КК Еуро Никел 2005
Кошаркарскиот клуб Еуро Никел 2005 - македонски кошаркарски клуб, со седиште во Кавадарци. Клубот бил трикратен првак во Првата македонска кошаркарска лига и двократен првак во Купот на Македонија. Своите натпревари, клубот ги игра во спортската сала „Јасмин“ во Кавадарци.
| КК Еуро Никел 2005 | |||
|---|---|---|---|
| Лига | Прва лига мажи | ||
| Основан | 11 јануари 1970 | ||
| Сала | Јасмин | ||
| Капацитет | 1,800 | ||
| Место | Кавадарци | ||
| Бои на клубот | портокалова, бела и црна | ||
| Претседател | Дарко Цеков | ||
| Тренер | Горан Самарџиев | ||
| Сопственик | Еуро Никел Индустри | ||
| Позиција 2018/19 | 7ми | ||
| Прваци | 3 Прва кошаркарска лига 2 Куп на Македонија 1 БИБЛ | ||
| Дресови | |||
| |||
Во својата историја, овој клуб дал многу значајни имиња кои ја афирмирале кошаркарката, градот Кавадарци и Република Македонија. Меѓу нив, најпознати се: Врбица Стефанов, Тодор Гечевски, Ристе Стефанов и Горан Самарџиев.
Историја
уредиСоздавање
уредиВо 1969 година, по иницијатива на И. Каровски, Б. Ивановски, Д. Галапчев, Ж. Клинчаров, Т. Ридов, М. Ацев, Б. Камчев и Р. Прескакулев се формирал кошаркарскиот клуб Тиквеш, кој и официјално постои од 11 јануари 1970. Прв тренер на КК Тиквеш бил професорот Живко Клинчаров, а подоцна како предводници на клубот работеле и Р. Анѓушев, Д. Пецов, Т. Клинчаров, П. Камчевски, О. Тотов и други. Во својот прв официјален настап, Тиквеш го декласирал тимот на "23 Октомври" од Кочани со резултат 102-64. На тој натпревар настапувале: А. Књазев, С. Кировски, М. Спанџов, Б. Петреназов, М. Ацев, К. Спанџов, О. Тотов, Б. Гечевски, П. Камчевски, З. Мукаетов и А. Галапчев. Најголемиот успех, кошаркарите на Тиквеш го постигнале во сезоната 1984/1985, кога го освоиле првото место во Првата македонска републичка лига.[1]
Настапи во Првата македонска лига
уредиВо првата сезона на Првата македонска кошаркарска лига, во сезоната 1992/93, КК Тиквеш обезбедил пласман. Клубот си го сменил името и од 1995 до 1997 настапувал како КК Алумни Деком Тиквеш, а потоа во КК Орка Спорт (од 1997 до 1999 година) и повторно во КК Тиквеш (од 1999 до 2002 година).[2]
Во 2005 година, како главен спонзор на клубот влегла компанијата „Фени Индустри“ и поради тоа, клубот го променил името во КК Фени Индустри. Во сезоната 2005/2006, клубот настапувал во Втората лига, каде го освоил второто место и така обезбедил пласман во Првата лига. Во следната сезона 2006/2007, го освоил шестото место во Првата лига, а веќе во сезоната 2007/2008 била освоена двојната круна - шампион на Македонија и освојувач на Купот.[3] Во сезоната 2008/2009, Фени Индустри загубил во финалето против Фершпед Работнички во првенството, додека во купот стигнал до полуфиналето. Сезоната 2009/2010, исто така, била успешна за клубот, кој повторно ја освоил двојната круна. Во сезоната 2010/2011, Фени Индустри ја освоил третата титула во Првата лига, додека во Купот стигнал до полуфиналето. Во сезоната 2011/2012, престанала доминацијата на кавадаречкиот клуб, кој стигнал до финалето во Првата лига и во Купот, каде на двапати загубил од МЗТ Аеродром. Во сезоната 2012/2013, Фени Индустри стигнал до полуфиналето во Лигата и во Купот. Сезоната 2013/2014 била најлоша сезона во поновата историја на клубот, Фени не успеал да обезбеди пласман во Суперлигата со што играл опстанок односно Плејаут, а во Купот стигнале до четвртфинале. Во Првенството 2014/2015, Фени Индустри бил елиминиран во полуфиналето од МЗТ Аеродром.[4]
-
Логото на клубот од 2005-2019
На 8 јули 2019 година, Фени Индустри го сменил своето име во Еуро Никел 2005.[5] Причина за смена на името било промена на сопствеништвото на главниот сопственик и спонзор на клубот - Топилницата Фени Индустри која била откупена и преименета во Еуро Никел Индустри во март истата година.[6]
Успеси
уредиКК Еуро Никел 2005 има забележано неколку успеси, меѓу кои:
- Прва македонска кошаркарска лига (3): 2007/08, 2009/10, 2010/11
- Куп на Македонија (2): 2008, 2010,
- БИБЛ (1): 2010/11.
Еуроникел 2005 има учествувани и во неколку европски купови, како што е Купот Корач.
Состав 2023/2024
уредиИзвор: Кошаркарска федерација на Македонија Архивирано на 29 октомври 2020 г. eurobasket.com
| Играчи |
|---|
| Никола Караколев |
| Марјан Младеновиќ |
| Дарко Соколов |
| Христијан Тодороски |
| Тодор Златев |
| Стеван Глигоријевиќ |
| Андреј Чадамов |
| Никола Бојчев |
| Оливер Двојаковски |
| Христијан Несторовски |
| Џексон Рајан Дубински |
| Маск Томас Смит Меквен |
| Гералд Блекшир |
| Милош Вранеш |
Поврзано
уредиНаводи
уреди- ↑ Одбележување 46 години од формирањето на првиот кошаркарски клуб во Кавадарци[мртва врска] a1on.mk 11 јануари 2016
- ↑ На денешен ден, во 1970 година, во Кавадарци е формиран kavadar4e.com 11 јануари 2014
- ↑ „ФЕНИ ИНДУСТРИ НОВ КОШАРКАРСКИ ШАМПИОН“. utrinski.mk. 8 јуни 2008. Архивирано од изворникот на 2016-03-04. Посетено на 2015-02-07.
- ↑ Шампионот МЗТ преку Кавадарци до ново финале Архивирано на 25 мај 2015 г. ekipa.mk 24 мај 2015
- ↑ „РТК - Фени Индустри“. РТК на Facebook преку web.archive.org. 8 јули 2019. Посетено на 1 септември 2019.
- ↑ „„Фени" сега е Еуроникел индустри, и има недостиг од стручен кадар“. telma.com.mk преку web.archive.org. 6 март 2019. Посетено на 1 септември 2019.
Надворешни врски
уреди- Профил на клубот под името Еуро Никел 2005 на eurobasket.com
- Профил на клубот под името Фени Индустри на eurobasket.com Архивирано на 26 јуни 2012 г.
Оваа статија поврзана со македонската кошарка е никулец. Можете да помогнете со тоа што ќе ја проширите.