Васа Даскаловски
Васа Даскаловски (Јабука, 21 јуни 1948 – Скопје, 2003) — македонски географ.
| Васа Даскаловски | ||
| Роден | 21 јуни 1948 Јабука, САП Војводина, НР Србија, ФНРЈ | |
|---|---|---|
| Починал | 2003 (на 54–55 г.) Скопје, Македонија | |
| Занимање | социјален географ | |
Животопис уреди
Д-р Васа Даскаловски бил роден на 21 јуни 1948 година во Јабука, близу Панчево, во САП Војводина. Основното образование го стекнал во Јабука и во Панчево, а гимназија завршил во Охрид во 1967 година. Студирал на Институт за географија на ПМФ во Скопје од 1968-1972 година каде дипломирал со среден успех 9,23 за што е награден и пофален. По стажирањето на Институтот за географија, на 1 јануари 1975 година, бил избран за помлад асистент. Магистрирал во 1980 година на Отсекот за географија и просторно планирање при ПМФ во Белград. Докторирал на Географскиот факултет во 1984 година на темата „Просторно-морфолошка структура и популациски развиток на населбите во Скопската Котлина”. За предавач бил избран во учебната 1981/82 година, за доцент во 1985 година, за вонреден професор во 1991 година, а за редовен професор во 1996 година и бил повторно избран во 2001 година, по предметите географија на населението и географија на населбите. Тој е еден од најначитаните географи. Како самостоен истражувач и раководител учествувал во 16 проекти. Објавил околу 70 научни и стручни трудови и 1 скрипта. Починал во 2003 година во Скопје.[1]
Поврзано уреди
Наводи уреди
- ↑ Маркоски, Благоја (2019). Македонската географска мисла по повод 70 години Македонско географско друштво. Скопје: Македонско географско друштво. стр. 39. ISBN 978-608-65155-5-3. line feed character во
|title=во положба 60 (help);|access-date=бара|url=(help)