Драган Василески

Драган Василески (Горно Добреноец, Кичевско, 23 април 1954 - Скопје, 28 ноември 2011) бил виден македонски географски истражувач, научник и универзитетски професор. Бил сметан за еден од најеминентните хидролози на Балканот.

Драган Василески
Роден	23 април 1954 Горно Добреноец, Кичевско , Македонија
Починал	28 ноември 2011 Скопје , Македонија
Занимање	професор и научник - хидролог

Животопис

Василески е роден на 23 април 1954 година во кичевското село Горно Добреноец. Основното образование го завршил во ОУ „Слобода“ во селото Другово, а средното училиште во гимназијата „Мирко Милески” во Кичево во учебната 1975/76 година. По завршувањето на средното училиште, се запишува на студии на Географскиот факултет во Скопје и истите ги завршува во учебната 1978/79 г. Магистрирал во април 1987, а докторската дисертација под наслов „Радика – хидрографско хидролошка студија“ ја одбранил во април 1991 година. Соодветно на научното усовршување се одвива и универзитетското наставно унапредување, така што непосредно по дипломирањето во 1980 година, Василески се вработил како помлад асистент на Географскиот факултет во Скопје, во 1987 година е избран за асистент на факултетот, во 1992 година во доцент, во 1997 во вонреден професор и во 2002 година е избран во највисокото наставно научно звање редовен професор по група предмети од областа на хидрологијата и сродни дисциплини на Институтот за географија при Природно-математичкиот факултет во Скопје. На таа позиција останал сè до својата смрт, 28 ноември 2011. Професорот Василески бил ментор и член на комисии за поголем број на магистерски тези и докторски дисертации. Имал доста богата општествена активност. Активно бил вклучен во органите и телата на разни институции. Бил Шеф на Институтот за географија при природно математичкиот факултет во Скопје, беше член на Сенатот на Универзитетот „Св. Кирил и Методиј“ во Скопје, член на одборот за доделување на наградата „Гоце Делчев“, продекан за финансии на Природно-математичкиот факултет и други функции и задолженија. Од посебно значење се и активностите во уредувачките одбори на списанијата Географски разгледи (издание на Македонското географско друштво) и Годишниот зборник на Институтот за географија. Како активен член на Македонското географско друштво го има добиено највисокото признание Плакета на заслужни географи од Македонско географско друштво.

Библиографија

Бил носител и реализатор на 11 научни проекти. Објавил 45 научни трудови во разни списанија и зборници од конгреси и симпозиуми, седум поединечни научни монографии за „Колешинскиот Слап“, „Планинските езера на Дешат“, „Планинските езера на Јабланица“, „Планинските езера на Пелистер“, „Водопадите на Ростушка Река и реката Битушница“, „Билјанин Слап“ (на Тресонечка Река) и „Смоларскиот Водопад“. бил и соавтор на средношколки учебници и помагала и друго.

