Википедија

Глоѓи

село во Општина Теарце

Глоѓи — село во Општина Теарце, во областа Долни Полог, во околината на градот Тетово.

Глоѓи
Глоѓи во рамките на Македонија
Глоѓи
Местоположба на Глоѓи во Македонија
Глоѓи на карта

Карта

Координати 42°5′25″N 21°3′50″E / 42.09028° СГШ; 21.06389° ИГД / 42.09028; 21.06389
Општина Теарце
Население 1.106 жит.
(поп. 2021)[1]

Шифра на КО 28014, 28514
Надм. вис. 486 м
Глоѓи на општинската карта

Атарот на Глоѓи во рамките на општината
Глоѓи на Ризницата

Географија и местоположба уреди

Историја уреди

Во османлиските даночни регистри на немуслиманското население од вилаетот Калканделен од 1616-1627 година се споменува како село Глоге со 18 домаќинства.[2]

Стопанство уреди

Население уреди

Население во минатото
ГодинаНас.±%
1948784—    
1953890+13.5%
19611.033+16.1%
19711.203+16.5%
19811.326+10.2%
ГодинаНас.±%
1991560−57.8%
19941.256+124.3%
20021.295+3.1%
20211.106−14.6%

Според статистиката на Васил К’нчов („Македонија, Етнографија и статистика“) од 1900 година, во Глоѓи живееле 210 жители, сите Македонци.[3] Според егзархискиот секретар Димитар Мишев, („La Macédoine et sa Population Chrétienne“) во 1905 година во Глоѓи имало 560 Македонци, под врховенството на Бугарската егзархија.[4]

На пописот од 2002 година, селото имало 1.295 жители, од кои 310 Македонци, 983 Албанци, 1 Турчин и 1 останат.[5]

Според последниот попис од 2021 година, во селото живееле 1.106 жители, од кои 230 Македонци, 850 Албанци, 4 Турци, 1 Србин, 2 останати и 19 лица без податоци.[6]

На табелата е прикажан националниот состав на населението низ сите пописни години:[7]

Година Македонци Албанци Турци Роми Власи Срби Бошњаци Ост. б.п. Вкупно
1948 — — — — — — — — — 784
1953 524 362 — — — 4 ... — — 890
1961 540 483 — ... ... 5 ... 5 — 1.033
1971 541 651 — — ... 9 ... 2 — 1.203
1981 533 789 — — — 2 ... 2 — 1.326
1991 558 — — — — 2 — — — 560
1994 382 869 1 — — 3 ... 1 — 1.256
2002 310 983 1 — — — — 1 — 1.295

Родови уреди

Глоѓи е македонско-албанско село.

Според истражувањата од 1947 година, родови во селото се:

  • Македонски родови:
  • Петревци (11 к.) најстари доселеници, доселени се од сега албанско-муслиманското село Радуша.
  • Поповци (15 к.) доселени се од селото Дуф, Гостиварско. Имаат иселеници во Романија (едно семејство), Америка (едно семејство) и во Софија (едно семејство).
  • Чарапиновци или Матовци (4 к.) доселени се од селото Јелошник.
  • Љумљанци (16 к.) се делат на Галовци и Анчевци. Исто така доселени се од селото Јелошник, подалечно потекло имаат од областа Љума во северна Албанија.
  • Мисајловци (2 к.) доселени се од селото Старо Село, го знаат следното родословие: Младен (жив на 30 г. во 1940-тите) Атанас-Мисајло-Будим, предокот кој се доселил.
  • Секуловци (4 к.) доселени се од селото Јелошник, таму имаат роднини, подалечно потекло од селото Боговиње.
  • Малоќевци (6 к.) и они се доселени од селото Јелошник, таму биле староседелци, и имаат роднини во селото.
  • Поповци (5 к.) исто така доселени се од Јелошник, каде имаат роднини, во Јелошник биле староседелци.
  • Албански родови:
  • Елезовци (41 к.) се делат на Садиковци, Идризовци и Оџини, доселени се на крајот од XIX век од селото Иваје кај Качаник. Подалечно потекло имаат од фисот Красниќ во северна Албанија.
  • Шериф (1 к.) доселени се преку Шемшево, подалечно потекло од северна Албанија. Имаат иселеници преку Тетово во Турција (едно семејство).[8]

Општествени установи уреди

Централното основно училиште „Асдрени“ е сместено во село Глоѓи и обезбедува настава од 1 до 8 одделение на албански јазик. Училиштето ги опфаќа децата од селата Пршовце и Глоѓи. Во училиштето функционира една комбинирана паралелка за децата од 1,2,3 и 4 одделение кои следат настава на македонски јазик. Овие ученици од 5 до 8 одделение посетуваат настава во основното училиште „Кирил Пејчиновиќ“ во Теарце.

