Википедија

Одри

село во Општина Теарце

Одри — село во Општина Теарце, во околината на градот Тетово.

Одри

Патен знак пред селото Одри

Одри во рамките на Македонија
Одри
Местоположба на Одри во Македонија
Одри на карта

Карта

Координати 42°07′31″N 21°05′19″E / 42.12528° СГШ; 21.08861° ИГД / 42.12528; 21.08861
Општина Теарце
Население 1.175 жит.
(поп. 2021)[1]

Шифра на КО 28052, 28552
Надм. вис. 612 м
Одри на општинската карта

Атарот на Одри во рамките на општината
Одри на Ризницата

Географија и местоположба уреди

Селото се наоѓа во областа Долни Полог, во североисточните падини на Шар Планина. Оддалечено е 18 километри северно од градот Тетово.

Историја уреди

Селото првпат се споменува во османлиските даночни регистри на немуслиманското население од вилаетот Калканделен од 1626 - 1627 година, каде е забележано како село со 70 домаќинства.[2]

Стопанство уреди

Население уреди

Население во минатото
ГодинаНас.±%
19481.246—    
19531.338+7.4%
19611.363+1.9%
19711.716+25.9%
19812.040+18.9%
ГодинаНас.±%
1991488−76.1%
19941.608+229.5%
20021.739+8.1%
20211.175−32.4%

Според статистиката на Васил К’нчов („Македонија, Етнографија и статистика“) од 1900 година, во Одри живееле 320 жители, од кои 210 Македонци и 110 Албанци.[3] Според секретарот на Бугарската егзархија Димитар Мишев, („La Macédoine et sa Population Chrétienne“) во 1905 година во Одри имало 360 Македонци, патријаршисти.[4]

Според германска карта издадена во 1941 година, а заснована на пописот на Кралство Југославија во 1931 година, селото имало 400 Македонци и 500 Албанци.[5]

Според пописот од 2002 година Одри има 1.739 жители, од кои 139 Македонци, 1.598 Албанци и 2 Срби.[6]

Според последниот попис од 2021 година, во селото живееле 1.175 жители, од кои 87 Македонци, 1.044 Албанци и 44 лица без податоци.[7]

На табелата е прикажан националниот состав на населението низ сите пописни години:[8]

Година Македонци Албанци Турци Роми Власи Срби Бошњаци Ост. б.п. Вкупно
1948 — — — — — — — — — 1.246
1953 532 778 — — — 28 — — — 1.338
1961 518 842 — — — — — 3 — 1.363
1971 549 1.154 — — — 9 — 4 — 1.716
1981 572 1.460 1 — — 1 — 6 — 2.040
1991 481 6 — — — — ... 1 — 488
1994 168 1.436 — — — 4 — — — 1.608
2002 139 1.698 — — — 2 — — — 1.739
2021 87 1.044 — — — — — — 44 1.175

Родови уреди

Одри е македонско-албанско село.

Родови во селото се:

