Борис Новковиќ

Борис Новковиќ (на хрватски: Boris Novković; роден на 25 декември 1967) е хрватски поп пејач. Роден во Сараево, Босна и Херцеговина во поранешна Југославија, Борис уште во рани години покажал интерес за музиката, што не било и чудно затоа што и двата негови родители се занимавале со тоа. Мајка му била учителка по музичко, додека неговиот татко Ѓорѓе Новковиќ беше еден од водечките хрватски текстописци и музички менаџери. Тој го издаде неговиот прв албум Куда иду изгубљене дјевојке во 1986 кој се продаде до 120,000 копии, а неговиот следбеник Јачи од судбине (1987) беше дури и поуспешен. Следуваа уште два успешни албум: Док свира Радио во 1988 и Обојени снови во 1989.

Борис Новковиќ Boris Novković
Борис Новковиќ на Евровизија 2005
Основни податоци
Роден(а)	25 декември 1967 Сараево, Босна и Херцеговина, Југославија
Потекло	Хрватска
Жанр(ови)	Поп
Занимање/ња	Пејач
Инструменти	Вокали, гитара
Години на активност	1986-сегашност
Мрежно место	www.borisnovkovic-official.com

Во 1990 тој за малку ќе ја претставуваше Југославија на Евровизија со песната „Дајана“, но сепак заврши на второто место кое и не беше многу лошо за него затоа што го одведе на Меѓународниот фестивал во Куала Лумпур. До 2003 година издаде уште седум нови албуми, како и две „Best of“ компилации, но само неколку песни можеа да го повторат успехот од неговите постари. Песни коишто оставија најголем траг најверојатно се: „Струји Струја“, „Све мијења све“ и „Далеко“.

Во 2005 година, петнаесет години после неговиот неуспех да ја претставува Југославија на Евровизија, Новковиќ победи на националниот избор за песна на Евровизија Дора и го доби правото да ја претставува сега независната Хрватска на Евровизија 2005 која се одржа во Киев, Украина. Тој ја претставуваше неговата земја со песната „Вукови умиру сами“ заедно со некои членови од ансамблот Ладо. Поради претходното учество на Хрватска во Евровизија 2004 год., земјата немаше доволно бодови за директен влез во финалето, па поради тоа најпрво Новковиќ ја изведе песната во полуфиналето, каде што заврши на четвртото место со 169 бода и се квалификуваше за финалето. Во финалето заврши на 11-то место со 115 бода.

Дискографија

• 1986 - Куда иду изгубљене дјевојке...
• 1987 - Јачи од судбине
• 1988 - Док свира радио
• 1989 - Обојени снови
• 1991 - 100X –
• 1993 - Струји струја
• 1995 - У добру и у злѕ
• 1995 - The best of Boris
• 1997 - Све губи сјај без љубави
• 1999 - Браним се
• 2000 - Директ
• 2002 - Ко је крив
• 2003 - The best of 1995-2003
• 2004 - Остварен сан
• 2008 - Записан у теби

Надворешни врски

• Официјално мрежно место Архивирано на 5 март 2005 г.