Тодор Гечевски

Македонски кошаркар

Тодор Гечевски (роден на 28 август 1977 во Кавадарци) — поранешен македонски кошаркар и член на Македонската кошаркарска репрезентација и актуелен директор на Кошаркарската Федерација на Македонија. Тој бил прогласен за најдобар македонски интернационалец од 2005 до 2009 година, како и најдобар домашен играч за 2012 година. Гечевски играл на позицијата центар.

Тодор Гечевски
Гечевски со МЗТ во 2013 година
Гечевски со МЗТ во 2013 година
Прекар(и)Тоше
ПозицијаЦентар
Висина2,09 м
Тежина110 кг
Број11
Роден28 август 1977 (1977-08-28) (43 г.)
КавадарциСР МакедонијаСФРЈ
НационалностМакедонец
Проф. кариера1993–2015
Клубови
1993-1999Тиквеш
1999-2000Никол Ферт
2001МЗТ Аеродром
2001-2002Никол Ферт
2002-2003БББ Хаген
2003Аир Авелино
2003-2004Работнички
2004-2009Задар
2009-2011ПАОК
2011-2014МЗТ Аеродром
2014-2015Работнички
Репрезентација
Инфо од: 26 февруари 2018.

Професионална кариераУреди

Клубска кариераУреди

Тодор Гечевски бил откриен од страна на Димитар Пецов, популарниот „професор“ од Кавадарци од чија „работилница“ излегоа и Врбица Стефанов, Ристе Стефанов и Горан Самарџиев. Во Гечевски тој виде кошаркарски „бисер“ и реши да му даде шанса да дебитира во првиот тим на КК Тиквеш на само 16 години.[1] Центарот во редовите на Тиквеш настапувал четири години и се изгради како кошаркар.[2]

Гечевски потоа заминал во Никол ферт каде за првпат станал првак во македонското првенство 1999/00.[2] Заедно со Никол Ферт, Гечевски го освоил и Суперкупот на Македонија 2000. Но таму не ја завршил сезоната 2000/01, бидејќи на полусезоната се преселил во МЗТ,[3] станувајќи вицепрвак во Првенството. За сезоната 2001/02, Гечевски се вратил Никол Ферт при што го освоил Купот на Македонија. За сезоната 2002/03, тој настапувал во италијански Аир Авелино. За следната сезона, Гечевски првата полусезона ја поминал во германски Хаген, кога потоа преминал во Фершпед Работнички и ја освоил двојната круна.[2]

Најголемиот успех на клупски план Тоше го изградил во хрватски Задар, каде настапувал од 2004 до 2009 година и освоил вкупно пет трофеи. Воедно, поради добрите игри во хрватскиот тим Гечевски се нашол и во идеалниот тим на Еврокупот во сезоната 2008/09. Благодарение на добрите игри на Гечевски, Задар дошол до прва титула по 19 годишна пауза. По Хрватска, за центарот следел двосезонски настап за грчки ПАОК.[2]

Потоа Гечевски се вратил во Македонија, поточно во редовите на МЗТ Аеродром, во чиј дрес настапувал кога клубот ја испиша својата најголема историја. Како „штрк“ Гечевски трипати ја освоил двојната круна во македонското првенство и воедно со првите сезони на тимот во АБА-лигата дојде до историја во регионалното натпреварување - најдобар скокач на сите времиња (1.314 скока), како и играч со најмногу индекс-поени во АБА (3.212).[2] Последната играчка сезона во кариерата Гечевски ја мина во најтрофејниот македонски клуб, екипата на Работнички, притоа повторно освојувајќи го Купот на Македонија 2015.[2] Во февруари 2015 година, Македонската Кошаркарска Федерација објавила дека Гечевски е еден од четворицата номинирани кандидати за наградата за најдобар кошаркар на Македонија за 2014 година.[4] На крајот на јануари 2016 година било најавено дека Тодор Гечевски повторно ќе се активира како кошаркар и да се врати во екипата на Работнички,[5][6][7] но тоа не се остварило.[2]

По завршувањето на сезоната 2014/15, Тодор Гечевски се пензионирал како кошаркар и станал координатор на младинските школи во Работнички.[8][9][10]

На 30 септември 2016 година, на натпреварот Работнички - Фенербахче, кој бил по повод 70 години постоење на КК Работнички, Гечевски официјално се пензионирал како кошаркар.[11][12][13] Тој влегол во деветтата минута, одиграл 21 секунда, дал кош и ја завршил својата играчка кариера.[14][15][16][17]

