Љубинко Друловиќ (роден на 11 септември 1968 година) бил поранешен српски фудбалер кој настапувал на позицијата како крилен напаѓач. Во моментов работи како фудбалски тренер.

Тој го поминал најзначајниот дел од својата играчка кариера во Португалија, со престој во екипите на Порто и Бенфика. Во двете екипи минал десет сезони, освојувајќи 14 големи титули со тимот на Порто.

Друловиќ настапувал за српската репрезентација на едно Светско и едно Европско првенство. За својата државна репрезентација одиграл вкупно 40 натпревари.

Клупска кариера уреди

Друловиќ е роден во местото Нова Варош, Србија, Социјалистичка Федеративна Република Југославија. По завршувањето на неговиот договор со екипата на ФК Рад во летото 1992 година, тој потпишал двегодишен договор со португалскиот клуб Жил Висенте ФК, но таму останал само до месец декември 1993 година, по што се преселил во екипата на ФК Порто, тим од првата Примера Лига. Во двата клуба, во сезоната 1993-94 постигнал 18 голови.[1]

Љубинко Друловиќ бил еден од ретките играчи во тимот на Порто кој придонеле за секоја од петте последователни титули во текот на 90-тите години. Тој најмногу бил запаметен по неговите точни асистенции и способноста да ја нафрли топката, главно до главата на напаѓачот Марио Жардел.[2]

Во јуни 2001 година, веќе 33 годишниот Друловиќ се приклучил на екипата на СЛ Бенфика.[3] По сезоната 2002-03, тој се вратил во домашното првенство и потпишал со екипата на ФК Партизан. Бил еден од највлијателните играчи на тимот додека истиот стигнал до групната фаза во Лигата на шампионите на УЕФА. Друловиќ се вратил во Португалија една година подоцна, завршувајќи ја својата кариера во тимот на ФК Пенафиел заедно со поранешниот соиграч од составот на Порто, Антонио Фолха.[4]

Друловиќ ја започнал својата тренерска кариера во скромниот португалски клуб ГД Туризенсе, во 2006–07 година.[5] На крајот од сезоната, тој добил професионална тренерска лиценца.

На почетокот на април 2008 година, Друловиќ станал тренер во екипата на ФК Банат од Зрењанин во српската Суперлига.[6] Како петти тренер во сезоната – тој го заменил Жарко Солдо. Кога го презел тимот бил на осмата позиција од вкупно 12.[7] Тимот бил во опасност од испаѓање во понизок ранг, бидејќи до крајот на сезоната останале само уште 11 кола. На крајот, на 17 мај во последното коло, тој не можел да му помогне на тимот да избори опстанок во лигата по поразот со 4:1 од екипата на ФК Војводина.[8]

Во јуни 2008 година, Друловиќ се преселил во Словенија и потпишал со клубот на НК Драва од Птуј. Речиси две години подоцна, во јануари 2010 година, бил назначен за тренер на ЦД Примеиро де Агосто од Анголската Гирабола лига.[9]

Репрезентација уреди

Љубинко Друловиќ својот прв натпревар за репрезентацијата на СР Југославија го одиграл на 28 декември 1996 година, во пријателскиот натпревар со селекцијата на Аргентина одигран во Мар дел Плата кој завршил со победа на Аргентина (3:2). Тој продолжил да игра уште 37 пати во следните пет години, настапувајќи за својата репрезентација на Светското првенство на ФИФА 1998 и натпреварувањето на УЕФА ЕВРО 2000. На тоа европското првенство постигнал еден гол во нерешениот натпревар со резултат од 3:3 во групната фаза против екипата на Словенија.[10] Имал и 4 асистенции, кога неговата репрезентација стигнала до четврт-финалната фаза.[11]

Статистика во кариерата уреди

Меѓународна (репрезентативна) статистика уреди

Извор:[12]
СР Југославија
Година Натпревари Голови
1996 година 1 1
1997 година 11 0
1998 година 6 0
1999 година 6 1
2000 година 9 1
2001 година 5 0
Вкупно 38 3

