Список на фудбалски ривалства во Македонија

Ова е список на главните фудбалски ривалства во Македонија.

Вечно дерби

• Вечно дерби: ФК Вардар — ФК Пелистер

Вечно дерби, познато и како Македонско дерби или Дерби на Македонија, е името дадено на натпреварите помеѓу двата најпопуларни клуба од Македонија, скопскиот ФК Вардар и битолскиот ФК Пелистер, поддржани од Комити Запад и Чкембари соодветно, при што навивачите на моменти неславно се занимаваат со хулиганство за време на дербито.

Ривалството меѓу овие два клуба потекнува од сезоната 1990/91 кога за време на натпревар од Втората југословенска лига се случил инцидент. Од тој ден, започнало големото ривалство меѓу Комити и Чкембари со тоа што натпреварот Вардар-Пелистер станал вечното дерби на Македонија.

Градски дерби натпревари

Скопски дерби натпревари

• Скопско дерби (или Старо скопско дерби): ФК Вардар — ФК Работнички

Тоа е едно од најстарите познати дерби натпревари во Македонија. Овие два клуба за првпат се сретнале во 1951 година во југословенската втора лига со победа од 2:1 на Работнички. Комедија наречена „2:1“ ја напишал писателот Васил Иљоски за да го запамети настанот. Двете екипи го делат истиот стадион, Националната арена „Тоше Проески“.

• Скопско етничко дерби: ФК Вардар — ФК Шкупи (порано ФК Слога Југомагнат)

Дерби само поради навивачите на клубовите. Навивачите на Вардар се етнички Македонци, додека навивачите на Шкупи се етнички Албанци. Ова дерби се родило по создавањето на Првата македонска фудбалска лига бидејќи претходно Шкупи настапувал во помалите југословенски лиги. До 2012 година дербито било со клубот Слога Југомагнат.

• Дерби на Автокоманда: ФК Скопје — ФК Металург
• Дерби на Драчево: ССК Младинец — ФК Драчево
• Дерби на Карпош: ФК Алумина — ФК Локомотива
• Дерби на Лисиче: ФК Горно Лисиче — ФК Победа Долно Лисиче

Дерби помеѓу два селски клуба во близина на Скопје, сместени на брегот на реката Вардар.

Други градови

• Кичевско дерби: ФК Напредок — ФК Влазрими
• Прилепско дерби: ФК Победа — ФК 11 Октомври
• Струмичко дерби: ФК Беласица — ФК Тиверија и ФК Беласица — ФК Академија Пандев
• Тетовско дерби: ФК Тетекс — ФК Шкендија

Битката за градот Тетово е етнички поделена. Со оглед на тоа што навивачите на Тетекс се етнички Македонци и оние на Шкендија етнички Албанци, јасно е зошто ова е големо дерби.

Има многу други клубови кои се од ист град, но бидејќи тие се сретнале само неколку пати, тие натпревари не можеме да ги наречеме вистински дерби натпревари.

Регионални дерби натпревари

• Пелагониско дерби: ФК Пелистер — ФК Победа

Дерби помеѓу двата најдобри клуба од два града со жестоко ривалство, Битола и Прилеп, двата сместени во античката македонска провинција Пелагонија.

• Винарско дерби: ФК Тиквеш — ФК Вардар Неготино

Тиквеш од Кавадарци и Вардар од Неготино го формираат ова дерби меѓу двата града за производство на вино кои имаат жестоко ривалство. Ривалството не е застапено само во фудбалот, туку и меѓу граѓаните на двата града.

• Источно дерби: ФК Беласица — ФК Брегалница

Дуел на двата најголеми клуба од источниот дел на државата, Брегалница од Штип и Беласица од Струмица.

• Братско дерби: ФК Вардар — ФК Тетекс

Дерби на две екипи со иста идеологија, всушност навивачи кои се сметаат себеси за македонски патриоти и православни христијани. Навивачките групи Комити Запад на Вардар и Војводи на Тетекс се официјално збратимени.

• Езерско дерби: ФК Охрид — ФК Караорман

Двата клуба се наоѓаат во двата града кои лежат на брегот на Охридското Езеро, Охрид и Струга. Оттаму доаѓа и името на дербито.

• Албанско дерби: ФК Шкендија — ФК Шкупи

Дерби помеѓу двата најголеми етнички албански клубови во Македонија.

• Етничко дерби: ФК Вардар — ФК Шкендија

Најголемо етничко дерби во Македонија. Навивачите на Вардар се етнички Македонци, додека навивачите на Шкендија се етнички Албанци.

• Дерби помеѓу Пелистер и Тиквеш: ФК Пелистер — ФК Тиквеш

Навивачките групи Чкембари на Пелистер и Лозари на Тиквеш се официјално збратимени.

• Дерби помеѓу Вардар и Силекс: ФК Вардар — ФК Силекс

Дерби настанато по осамостојувањето на Македонија, кога газдата на Силекс, Љубисав Иванов - Ѕинго, станал претседател на Фудбалската федерација на Македонија.

• Пијанечко дерби: ФК Брегалница Делчево — ФК Саса

Дерби помеѓу клубовите од градовите Делчево и Македонска Каменица сместени во регионот на Пијанец.

• Оризово дерби: ФК Осогово — ФК Слога 1934

Осогово од Кочани и Слога 1934 од Виница го формираат ова дерби помеѓу двата оризопроизводители града.

• Рударско дерби: ФК Рудар — ФК Саса

Рудар од Пробиштип и Саса од Македонска Каменица, два града значајни по своите рудници.

• Малешевско дерби: ОФК Малеш — ФК Напредок Пехчево

Дерби помеѓу клубовите од градовите Берово и Пехчево сместени на Малешевските Планини.

• Дерби на Чешиново-Облешево: ФК Чешиново — ФК Облешево

Дерби меѓу два мали клуба од две блиски села поврзани со жестоко ривалство.

Поранешни дерби натпревари

• Дерби на Чаир: ФК Балкан — ФК Шкупи