Прељубиште — село во Општина Јегуновце, Тетовско.

Прељубиште
Прељубиште is located in Македонија
Прељубиште
Местоположба на Прељубиште во Македонија
Координати 42°2′0″N 21°6′0″E / 42.03333° N; 21.10000° E / 42.03333; 21.10000Координати: 42°2′0″N 21°6′0″E / 42.03333° N; 21.10000° E / 42.03333; 21.10000
Општина Јегуновце
Население 367 жит.
(поп. 2002)
Шифра на КО 28061
Надм. вис. 390 м
Прељубиште на општинската карта
Прељубиште во Општина Јегуновце.svg

Атарот на Прељубиште во рамките на општината

Географиja и местоположбаУреди

Селото се наоѓа во областа Долни Полог, од левиот брег на Вардар, оддалечено 16 километри североисточно од Тетово.

ИсториjaУреди

Во османлиски даночни регистри на немуслиманското население од вилаетот Калканделен од 1626 - 1627 година, Прељубиште се споменува како село со 54 домаќинства.[1]

СтопанствоУреди

ДемографијаУреди

Според статистиката на Васил К'нчов („Македониja, Етнографиja и статистика“) од 1900 година, во Прељубиште живееле 112 жители, сите Македонци.[2]

Според секретарот на бугарската егзархија Димитар Мишев, („La Macédoine et sa Population Chrétienne“) во 1905 година во Прељубиште имало 144 Македонци под врховенството на егзархијата.[3]

Според последниот попис на населението на Македонија од 2002 година, селото има 367 жители. Следува табела на народносната структура на населението[4]

Националност Вкупно
Македонци 270
Албанци 92
Турци 0
Роми 4
Власи 0
Срби 1
Бошњаци 0
други 0

Но, иако овие податоци се официјални, бројката на Роми е поголема и изнесува околу 25-30, a во последниот попис многумина Роми се попишале како Албанци.

На табелата е прикажан националниот состав на населението низ сите пописни години:[5]

Година Македонци Албанци Турци Роми Власи Срби Бошњаци Ост. Вкупно
1948 326
1953 294 37 3 334
1961 327 40 3 370
1971 324 51 8 6 3 2 394
1981 334 78 1 3 3 419
1991 311 13 1 7 2 4 338
1994 267 65 5 4 341
2002 270 92 4 1 367

РодовиУреди

Прељубиште е македонско-албанско-ромско село. А во минатото имало и Турци во селото.

Според истражувањата од 1947 година, родови во селото се:

  • Македонски родови:
  • Трајковци или Трпчевци (3 к.), староседелци.
  • Зафировци (2 к.), староседелци.
  • Рикаловци (4 к.) ги викаат и Мечкаровци. Во Сиричино кажуваат дека тие се доселени од сега албанското село Желино. По второ предание доселени се од некое село во Гостиварско.
  • Желинковци (2 к.) името го добиле по селото од кое се доселиле, тоа е Желино. Имаат иселеници во Тетово (едно семејство).
  • Казовци (3 к.) доселени се од сега албанското село Церово.
  • Смиљановци (4 к.) доселени се во турско време од селото Туденце, во Туденце имаат роднини.
  • Михајловци (1 к.) доселени се од некое село во Скопско. Имаат иселеници во Скопје (едно семејство) и во Софија (едно семејство).
  • Јесерковци (4 к.) доселени се од Сиричино, го знаат следното родословие: Здравко (жив на 40 г. во 1940-тите) Гого-Ѓоро, предокот кој се доселил. Уште подалечно потекло имаат од селото Церово.
  • Јовановци (3 к.) по потекло се од селото Сараќино, од каде прешле во Шемшево, па дошле во денешното село.
  • Анѓелковци (3 к.) по потекло се од Рогачево, од таму отишле во Јанчиште, па од таму во денешното село. Во Јанчиште имаат роднини, а во Рогачево биле староседелци.
  • Маринковци (1 к.) доселени се во 1913 година од селото Туденце, во Туденце им се род Мали Милошевци.
  • Миловановци (1 к.) доселени се во 1916 година од селото Одри.
  • Смилевци (1 к.) доселени се во 1918 година од селото Копаница, таму припаѓале на родот Кашој.
  • Трпковци (2 к.) доселени се во 1919 година од селото Беловиште.
  • Јоановци (5 к.) доселени се во 1920 година од селото Шемшево. Во Шемшево биле доселени од селото Мусиково кај Средска.
  • Витановци (1 к.) по потекло се од селото Брезно на Шар Планина. Од Брезно прешле во Глоѓи, па овде.
  • Петровци (1 к.) доселени се во 1926 година од селото Одри, таму биле староседелци, потекнувале од родот Стамевци или Стамеи.
  • Албански родови:
  • Фетаовци (1 к.) доселени се од селото Одри во 1924 година, таму биле доселени од северна Албанија;
  • Исмаиловци (1 к.) доселени се во 1925 година од селото Прошовце, таму биле доселени од Албанија.
  • Ромски род:
  • Алитовци (1 к.) доселени се во 1941 година од селото Сараќино, таму биле доселени од Косово.
  • Турски род:
  • Рамадановци (1 к.) доселени биле од Тетово.[6]

Општествени установиУреди

Самоуправа и политикаУреди

Изборно местоУреди

Во селото постои изборното место бр. 2124 според Државната изборна комисија, сместени во просториите на основното училиште.[7]

На претседателските избори во 2019 година, на ова изборно место биле запишани вкупно 318 гласачи.[8]

Културни и природни знаменитостиУреди

Цркви
Наоѓалишта
  • Брезјанско Нивче — населба од доцноантичкото време. Западно од селото, во нивата на Б.Настевски, по површината се среЌаваат фрагменти од керамички садови, тегули, имбрекси и градежен матријал.
  • Три Тумби — населба од неолитското време. Во средишниот дел на селото, во непосредна близина на трафостаницата се гледаат три тумби кои делумно се оштетени со изградбата на станбените објекти и на трафостаницата. По површината се среќаваат фрагменти од керамички садови, куќен лепеж и камени и кремени орудија

Редовни настаниУреди

ЛичностиУреди

Култура и спортУреди

ИселеништвоУреди

НаводиУреди

  1. Турски извори за българската история, т. VII, София 1986, с. 336
  2. Кънчов, Васил. „Македония. Етнография и статистика“, София, 1902, стр. 211.
  3. Brancoff, D.M. "La Macédoine et sa Population Chrétienne". Paris, 1905, pp.122-123.
  4. Попис на населението, домаќинствата и становите во Република Македонија, 2002 - Книга X
  5. Население на Република Македонија според изјаснувањето за етничката припадност, по населени места, според пописите на население 1948, 1953, 1961, 1971, 1981, 1991, 1994 и 2002 година (согласно територијалната организација од 1996 година). База на податоци МАКСтат. Државен завод за статистика.
  6. Трифуноски, Јован (1976). Полог. Белград: САНУ.
  7. „Описи на ИМ“. Посетено на 3 ноември 2019.
  8. „Претседателски избори 2019“. Посетено на 3 ноември 2019.

Надворешни врскиУреди