Објавени трудови

• Василески, Д., Радевски, И., Златаноски, В. (2011): Езеро Тулана. Билтен за физичка географија бр. 7/8, стр. 5-14, Скопје;
• Василески, Д., Радевски, И., Златаноски, В., (2010): Хидрографско-хидролошки карактеритики на реката Жаба. Зборник на трудови од IV конгрес на географите на Република Македонија, стр. 41-50, Дојран;
• Павлов, К., Василески, Д., Радевски, И. (2010): Режим на подземните води во Струмичката Котлина. Зборник на трудови од IV конгрес на географите на Република Македонија, стр. 65-70, Дојран;
• Василески, Д., Радевски, И. (2010): Одредување на веројатноста од појавата на протек помал или еднаков на 200 л/с на Водомерната станица “Доленци” на Црна Река со употреба на Биномната распределба. Геогр. Зборник кн. 38, стр. 31-36. Скопје;
• Василески, Д., Радевски, И. (2009): Причини и последици од појавата на лизгалишта во Долна и Мала Река во сливот на реката Радика. Зборник на трудови од Меѓународниот научен симпозиум “Географијата и одржливиот развој”, 22-25.10.2009 година, стр. 63-71. Охрид;
• Маркоски Б., Колчаковски Д., Василески Д., Матески В., Костадиновски М., Мелоски Љ., Христовски С. (2004): Карта на природното богатство на Република Македонија (1 : 200 000), Map of natural heritage in Republic of Macedonia. Зборник на трудови, II Конгрес на еколозите на Македонија, стр. 412-414, Скопје.
• Василески, Д-Петреска. С. (1997): “Некои сознанија во врска со зоната на хранење на карстниот извор Росоки”, Четврто советување - Водостопанство во Република Македонија, Охрид, Зборник на трудови - (автор-соавтор);
• Василески, Д.-Панов, Н. (2000): “Заштита на изворите во сливот на реката Радика како важни туристички мотиви”, “Saving of springs in Radika watershed like motives of tourism” Годишен зборник на Институтот за географија, кн. 35-36, (автор-соавтор);
• Василески, Д. -Панов. Н. (2006): “Туризмот како еден од факторите за загадување на реката Радика”, -Naucno-strucni casopis is turizma br: 2/98, Novi Sad –SR Jugoslavija (соавтор);
• Василески, Д. и други (1991):”Студија за хидробиолошкиот минимум на Скопје, (Колективен труд).
• Василески, Д. (2006): Пелистерски Езера Посебно издание, АД Печатница “Напредок” Тетово-Тетово;
• Василески, Д. (2006): “Користење на природните ресурси во руралната средина на Република Македонија во транзициониот период”, “Using the natural recources in rural area in Republic of Macedonia at period of transition” Реферат поднесен на научниот собир под наслов “Руралниот простор во новите развојни услови”, одржан на 30-31.03. до 01.04.2006 година;
• Vasileski, D. - Petreska, B. (2003): The cave Puralo as possibility for eco-speleological tourism development, the development and potentials of ecotourism on Balkan Peninsula, Volume III, Beograd, SCG;
• Vasileski, D (2002).: "The climatic changes influance's on water resourses. UNDP. Програма на Обединетите Нации, Прв македонски извештај за климата и климатските промени во Република Македонија;
• Василески, Д. - Петреска, Б. (2002): Пропаст Јама, Географски разгледи, кн. 36, Скопје;
• Василески, Д. - Петреска, Б. (2002): “Пештера Пурало”, Годишен зборник на Институтот за географија, кн. 37, Скопје;
• Василески, Д. - Маџевиќ, М. (2001): “Просторно-популациски карактеристики на населбите во Дебарца”, “Area-population characteristics of settlements in Debarca”, Годишен Зборник на Институтот за географија, кн. 35-36, (автор-соавтор), Скопје.
• Василески, Д. (2001): Планинските езера како важни туристички мотиви во националниот парк “Пелистер”, “Mountain lakes like important motives of tourism in national park Pelister” Реферат поднесен на советувањето на Друштвото за наука и уметност Битола, Битола;
• Василески, Д. (2001): “Можност за загадување и уништување на планинските езера во националниот парк “Пелистер”, “Possibility of contamination and degradation of mountain lakes on national park Pelister” Реферат поднесен на советубањето на Друштвото за наука и уметност Битола, Битола;
• Zikov, M.-Vasileski, D. (2001): “Skopje u periodu tranzicije", Centar za planiranje urbanog razvoja, Beograd, god . Зборник на трудови (соавтор);
• Василески, Д. (2000): “Просторна разместеност на планинските езера во Република Македонија”, Реферат поднесен на Советувањето за регионалниот развој на Република Бугарија-Велико Трново, Бугарија;
