Улица

Улица — јавна површина, најчесто поплочена, со придружна изградена околина. Таа претставува јавна земјишна парцела во урбаните области која ги поврзува зградите и каде луѓето можат слободно да се движат, да се собираат и да комуницираат. Улицата може да биде обичан земјена патека, но најчесто е поплочена со тврда подлога, како: бетон, асфалт или плочки. Таа е оспособена за движење на пешаците и на сообраќајните средства (автомобили, трамваи, автобуси, итн.).

Улицата „Минхнер“ во Франкфурт, Германија.

Поим

Улицата Еби Роуд во Лондон.

Првобитно, зборот „улица“ означувал поплочен пат (латински: via strata), но и ден-денес, во колоквијалната употреба претставува синоним за „пат“. Сепак, жителите на градовите и урбаните планери прават разлика меѓу овие два поима: главната функција на патот е транспортот, додека улицата ја олеснува јавната интеракција. Навистина, градските улици служат и за транспорт, но патиштата, како што се магистралните патишта и автопатиштата, вообичаено не служат за движење на пешаците и за интеракција меѓу луѓето.

Улицата како тема во уметноста и во популарната култура

Улицата како тема во книжевноста

• „Да јас не сум по 'вој сокак поминал“ - македонска народна песна.
• „Од улица во улица“ (Из улицы в улицу) - песна на рускиот поет Владимир Мајаковски од 1913 година.
• „На улица“ (Уличное) - песна на рускиот поет Владимир Мајаковски од 1913 година.
• „Улица“ - (новела) на македонскиот писател Славко Јаневски од 1950 година.
• „Мисли што ме обземаат на прометните улици“ - песна на полската поетеса Вислава Шимборска.
• „Крокодилска улица“ - расказ на полскиот писател Бруно Шулц.

Улицата како тема во филмот

• „Улица“ (германски: Die Straße) - германски филм од 1923 година, во режија на Карл Груне.
• „Шетајќи по улиците на Москва“ (руски: Я шагаю по Москве) - советски филм од 1964 година, во режија на Георги Данелија.
• „Булевар на самракот“ (англиски: Sunset Boulevard) - американски филм од 1950 година, во режија на Били Вајлдер.
• „Шекспирова 9/1“ - краток филм на режисерот Владимир Митревски.

Улицата како тема во музиката

• „Сочевата страна на улицата“ (Sunčana strana ulice) - песна од истоимениот албум на хрватската рок-група „Азра“.
• „Пени лејн“ (Penny Lane) - песна на британската рок-група „Битлси“ (The Beatles) од 1967 година.
• „Аби Роуд“ (Abbey Road) - музички албум на британската поп-рок група „Битлси“ од 1969 година.
• „Улица на јагодите“ (Strawberry Street) - песна на американскиот рок-музичар Џеф Бакли.
• „Авенија на чемпресите“ (Cypress Avenue) - песна на северноирскиот поп-рок музичар Ван Морисон од 1968 година.
• „Улиците на Арклоу“ (Streets of Arklow) - песна на северноирскиот музичар Ван Морисон (Van Morrison) од 1973 година.
• „Темни улици“ – песна на македонскиот рапер Да Џака Накот од 2012 година.
• „Скандал во улицата Јазу“ (Yazoo Street Scandal) - песна на Боб Дилан и „Бенд“ (The Band) од 1975 година.
• „Улица на љубовта“ (Love Street) - песна на американската рок-група „Дорс“ (The Doors) од 1968 година.
• „Биди сам на улицата“ (Буди сам на улици) - песна на српската рок-група „ЕКВ“ (ЕКВ) од 1986 година.
• „Кадешто улиците немаат име“ (Where the Streets Have No Name) - песна на ирската рок-група „У2“ (U2) од 1987 година.
• „Приказни од улицата“ (Stories Of The Streets) - песна на канадскиот музичар Леонард Коен.
• „Уличен живот“ (Street Life) - песна од истоимениот албум на американската група „Крусејдерс“ (Crusaders) од 1979 година.
• „Сребрени улици“ - песна на македонската поп-пејачка Маја Оџаклиевска.
• „Уличен живот“ (Street Life) - песна на британската рок-група „Рокси Мјузик“ (Roxy Music) од 1973 година.
• „Булевар на детонациите“ (Detonation Boulevard) - песна на британската рок-група „Систерс оф мерси“ (The Sisters Of Mercy) од 1990 година.
• „На улицата“ (Down On The Street) - песна на американската рок-група „Стуџис“ (The Stooges) од 1970 година.
• „Темната страна на улицата“ (Dark End Of The Street) - песна на американската кантри-група The Flying Burrito Bros од 1969 година.