Ристо Пенов

Политичар од Македонија

Ристо Пенов (роден на 28 септември 1957 година во Велес) — македонски стопанственик, политичар и општественик.[1]

Ристо Пенов
Градоначалник на Град Скопје
На должноста
1996 – 2005
Претходник Јове Кекеновски
Наследник Трифун Костовски
Пратеник во македонското Собрание
На должноста
2006 – 2011
Лични податоци
Роден(а) 28 септември 1957
Велес, СФРЈ
Националност Македонец
Партија ЛДП
Сопружник Нада
Деца 2
Установа „Св. Кирил и Методиј“
Професија економист
Вероисповед православен христијанин

ЖивотописУреди

ОбразованиеУреди

Ристо Пенов е роден на 28 септември 1957 година во Велес. Средно образование завршил во Гимназијата „Раде Јовчевски-Корчагин“ во 1975 година, дипломирал на Економскиот факултет во Скопје во 1979 година и магистрирал на тема „Кадровскиот потенцијал на Македонија – човечките ресурси како производен фактор“ на Правниот факултет во Скопје во 1990 година.

Работен векУреди

Ристо Пенов со својот професионален ангажман започнал во органите на управа на Град Скопје каде што работел на проблемите на економскиот и просторниот развој на градот, и на тоа место се задржал до 1986 година кога станал советник во економскиот тим на Петар Гошев. Бил раководител во претпријатието „Ангрокожа“ (1990-1993).

Во политичкиот ангажман бил секретар на Демократската партија до нејзиното фузионирање со Либералната партија во 1997 година, потпретседател (19 април 1997 – пролетта 1999) и претседател на Либерално-демократската партија (пролетта 1999 – 11 февруари 2007).

Во 1996 година на Локалните избори бил избран за Градоначалник на Град Скопје, а вториот мандат го добил на Локалните избори во 2000 година. По завршувањето на градоначалничката функција, Пенов бил во два мандати пратеник во Собранието на Македонија.

НаводиУреди

  1. Ристовски, Блаже, ed. (2009). "Пенов". Македонска енциклопедија. , книга II (М-Ш). Скопје: МАНУ. стр. стр. 1132.