• Василески, Д. (2000): “Површински водотеци со понорнички карактер во Република Македонија”, Зборник од Вториот конгрес на географите на Република Македонија, Охрид;
• Василески, Д. (2000): “Обесен извор”, Географски разгледи, кн. 35, Скопје.
• Василески, Д. (1999): “Хидрографски карактеристики на котлината Дебарца”, Географски разгледи, кн. 34, Скопје;
• Василески, Д. (1999): “Типови на водопади во Република Македонија според начинот на нивниот постанок”, - Годишен Зборник на Институтот за географија, кн. 33-34, Скопје;
• Василески, Д. (1997): “Студенчица (физичко-географски проучувањa)”, -посебно издание, Екоритам, Скопје, 1997 г.
• Василески, Д. (1997): “Радика”, - посебно издание ( монографија ), АД “Напредок” - Тетово, Тетово.
• Василески, Д. (1996): Планински езера на Дешат во националниот парк “Маврово”- Национални паркови и нивна улога во заштитата на биодиверзитетот на Балканскиот Полуостров, Охрид;
• Василески, Д. (1996): “Промена на температурата на водата на реката Треска по должината на водотекот” - Прв Конгрес на биолозите на Македонија (со меѓународно учество), Охрид, - Зборник на абстракти.
• Василески, Д. (1996): “Можност на загадување на водите во карстните терени на планина Бистра”, Географски разгледи, кн.31, Скопје;
• Андоновски, Т.-Василески, Д. (1996): “Лизгање (урнис) на тлото кај село Праленик во Дебарска Жупа”, “Terrain-sleeking in Pralenik village, Debarska Zupa”-Географски разгледи, кн.31,Скопје.
• Василески, Д. (1995): “Ростушки водопад”- Приматко, Скопје;
• Василески, Д. (1995): “Планинските езера во функција на просторното планирање”, - Стручно-научен семинар”, Еколошки основи на планирањето во Република Македонија”. Зборник на трудови, Скопје;
• Василески, Д. (1995): “Малите акумулации и нивната просторна разместеност во Република Македонија”, - Прв Македонски географски конгрес, Охрид, Зборник на трудови.
• Василески, Д. (1995): “Класификација на езерата во Република Македонија според начинот на постанокот на езерските басени”, Географски разгледи, кн.30, Скопје;
• Василески, Д. (1993): “Појава на внатрешноводен (подводен или долен) мраз на реката Пена”, Географски Зборник, кн.31-32, Скопје;
• Василески, Д. (1992): “Влијание на мочуриштата врз Охридскиот еко-систем”, Охрид, Зборник на Реферати.
• Василески, Д. (1992): “Влијание на водата од реката Сатеска врз Охридскиот еко-систем”, Охрид, Зборник на Реферати;
• Василески, Д. (1989): “Хидрографско-хидролошки карактеристики на планините Галичица и Пелистер”,-дел од монографија (ракопис);
• Василески, Д. (1989): “Климатски карактеристики на планините Пелистер и Галичица”, - дел од монографија (ракопис).
• Василески, Д. (1989): “Леднички езера на планината Стогово”, Географски Разгледи,кн.29, Скопје;
• Василески, Д. (1988): “Водоснабдување на селските населби во котлината Дебарца”-Географски Разгледи, кн.26,Скопје;
• Василески, Д. (1987): “Социо-географска трансформација на селото Другово под влијание на градот Кичево “, Географски разгледи, кн.18-19, Скопје,1981 год;
• Василески, Д. (1987): “Климатски карактеристики на Полошка Котлина”, Географски Разгледи, кн.25, Скопје;
• Василески, Д. (1981): “Фрушка Гора”, - Географски Видик бр.6, Скопје, (популарен);

Монографии

• Василески, Д. (2010): Колешински (Колешки) Слап – Koleshinski –Koleshki Slope. Посебно издание. АД Печатница Напредок, Тетово;
• Василески, Д. (2008): Планински езера на Дешат – Mountain lakes of Deshat. Посебно издание. АД Печатница Напредок, Тетово;
• Василески, Д. (2008): Планински езера на Јабланица – Вевчански Езера - Mountain lakes of Jablanica- Vevcani Lakes. Посебно издание. АД Печатница Напредок, Тетово;
• Василески, Д. (2006): Планински езера на Пелистер – Lakes of mountain Pelister. Посебно издание. АД Печатница Напредок, Тетово;
• Василески, Д. (2005): Водопадите на Ростушка Река и реката Битушница - The waterfalls on river Rostushe and river Bitushnica. Посебно издание, АД Печатница “Напредок” Тетово-Тетово;
• Василески, Д. (2004): Билјанин Слап-Biljana's Slope. Посебно издание, АД Печатница “Напредок” Тетово-Тетово;
• Василески, Д. (2003): “Смоларски Водопад-The Smolarski Waterfall". Посебно издание, АД Печатница “Напредок” Тетово-Тетово.