СОУ „Јосип Броз-Тито“ - Битола
Гимназијата „Јосип Броз-Тито” во Битола — една од најстарите образовни институции од современ трип на просторите на Македонија, со големо реноме и почит. Таа е првата гимназија во ослободена Македонија во која на 6 февруари 1945 година почнува да се изведува настава на македонски јазик. Секоја година во училиштето настава посетуваат околу 800 ученици.
|
Гимназија „Јосип Броз-Тито“ | |
| |
| Место | |
| Општина: | Битола |
| Место: | Битола |
| Адреса: | Булевар 1 мај бр.51 |
| Основни информации | |
| Основано: | 1892 |
| Директор: | Лидија Споа |
| Настава на: | македонски |
| Контактни информации | |
| Портал | soujbt-bitola.edu.mk/ |
Основање и развој
уредиПочетокот на нејзиното постоење се врзува со периодот на Османлиското Царство, на крајот од XIX век. Зградата во која денес работи ова средно училиште е изградена во 1882 и била приватна куќа на Сали-паша, богат земјопоседник. Тој во 1892 за 600 златни турски лири ја продал куќата на општината, а таа ја претворила во полна гимназија, во која наставата се изведувала на турски јазик. Во неа учеле исклучиво машки деца, и тоа од побогатите турски семејства во градот. За потребите на гимназијата биле носени професори од Солун.
Балканските војни донеле промена на власта во Битола, а со тоа и во битолската гимназија. По заземањето на градот од страна на српската војска, во ноември 1912 година, српските власти ова училиште целосно го промениле и наставата започнала да се одвива на српски јазик. Со мали паузи во периодот на најжестоките борби во Првата светска војна, оваа гимназија продолжила да работи како српска сѐ до 1941 година, односно до почетокот на Втората светска војна. Значењето на ова училиште е уште поголемо, поради тоа што меѓу двете војни во Македонија имало само две средни училишта, во Скопје и Битола, поради политиката на денационализација што српската власт ја спроведувала на овие простори.
По поразот на Југославија и окупацијата на Македонија, новата бугарска власт гимназијата ја претвора во полна гимназија, во која се предава на бугарски јазик. Најголем дел од професорите кои предавале во гимназијата биле донесени од Бугарија.
Битолската гимназија има особено место во историјата на македонскиот народ и поради тоа што таа е првото средно училиште во кое започнала настава на македонски јазик. Тоа се случило на 6 февруари 1945, во период кога сѐ уште траеле борбите во Втората светска војна.
Претходното име на гимназијата било „Гоце Делчев”, но во 1952 година со одлука на Наставничкиот совет името е променето во „Јосип Броз Тито”, а тоа име го носи денес.
Школување
уредиПроектни активности
уреди- Мир, заштита и толеранција
- Урбана култура
- Проектни активности од областа на музиката
- Ликовно-творечки проектни активности
- Литературни клубови и драмски секции (драма, новинарство, литературно творење и критика, дебатен клуб)
- Спортски активности
- Култура за здраво живеење
- Проектни активности од областа на природните науки (географија, физика, хемија, биологија, математика, програмски јазици)
- Претприемништво и бизнис
- Граѓанско образование
Изборни предмети за II година
уредиИзборни предмети за III година
уредиПриродно-математичко подрачје - Комбинација А
уредиПриродно-математичко подрачје - Комбинација Б
уредиЈазично-уметничко подрачје - Комбинација А
уреди- Трет странски јазик (француски, германски, англиски)
- Класични јазици (латински, старогрчки)
- Педагогија
- Психологија
- Компаративна книжевност
Јазично-уметничко подрачје - Комбинација Б
уредиОпштествено-хуманистичко подрачје - Комбинација А
уредиОпштествено-хуманистичко подрачје - Комбинација Б
уредиУчество на натпревари
уредиОсвоени награди
уреди- Наградата „4 Ноември“ во 1975 година
- Наградата „Климент Охридски“ во 1976 година
- Како највисоко општествено признание за особено значајни остварувања во воспитно – образовната дејност од посебно значење за СР Македонија и е доделена диплома на 24 јуни 1976 година.
- Награда „Орден заслуга за народ со златна ѕвезда“ од претседателот на СФРЈ, Јосип Броз Тито во 1976 година.