Признанија уреди

Играчки признанија уреди

Порто

  • Освоена е Примеира лига: 1994–95, 1995–96, 1996–97, 1997–98, 1998–99
  • Освоен е купот на Португалија,Тача де Португалија: 1993–94, 1997–98, 1999–2000, 2000–01
  • Освоен е суперкупот на Португалија Супертача Кандидо де Оливеира: 1993, 1994, 1996, 1998, 2001 година

Тренерски признанија уреди

1º де Агосто

  • Освоен е суперкупот на Ангола Супертача де Ангола: 2010 [13]

Србија У19

  • Освоено е првото место на Европско првенство за играчи до 19 години на УЕФА: 2013 година [14]

Индивидуална статистика

  • Српски тренер на годината: 2013 [15]

Тренерска статистика уреди

- тренер на репрезенатацијата на Македонија од април 2015 година до октомври 2015 година

Во тој период репрезентацијата на Македонија одиграла вкупно 5 натпревари и постигнала резултат од 4 порази и 1 нерешен резултат.

Наводи уреди

  1. Da Cunha, Pedro Jorge (18 April 2019). „Drulovic: "O Robson não me convocou e disse 'não há lugar no avião'"“ [Drulovic: "Robson did not select me and said ‘no room on the plane’"] (португалски). Mais Futebol. Посетено на 7 December 2020.
  2. Catarino, Luís (26 June 2015). „O fotogénico Monstro do Lago Ness“ [The photogenic Loch Ness Monster] (португалски). Primeiro Toque. Архивирано од изворникот на 29 June 2016. Посетено на 20 May 2016.
  3. „Quiosque: Drulovic dois anos no Benfica (A Bola, Record, O Jogo)“ [Newsstand: Drulovic two years in Benfica (A Bola, Record, O Jogo)] (португалски). TVI 24. 12 June 2001. Посетено на 13 March 2020.
  4. „Drulovic regressa para jogar no Penafiel“ [Drulovic returns to play in Penafiel] (португалски). Relvado. 8 July 2004. Посетено на 13 March 2020.
  5. „Drulovic rescinde com o Tourizense“ [Drulovic rescinds with Tourizense]. Jornal de Notícias (португалски). 21 November 2006. Посетено на 13 March 2020.
  6. „Ljubinko Drulović novi trener Banata“ [Ljubinko Drulović new Banat manager] (српски). MTS Mondo. 4 April 2008. Архивирано од изворникот на 2008-04-08. Посетено на 5 April 2008.
  7. „Banat se uzda u čudo“ [Banat relying on a miracle] (српски). MTS Mondo. 16 May 2008. Архивирано од изворникот на 2008-05-17. Посетено на 16 May 2008.
  8. „MSL: Banat ispao, ostalo 3 razlike“ [MSL: Banat dropped, 3 other differences] (српски). B92. 17 May 2008. Посетено на 17 May 2008.
  9. „1º de Agosto hire new coach“. Angola Press News Agency. 8 January 2010. Архивирано од изворникот на 2012-02-27. Посетено на 10 January 2010.
  10. „Milošević stars as Yugoslavia beat the odds“. UEFA. 6 October 2003. Посетено на 20 May 2016.
  11. „Euro 2020 facts and statistics“. Diario AS. 29 November 2019. Посетено на 13 March 2020.
  12. „Ljubinko Drulović“. European Football. Посетено на 20 May 2016.
  13. „1º de Agosto win football Super Cup“. Angola Press News Agency. 8 February 2010. Посетено на 13 March 2020.
  14. „Mourinho message inspires jubilant Drulović“. UEFA. 1 August 2013. Посетено на 13 March 2020.
  15. „FSS: Ivanović i Drulović najbolji“ [FAS: Ivanović and Drulović are the best] (српски). B92. 17 December 2013. Посетено на 13 March 2020.

Надворешни врски уреди