  • Македонски родови:
  • Кузмановци (2 к.), староседелци. Имаат неколку изумрени семејства.
  • Мечкаровци (3 к.), староседелци. Имаат иселеници во Беловиште, Требош и Вратница.
  • Стамен (7 к.), староседелци. Имаат иселеници во Прељубиште.
  • Басарковци (5 к.), староседелци. Имаат иселеници во Тетово (две семејства).
  • Китановци (1 к.), староседелци. Имаат иселеници во Белград (едно семејство), иселени преку Тетово.
  • Илини (5 к.), староседелци. Имаат иселеници во Америка (едно семејство).
  • Колепкаровци (3 к.), староседелци. Имаат иселеници во Белград (две семејства).
  • Трпчевци (4 к.), староседелци.
  • Чанчула (2 к.), староседелци.
  • Милановци (6 к.), староседелци. Имаат иселеници во Требош и во Скопје (едно семејство).
  • Тодоровци (3 к.), староседелци. Имаат иселеници во Требош.
  • Стееќевци (28 к.) доселени се од соседното сега албанско село Првце, овде се населиле на почетокот од XIX век. Го знаат следното родословие: Стојан (жив на 48 г. во 1940-тите) Трпе-Лубе-Симун-Паун, еден од нивните први доселеници, од Паун постои гранка Пауновци. Имаат иселеници во Тетово (едно семејство), Требош и во Гостивар (едно семејство).
  • Огњановци (3 к.) се викаат и Поповци, доселени се од Селце, сега раселено село над Одри.
  • Илијевци (1 к.) доселени се од Битолско. Имаат иселеници во Требош и Фалише.
  • Шегуловци (5 к.) доселени се од неко— село во Гостиварско.
  • Албански родови:
  • Колесњан (33 к.) први муслимански доселеници, доселени се пред околу 230 години од областа Љума во Албанија. Го знаат следното родословие: Бељул (жив на 48 г. во 1940-тите) Јусуф-Ислам-Раман-Рамадан-Зенел, еден од нивните први доселеници.
  • Кикировци (33 к.) по потекло се од фисот Бериш во северна Албанија. Потекнуваат од тројца браќа, го знаат следното родословие: Рамадан (жив на 73 г. во 1940-тите) Кадри-Фариз-Кадри, еден од браќата кој се доселил. Еден предок од овој род се оженил со некоја Ромка, која ја викале Кикировка. Имаат иселеници во Прељубиште.
  • Љума (27 к.) името го добиле по областа во северна Албанија од каде се доселиле. Го знаат следното родословие: Исни (жив на 42 г. во 1940-тите) Беџет-Зилбеар-Садик, еден од нивните први доселеници.
  • Ромски род: Осман (1 к.) рано доселени од Гнилане, дома зборуваат на албански.[9]

Општествени установи уреди

Самоуправа и политика уреди

Избирачко место уреди

Во селото постојат избирачките места бр. 2015 и 2016 според Државната изборна комисија, сместени во просториите на основното училиште.[10]

На претседателските избори во 2019 година, на ова избирачко место биле запишани вкупно 1.739 гласачи.[11]

Културни и природни знаменитости уреди

Редовни настани уреди

Личности уреди

Култура и спорт уреди

Иселеништво уреди

Наводи уреди

  1. ↑ „Пописна слика на населените места во Македонија, Попис 2021“. Државен завод за статистика. Посетено на 22 декември 2022.
  2. ↑ Турски извори за българската история, т. VII, София 1986, с. 335
  3. ↑ Васил Кънчов. „Македония. Етнография и статистика“, София, 1900, стр.211.
  4. ↑ D.M.Brancoff. "La Macedoine et sa Population Chretienne". Paris, 1905, стр.122-123.
  5. ↑ „200K Volkstumskarte Jugoslawien“.
  6. ↑ „Министерство за локална самоуправа. База на општински урбанистички планови“. Архивирано од изворникот на 2008-09-15. Посетено на 2010-01-12.
  7. ↑ „Оваа категорија опфаќа лица коишто учествуваат во вкупното резидентно население, но поради нивно одбивање да бидат попишани, неможност да бидат најдени на својата адреса на живеење и непотполност во работата на попишувачите не биле официјално попишани, туку за нив податоците биле преземени од административни извори и затоа не учествуваат во изјаснувањето за етничка припадност, вероисповед и мајчин јазик (Прочитајте повеќе...).“
  8. ↑ Население на Република Македонија според изјаснувањето за етничката припадност, по населени места, според пописите на население 1948, 1953, 1961, 1971, 1981, 1991, 1994 и 2002 година (согласно територијалната организација од 1996 година). База на податоци МАКСтат Архивирано на 10 декември 2021 г.. Државен завод за статистика.
  9. ↑ Трифуноски, Јован (1976). Полог. Белград: САНУ.
  10. ↑ „Описи на ИМ“. Архивирано од изворникот на 2023-08-17. Посетено на 3 ноември 2019.
  11. ↑ „Претседателски избори 2019“. Посетено на 3 ноември 2019.
  12. ↑ „Наставен кадар » Доценти » Доц. д-р Лулзим Муртезани“. Педагошки факултет - Скопје. Архивирано од изворникот на 2009-11-23. Посетено на 2010-01-12.
  13. ↑ „Во Детроит промоција на „Монографијата Стамевски"“. IDIVIDI.com. 26 септември. Посетено на 2010-01-12. Проверете ги датумските вредности во: |date= (help)

Надворешни врски уреди

Преземено од „https://mk.wikipedia.org/w/index.php?title=Одри&oldid=5162942“