Автобус

Автобус — моторно возило за превоз на седум или повеќе патници. Автобусите со помалку од 5,5 метри се нарекуваат минибус.

Автобус од марката „Yutong“, посебно изработен за Скопје

Benz-Omnibus, 1896

Историја

Градски автобус, Марбург, Германија

Првиот автобус во светот бил произведен во 1801 година, од страна на Ричард Тревитик, а неговата демонстрација се одржала на 24 декември истата година во Кемброн, Англија. Тоа бил автобус со парна машина, а можел да носи осум патници. Првиот автобус со мотор со внатрешно согорување работел на бензин, а бил изработен во Германија во периодот 1894-1895 од страна на „Бенц“. Тој располагал со 8 седишта. Првиот градски автобус со мотор со внатрешно согорување се појавил на 12 април 1903 година, во Лондон. Тој бил дизајниран за 25 патници, тежел 6 тони, а силата на моторот изнесувала 26 КС.

Автобусот како тема во уметноста и во популарната култура

Автобус Исузу Визигоу

• „Автобус“ — расказ на македонскиот писател Милко Бојковски.
• „Желба голема како автобус и црвена како автобус“ — расказ за деца на македонскиот писател Генади Болиновски.
• „Red bus blues“ — кус расказ на македонскиот писател Ѓоко Здравески од 2019 година.
• „Зошто запреле автобусите“ — расказ за деца на македонскиот писател Неџати Зекерија.
• „Автобус“ — кус расказ на македонскиот писател Сотир Ристо.
• „Автобус“ (англиски: The Bus) — песна на американската рок-група Бафало Том (Buffalo Tom) од 1989 година.
• „Волшебен автобус“ (англиски: Magic Bus) — песна на англиската рок-група Ху (The Who) од 1968 година.