Репрезентативна кариераУреди

Русокосиот центар во репрезентацијата бил од 1996 година до 2013 година и настапи на сите големи натпреварувања. Популарниот Тоше бил еден од водачите на репрезентацијата во блесокот на Евробаскетот 2011 во Литванија и освојувањето на историското четврто место, а најмногу се истакна во победите над фаворизираната Хрватска (78-76) и „лутиот ривал“ Грција (72-58). На мечот од втората групна фаза против Грузија, кавадарчанецот заработил скршеница на левата рака и му било соопштено дека за него е завршен Евробаскетот, но сепак, тој молел за да игра и бил решен да биде дел од составот, што била голема мотивација за македонските кошаркари да го покажат своето вистинско лице на паркетот и да „изгинат“ за стариот лисец Тоше кој бил приморан да ги пропушти најважните средби за нашиот национален состав.[2]

Гечевски по извесен период заздравел и се врати меѓу „жолто-црвените“, но не успеал на нашата селекција да и помогне да обезбеди историски пласман на Олимписките игри кои во 2012 се одржаа во Лондон. По фијаското против Доминиканска Република следело откажување од националниот тим на неколку искусни кошаркари, меѓу кои бил и Тоше.[2]

Желбата да игра во дресот на нашата држава Гечевски уште еднаш ја покажал во 2013 година кога по барање на македонската нација, но и неговите колеги Мекејлеб, Илиевски и Антиќ, кој лично инсистирал за негово враќање во репрезентацијата преку СМС-порака, ја „одложил“ репрезентативната пензија и настапи на Евробаскетот 2013 во Словенија. Настапот на нашите кошаркари во „Подмежкала“ не бил сјаен - од пет меча во групната фаза загубивме четири, поради што го освоивме 21. место од вкупно 24 репрезентации. Но и покрај тоа, потегот на Гечевски бил голем, затоа што тој не само што покажал дека е голем професионалец, туку станал вистински пример на останатите генерации како треба да се сака својата држава.[2]

Гечевски според статистиката е кошаркар кој зад своето име има најмногу настапи во жолто-црвениот дрес – вкупно 89 меча. Исто така, Гечевски е и сопственик на „Медал за заслуги за Македонија“, врачен лично од претседателот на државата Ѓорѓе Иванов.[2]

Останата кариераУреди

Во април 2019 година, Перо Антиќ станал кандидат за претседател на Македонската Кошаркарска Федерација, а Гечевски станал негов соработник.[18] Откако Антиќ бил избран за Претседател на Кошаркарската Федерација на Македонија, Гечевски бил поставен за директор на КФМ.[19]

УспесиУреди

ТитулиУреди

  ГостиварУреди

  РаботничкиУреди

  ЗадарУреди

  • A-1 Лига (2) : 2004/05, 2007/08
  • Крешимир Косиќ Куп (3) : 2005, 2006, 2007

  МЗТ АеродромУреди

ПризнанијаУреди

  • Најмногу скокови во Јадранската лига на сите времиња (1314)
  • Најмногу индекс поени во Јадранската лига на сите времиња (3212)
  • Најкорисен играч на финалето во Купот на Македонија - издание 2002[20]
  • Најкорисен играч на финалето во Купот на Македонија - издание 2004
  • Најдобар кошаркар во странство за 2005 година[21][22][23]
  • Најдобар кошаркар во странство за 2006 година[2][24][25]
  • Најдобар кошаркар во странство за 2007 година[2][26]
  • Најдобар кошаркар во странство за 2008 година[27][28]
  • Прва најдобра петорка на сезоната во ЕвроКупот 2008/09
  • Најдобар кошаркар во странство за 2009 година[29]
  • Најкорисен играч на сезоната 2011/12[30]
  • Центар на сезоната 2011/12[30]
  • Прва најдобра петорка на сезоната 2011/12[30]
  • Најкорисен играч на финалето во Купот на Македонија - издание 2012
  • Најдобар домашен кошаркар за 2012 година[31][32][33]
  • Eurobasket.com - Најкорисен играч на финалето во лигата 2012/13
  • Eurobasket.com - Втора најдобра петорка на сезоната 2012/13
  • Eurobasket.com - Најдобра домашна петорка на сезоната 2012/13
  • Најкорисен играч на финалето во Купот на Македонија - издание 2014
  • Eurobasket.com - Трета најдобра петорка на сезоната 2013/14
  • Eurobasket.com - Најдобра домашна петорка на сезоната 2013/14
  • Eurobasket.com - Центар на сезоната 2014/15
  • Eurobasket.com - Прва најдобра петорка на сезоната 2014/15
  • Eurobasket.com - Најдобра домашна петорка на сезоната 2014/15

