен на 3 февруари 1962 година со летот до Хавана, Куба, користејќи Бристол Британија авион. Овој авион беше заменет со Иљјушин ИЛ-18Д при крајот на 60-тите години од минатиот век, а исто така беа воведени и нови прекуокеански одредишта до Њујорк и Монтреал. Во 90-тите години од минатиот век, најголемиот дел од советските авиони беа заменети со авиони од западноевропските земји, како Боинг 737, Ербас А310, Ербас А320, како и ATR воздухоплови за кратки релации.

Полетување на Boeing 737-400 во новите бои на Czech Airlines

Одредишта

Погледни опширно: Одредишта на Czech Airlines.

ČSA Tupolev Tu-104, 1958

Czech Airlines Ербас A320

Неколку авиони на Czech Airlines на аеродромот во Прага

Флота

**Czech Airlines Флота**
Авион	Вкупно	Патници (Бизнис/Економска)	Одредишта	Забелешки
Ербас A319-100	9 (6 orders)	135	Одредишта на средни должини Европа и Блискиот Исток
Ербас A320-200	8	162	Одредишта на средни должини Европа и Блискиот Исток
Ербас A321-200	2	212	Одредишта на средни должини Чартер Летови	на услуги од: HOLIDAYS Czech Airlines
АТР 42-500	7	46	Кратки одредишта Средна Европа
АТР 72-200	2	64	Кратки одредишта Средна Европа	Ќе биде заменет со: АТР72-500
Боинг 737-400	2	144 162	Кратки и средни одредишта Европа, Чартер Летови	на услуги од: HOLIDAYS Czech Airlines
Боинг 737-500	8	108	Кратки и средни одредишта Европа	Ќе биде заменет со: A319