Вкупниот број на некомбинирани паралелки од 1-8 одделение е 18. Училиштето работи во две смени. Реонот на централното основно училиште „Асдрени“ ги покрива селата Пршовце и Глоѓи.

Училиштето е изградено во 1933 година, а во 1981 е доградено. Објектот е составен од подрум и два спрата и во целост (и стариот дел и новиот дел) се во добра состојба. Во објектот е застапена комплетна инфрастуктура има водовод, канализација и електрична инсталација кои ги задоволува потребните норми и стандарди, но тоалетите се во лоша состојба. Во 1996 година објектот е реконструиран. Греењето на објектот е со ќумбиња на дрва. Вратите и прозорците се во лоша состојба.

Самоуправа и политика уреди

Избирачко место уреди

Во селото постојат избирачките места бр. 2023 и 2024 според Државната изборна комисија, сместени во просториите на основното училиште.[9]

На претседателските избори во 2019 година, на овие избирачки места биле запишани вкупно 1.221 гласач.[10]

Културни и природни знаменитости уреди

Цркви

Редовни настани уреди

Личности

  • Езекил (1836 – 1898) - македонски игумен и голем борец против странските пропаганди во Македонија
  • Љупчо Силјановски (р. 29 јули 1949) - македонски поет, раскажувач, драмски писател. Член на Друштвото на Писателите на Македонија.

Култура и спорт уреди

Иселеништво уреди

Наводи уреди

  1. ↑ „Пописна слика на населените места во Македонија, Попис 2021“. Државен завод за статистика. Посетено на 22 декември 2022.
  2. ↑ Турски извори за българската история, т. VII, София 1986, с. 335
  3. ↑ Васил Кънчов. „Македония. Етнография и статистика“, София, 1900, стр.211.
  4. ↑ D.M.Brancoff. "La Macedoine et sa Population Chretienne". Paris, 1905, стр.122-123.
  5. ↑ Попис на населението, домаќинствата и становите во Република Македонија, 2002 - Книга X
  6. ↑ „Оваа категорија опфаќа лица коишто учествуваат во вкупното резидентно население, но поради нивно одбивање да бидат попишани, неможност да бидат најдени на својата адреса на живеење и непотполност во работата на попишувачите не биле официјално попишани, туку за нив податоците биле преземени од административни извори и затоа не учествуваат во изјаснувањето за етничка припадност, вероисповед и мајчин јазик (Прочитајте повеќе...).“
  7. ↑ Население на Република Македонија според изјаснувањето за етничката припадност, по населени места, според пописите на население 1948, 1953, 1961, 1971, 1981, 1991, 1994 и 2002 година (согласно територијалната организација од 1996 година). База на податоци МАКСтат Архивирано на 10 декември 2021 г.. Државен завод за статистика.
  8. ↑ Трифуноски, Јован (1976). Полог. Белград: САНУ.
  9. ↑ „Описи на ИМ“. Архивирано од изворникот на 2023-08-17. Посетено на 3 ноември 2019.
  10. ↑ „Претседателски избори 2019“. Архивирано од изворникот на 2019-12-29. Посетено на 3 ноември 2019.
  11. ↑ „ИСЧЕЗНУВА ЦРКОВНОТО КУЛТУРНО НАСЛЕДСТВО ВО ТЕТОВСКО Заборавени фрескоживописи“. Вест. 28 јануари 2006. Посетено на 2010-04-27.[мртва врска]
  12. ↑ „Во црквата на св. Атанасиј во с. Глоѓи, тетовско“. МПЦ - ОА. Посетено на 2010-04-27. На |first= му недостасува |last= (help)

Надворешни врски уреди

Преземено од „https://mk.wikipedia.org/w/index.php?title=Глоѓи&oldid=5149118“