НаводиУреди

  1. „Проф. Пецов – синоним за пронаоѓање таленти“. gol.mk. 19 април 2013. Посетено на 2 октомври 2016.
  2. 2,00 2,01 2,02 2,03 2,04 2,05 2,06 2,07 2,08 2,09 2,10 2,11 2,12 „Русокосиот кавадарчанец заминува меѓу легендите: Тоше, фала ти за сè!“. gol.mk. 30 септември 2016. Посетено на 2 октомври 2016.
  3. МТВ 2 (30 март 2020). „NIKOLFERT - MZT (19 април 2001)“. канал Stari Natprevari на Youtube. Посетено на 4 април 2020.
  4. „Гечевски и Дамјан Стојановски главни во трка за најдобар кошаркар во 2014“, Дневник, година XIX, број 5685, петок, 6 февруари 2015, стр. 23.
  5. Гечевски повторно ќе игра за Работнички maksport.ml 29 јануари 2016
  6. Пак се спојуваат „Кулите близначки“: Гечевски се враќа во тимот на Работнички! sportmedia.mk 29 јануари 2016
  7. Гечевски се врати во редовите на Работнички! sport365.mk 29 јануари 2016
  8. Легендата во нова улога: Гечевски ќе го враќа стариот сјај на младинската школа на Работнички sportmedia.mk 17 август 2015
  9. Гечевски: Сакаме Работнички пак да биде доминантен со играчи од сопствената школа! sportmedia.mk 17 август 2015
  10. Гечевски ќе им помага на младите, а можеби и пак ќе заигра за Работнички centarnews.net 17 август 2015
  11. „Антиќ го испраќа Гечевски во пензија“. sportmedia.mk. 27 септември 2016. Посетено на 29 септември 2016.
  12. „Гечевски ќе се збогува со кошарката на ревијалниот натпревар против Фенербахче“. ekipa.mk. 27 септември 2016. Посетено на 29 септември 2016.
  13. „Гечевски ќе го одигра последниот кошаркарски „танц" против Фенербахче“. gol.mk. 27 септември 2016. Посетено на 29 септември 2016.
  14. „Овации за Гечевски: Влезе, даде кош и се прости од кошарката“. ekipa.mk. 30 септември 2016. Посетено на 2 октомври 2016.
  15. „Гечевски испратен со овации“. sportmedia.mk. 30 септември 2016. Посетено на 2 октомври 2016.
  16. „Гечевски: Ова е идеален крај, голема благодарност до сите…“. ekipa.mk. 30 септември 2016. Посетено на 2 октомври 2016.
  17. „Гечевски се „одјави" како што најдобро знае – со дефанзивен скок и два поени!“. gol.mk. 30 септември 2016. Посетено на 2 октомври 2016.
  18. „Перо Антиќ ги „отвори" картите: Кошарката пак да ни биде спорт „број еден"!“. gol.mk. 24 април 2019. Посетено на 25 април 2019.
  19. „Антиќ го потврди тимот: Гечевски нов директор, Георгиевски ќе биде генсек“. gol.mk. 29 мај април 2019. Посетено на 30 мај 2019. Проверете ги датумските вредности во: |date= (help)
  20. Николферт го освои својот втор трофеј dnevnik.mk 7 мај 2002
  21. „Тасовски кошаркар на годината“. time.mk. 29 декември 2005. Посетено на 26 февруари 2018.
  22. „Диме Тасовски и Тодор Гечевски - кошаркари во годината“. star.dnevnik.com.mk. 31 декември 2005.
  23. „Тасовски - играч на годината“. vesnik.com. 29 декември 2005. Посетено на 24 декември 2018.
  24. „„Новинарите" подобри од репрезентацијата“. sportskoradio903.com.mk. 25 декември 2006. Посетено на 26 февруари 2018.
  25. „Новинарите ја преслушаа репрезентацијата“. vecer.mk. 25 декември 2006. Посетено на 26 февруари 2018.
  26. „Гоцевски и Колариќ играчи на годината“. vecer.mk. 23 декември 2007. Посетено на 26 февруари 2018.
  27. „Војдан Стојановски - најдобар кошаркар“. vecer.mk. 22 јануари 2009. Посетено на 26 февруари 2018.
  28. „Војдан Стојановски е број еден“. idividi.com.mk. 23 јануари 2009. Посетено на 26 февруари 2018.
  29. „Тони Симиќ е кошаркар на годината“. vest.com.mk преку archive.li. 9 февруари 2010. Посетено на 26 февруари 2018.
  30. 30,0 30,1 30,2 „Eurobasket.com All-Macedonian League Awards 2011-12“. eurobasket.com. Посетено на 15 ноември 2017.
  31. „Година во знакот на Антиќ, Гечевски, Тодоров…“. ekipa.mk. 19 декември 2012. Посетено на 6 јули 2017.
  32. „КФМ ги објави најдобрите“. ohridnews.com. 19 декември 2012. Посетено на 6 јули 2017.
  33. „Гечевски најдобар македонски кошаркар“. vecer.mk. 20 декември 2012. Посетено на 6 јули 2017.

Надворешни врскиУреди