Портал:Античка Македонија
Македонија · Уметност · Биографија · Географија · Историја · Јазик · Математика · Филозофија · Наука · Општество · Технологија
АНТИЧКА МАКЕДОНИЈА
Македоија во античко време била кралство кое во почетокот се простирало на територијата на денешна Македонија и Беломорска или Егејска Македонија, во северниот дел на денешна Грција. Се граничело со кралството Епир на запад и областа Тракија на исток. Во даден временски период Македонија била најмоќната држава на светот кога Александар Македонски го освоил скоро целиот тогаш познат свет и со тоа го започнал македонскиот период во светската историја.
Македонците живееле во јужната област на тогашна Македонија уште од архаичното време. Првата македонска држава се јавува во VIII или раниот VII век п.н.е. под водството на династијата Аргеади, кога Македонците мигрирале таму од позападните краишта. Првиот крал за кој има документација е Пердика I. Во времето на кралот Александар I Македонската територија почнала да се шири во Еордеја, Ботиаја, Пиерија, Мигдонија и Алмопија. Близу денешниот град Воден, Пердика I (или поверојатно неговиот син Аргеј I) ја изградил првата престолнина Ајга (денешен Кутлеш).
По краток период на персиска власт под водство на кралот Дариј I, државата ја вратила својата независност под водство на кралот Александар I (495–450 п.н.е. п.н.е.). Пред IV век п.н.е. кралството покривало територија по големина еднаква на денешната област Македонија во Грција. Прочитајте повеќе
Избрана статија
.jpg)
Македонската војска се смета за една од највеличенствените воени сили на античкиот свет. Нивната беспрекорност најпрвин ја покажале под водство на кралот Филип II Македонски, а потоа и под водство на неговиот син Александар III Македонски.
Воените иновации во оружјата и тактиките осмислени од кралот Филип II биле главните фактори за величината и успесите на македонската империја. Војувањето Филип го претворил во начин на живот за многу македонци, кои дотогаш ја гледале војската како хонорарна работа која се работи вон земјоделската сезона. Со тоа што службувањето во војската го направил да биде вистинска работа со полно работно време, Филип можел редовно да ги вежба војниците, градејќи единство и кохезија. Ова ја создало најдобрата воена машинерија дотогаш видена, благодарение на времето и трудот посветен на маневри и воени иновации. Прочитајте повеќе
Дали сте знаеле...
- ... дека според легендата, кралот Каран бил првиот македонски крал?
- ... дека според античкиот македонски календар, годината започнувала со месецот октомври, кој бил именуван по врховниот Бог на Античките Македонци Дион?
- ... дека како единица мерка за должина во Античка Македонија, се користел македонскиот кубит, чијашто должина на една единица била еднаква на 35.5 cm, што било пократко од должината на другите кубити во тоа време?
- ... дека македонскиот крал Александар I бил првиот странец којшто учествувал на Античките олимписки игри?
Категории
Избрана биографија
Архелај I бил крал на Македонија од 413 до 399 п.н.е., кој стапил на тронот по смртта на неговиот татко, Пердика II. Мајка му на Архелај всушност била робинка, а Архелај успеал да дојде до тронот со тоа што го убил неговиот чичко, братучед и неговиот полубрат кој бил законски наследник, но се докажал како способен и полезен владетел кој од корен ја променил државната административна структура, војската и трговијата.
Кратко по неговото крунисување, Архелај бил соочен со ситуација која му дозволила тотално да ги промени односите на Македонија со Атина, кои представувале голема закана во последните 50-тина годни. Атињаните биле тешко поразени во Сиракуза при крајот на 413 год. и најголемит дел од нивните бродови биле уништени. Прочитајте повеќе
Избрана слика
Клучни статии
Поврзани портали
 |
 |
 |
 |
| Историја | Стар век | Македонија | Хелада |
 |
Грешка: сликата е неважечка или не постои |
 |
 |
| Стар Рим | Стар Близок Исток | Египтологија | Археологија |