Познати личности кои учеле во ова училиште
уредиЧленови на МАНУ
уредиВо СОУ Гимназија Јосип Броз-Тито со средно образование се здобиле 18 членови на Македонска академија на науките и уметностите од кои четворица биле и основоположници:
- Михаил Петрушевски - редовен член од 1967, еден од 14-те основоположници[2]
- Кирил Миљовски - редовен член од 1967, еден од 14-те основоположници[3]
- Петар Серафимов - редовен член од 1967, еден од 14-те основоположници[4]
- Ѓорѓи Филиповски - редовен член од 1967, еден од 14-те основоположници[5]
- Димче Коцо - дописен член од 1969, а редовен од 1974 година[6]
- Љубен Лапе - дописен член од 1972, а редовен од 1976 година[7]
- Александар Христов - дописен член од 1979, а редовен од 1986 година[8]
- Ѓорѓи Чупона - дописен член од 1979, а редовен од 1983 година[9]
- Томе Бошевски - дописен член од 1988, а редовен од 1994 година[10]
- Ристо Лозановски - дописен член од 1988, а редовен од 1996 година[11]
- Анте Поповски - редовен член од 2000 година[12]
- Петре М. Андреевски - редовен член од 2000 година[13]
- Владо Камбовски - редовен член од 2006 година[14]
- Живко Попов - редовен член од 2009 година[15]
- Фанула Папазоглу - член надвор од работниот состав 1994 година[16]
- Коле Чашуле - почесен член од 2003 година[17]
- Георги Константиновски - почесен член од 2015 година[18]
- Владимир Костов - почесен член од 2015 година[19]
Познати личности кои предавале во ова училиште
уреди- Владимир Точковски (1925-1994) - географ, професор и директор на СОУ „Јосип Броз-Тито“, учебникар[20]
Наводи
уреди- ↑ 1,0 1,1 1,2 1,3 1,4 1,5 1,6 1,7 „Гимназија – Јосип Броз-Тито – една од најстарите образовни институции во Република Македонија“. Посетено на 2019-04-29.
- ↑ „Михаил Петрушевски (1912-1983)“. МАНУ. Архивирано од изворникот на 2023-05-27. Посетено на 28 ноември 2023.
- ↑ „Кирил Миљовски (1911-1990)“. МАНУ. Архивирано од изворникот на 2023-03-30. Посетено на 28 ноември 2023.
- ↑ „Петар Серафимов (1912-1983)“. МАНУ. Архивирано од изворникот на 2023-03-27. Посетено на 28 ноември 2023.
- ↑ „Ѓорѓи Филиповски (1919-2019)“. МАНУ. Посетено на 28 ноември 2023.[мртва врска]
- ↑ „Димче Коцо (1910-1993)“. МАНУ. Архивирано од изворникот на 2023-03-27. Посетено на 28 ноември 2023.
- ↑ „Љубен Лапе (1910-1985)“. МАНУ. Архивирано од изворникот на 2023-03-30. Посетено на 28 ноември 2023.
- ↑ „Александар Христов (1914-2000)“. МАНУ. Архивирано од изворникот на 2023-04-14. Посетено на 28 ноември 2023.
- ↑ „Ѓорѓи Чупона (1930-2009)“. МАНУ. Архивирано од изворникот на 2023-12-01. Посетено на 28 ноември 2023.
- ↑ „Томе Бошевски (1937-2015)“. МАНУ. Архивирано од изворникот на 2023-04-13. Посетено на 28 ноември 2023.
- ↑ „Ристо Лозановски (1925-2011)“. МАНУ. Архивирано од изворникот на 2023-03-27. Посетено на 28 ноември 2023.
- ↑ „Анте Поповски (1931-2003)“. МАНУ. Архивирано од изворникот на 2023-10-30. Посетено на 28 ноември 2023.
- ↑ „Петре М. Андреевски (1934-2006)“. МАНУ. Архивирано од изворникот на 2023-04-20. Посетено на 28 ноември 2023.
- ↑ „Владо Камбовски (1948-)“. МАНУ. Посетено на 28 ноември 2023.[мртва врска]
- ↑ „Живко Попов (1950-)“. МАНУ. Посетено на 28 ноември 2023.[мртва врска]
- ↑ „Фанула Папазоглу (1917-2001)“. МАНУ. Посетено на 28 ноември 2023.[мртва врска]
- ↑ „Коле Чашуле (1921-2009)“. МАНУ. Архивирано од изворникот на 2023-03-27. Посетено на 28 ноември 2023.
- ↑ „Георги Константиновски (1912-2020)“. МАНУ. Посетено на 28 ноември 2023.[мртва врска]
- ↑ „Владимир Костов (1932-2023)“. МАНУ. Архивирано од изворникот на 2023-04-08. Посетено на 28 ноември 2023.
- ↑ Маркоски, Благоја (2019). Македонска географска мисла - 70 години македонско географско друштво. Скопје: Македонско географско друштво. стр. 65. ISBN 978-608-65155-5-3.
|access-date=бара|url=(help)
Надворешни врски
уреди- Мрежно место на училиштето Архивирано на 9 ноември 2012 г.
- Портал за основните и средните училишта во Македонија Архивирано на 16 октомври 2011 г.
- Официјално мрежно место на Министерството за образование и наука