Петар Гошев

Политичар од Македонија

Петар Гошев (роден на 5 септември 1948 година во Пирава, Валандовско) — македонски политичар и поранешен гувернер на Народната банка на Македонија.

Петар Гошев
Министер за финансии
На должноста
1 ноември 2002 – 7 ноември 2003
Премиер Бранко Црвенковски
Претходник Никола Груевски
Наследник Никола Поповски
Гувернер на НБРМ
На должноста
2004 – 2011
Претходник Љубе Трпески
Наследник Димитар Богов
Лични податоци
Роден(а) 5 септември 1948
Пирава, Валандовско, Југославија
Партија СДСМ (1991-1993)
ДП (1993-1997)
ЛДП (1997-денес)
Установа Економски факултет
Националност Македонец

Животопис уреди

Петар Гошев дипломирал на Економскиот факултет во Скопје во 1971 година, а во 1983 станал магистер по економски науки. Работел како економист во Фабриката за автобуси „11 Октомври“ Скопје. Бил економски советник во Синдикатот на Македонија, а извесен период и шеф на Кабинетот на претседателот на Синдикатот на Македонија.

Од 1984 до 1988 е член на Претседателството на ЦК на Сојузот на комунистите на Македонија. Во 1989 бил избран за претседател на СКМ и на таа функција останал до 1991 година. Бил и шеф на делегацијата на Собранието на СРМ во Собранието на СФРЈ.

На Парламентарните избори во 1990 година, Гошев бил избран за пратеник во Собранието на Република Македонија од редовите на СКМ-ПДП. Поради несогласувања со новото раководство на СДСМ, Гошев во 1993 се отцепил од партијата и ја формирал Демократската партија. При тоа бил избран за нејзин претседател. Од 1997, со обединувањето на Демократската и Либералната партија, станал претседател на Либерално демократската партија. На Парламентарните избори во 1998 година бил повторно избиран за пратеник[1]. Претседател на ЛДП бил до 1999 година, кога поради неуспехот на партијата на Парламентарните избори во 1998 година, поднесол оставка.

По Парламентарните избори во 2002 година, во периодот од 1 ноември 2002 до 7 ноември 2003 година бил Министер за финансии на Република Македонија. На функцијата Гувернер на Народната банка на Македонија бил избран во 2004 година и на таа функција се задржал до 2011 година.[2]

Наводи уреди

  1. Собрание на Република Македонија
  2. „Петар Гошев именуван за гувернер“. Вест. 22 мај 2004. Посетено на 25 јануари 2021.
Претходник
Љубе Трпески
Министер за финансии
1 ноември 2002 - 7 ноември 2003
Наследник
Никола Поповски
Претходник
Никола Груевски
Гувернер на НБРМ
2004 - 2011
Наследник
Димитар Богов