Ораовица — село во Општина Радовиш. Селото е најголемо во општината со 1720 жители[1] и е оддалечено 5 км од центарот на Радовиш.

Ораовица
House of Culture - Oraovica (1)-2.jpg

Дом на културата

Ораовица is located in Македонија
Ораовица
Местоположба на Ораовица во Македонија
Координати 41°37′31″N 22°30′44″E / 41.62528° N; 22.51222° E / 41.62528; 22.51222Координати: 41°37′31″N 22°30′44″E / 41.62528° N; 22.51222° E / 41.62528; 22.51222
Регион Југоисточен
Општина Радовиш
Население 1720 жит.
(поп. 2002)
Пошт. бр. 2420
Повик. бр. 032
Надм. вис. 360 м
Ораовица на општинската карта
Ораовица во Општина Радовиш.svg

Атарот на Ораовица во рамките на општината
Commons-logo.svg Ораовица на Ризницата
Улица во селото
Парк во селото
Спортско игралиште

ИмеУреди

Од народните преданија кои се пренесуваат низ генерациите па до денес, за постанокот на името на селото постојат две легенди, кои во много се разликуваат, но и двете даваат некакви претпоставки за постанокот на селото и за добивање на името Ораовица.

Според првата легенда, се претпоставува дека селото го добило името по месноста „Орли-Камен“ која се наоѓа североисточно од селото на оддалеченост од еден км. Тука постојал голем (висок) камен каде што застанувале и се собирале орлите, така по месноста „Орли-Камен“ го добила името „Орливици“, „Орловица“ и на крајот го добила денешното име Ораовица.

ИсторијаУреди

Денешното село Ораовица, според некој остатоци и сознанија се претоставува дека постоело уште пред доаѓањето на турците на балканот, односно пред XV век. Селото во тоа време било малку населено и тоа со македонско население. Од тој период се сретнуваат фамилиите: Нушови, Петрушови, Најчовци, Цилеви, Алексови и други.

Географиja и местоположбаУреди

Ораовица се наоѓа во подножјето на планините Изведен и Плачковица. Селото зафаќа добра местоположба што придонело селото да постане едно од најголемите села во општина Радовиш. Ораовица граничи со селото Подареш и населбата Раклиш.

Територијата на с. Ораовица го зафаќа југоисточниот дел на општина Радовиш. Селото е сместено по течениото на Ораовичка река ,односно се простира на нејзината лева и десна страна. Според ваквите одлики Ораовица има извонредна географска положба, бидејки е поврзана со асфалтен пат до Радовиш. Така, просторната сместеност и дава многу пошироко географско контактирање и посредно спојување со асфалтен пат со селата: Подареш, Јаргулица, Покрајчево и Злеово, како и преку асфалтниот пат преку Радовиш, со Струмица и Штип и останатите градови во Републиката.

Ораовица се наоѓа на 360 метри надморска височина и е одалечено 5 км од центарот на Радовиш.

По средината на селото тече Ораовичка река, лева притока на Радовишка река. Изворот и се наоѓа во месноста Џумаја на планината Плачковица на надморска височина од 1.380 м. со должина од 18 км. и сливна површина од 51 метри квадратни. Вкупниот пад на реката во наддолжниот профил изнесува 1.602 м. Највисокиот водостој и се јавува на месец Март при топењето на снегот во планината Плачковица и обилните дождови. Додека од месец Јуни до Октомври водостојот перманентно се намалува. Нискиот водостој во овој период се должи на сушното лето, кое се манифесира со намалени врнежи и високи температури.Територијата на Ораовица се одликува со различен геолошки состав и сложеа геолошка структур, со разновидни петрографски и минералошки видови.

Ораовица има доста голем и просторен атар, бидејки се наоѓа во Радовишко-Струмичката котлина која е и најплодна во Источна Македонија. Ораовица е населена од збиен тип, куќите се групирани од кои скоро 90% се нови и градени според урбанистичкиот план. Селото е поделено по маали. Уште од порано постоеле, а и денес постојат следните имињана маалите: Долна маала, Џами маала, Краиште, Дере маало, Спротна маала, Горно маало и други.

СтопанствоУреди

Ораовица не е во добра економска состојба. Во селото постојат многу колонијални продавници, неколку супермаркети, но сепак економската слика на Ораовица не е баш најдобра што придонело поголемиот дел од населението во Ораовица да се занимава со земјоделство и еден мал дел со сточарство. Исто така, во Ораовица опстанува фирма која врши делумна обработка на шумски плодови и лековити билки. Фирмата соработува со многу странски компании, со кој фирмата остварува свој личен профит, во која исто така својата егзистенција ја гледаат многу вработени.

Многу од жителите во Ораовица, особено младите работат во странските земји.

ДемографијаУреди

Според податоците од пописот на населението во 1981 година, во Ораовица живееле 396 домаќинства со 1.666 постојани жители како и 36 на привремена работа во странство. Според тоа,после општинскиот центар радовиш,Ораовица е најголемо населено место во Општината. Додека, според податоците од предходниот попис на населението од 1971 година Ораовица имаше 1.558 жители / податок кој јасно зборува дека бројот на жителите во Ораовица е мошне стабилени постојано расте и успешно се бори против миграцијата село-градкоја,денес во Ораовица постои во мал број. Денес 2012 год Ораовица е село со околу 2.000 жители но за жал е зголемен бројот на на иселеници во Странство

На табелата е прикажан националниот состав на населението низ сите пописни години:[2]

Година Македонци Албанци Турци Роми Власи Срби Бошњаци Ост. Вкупно
1948 1.124
1953 289 980 16 2 1.287
1961 1.251 34 3 6 1.294
1971 1.518 23 1 7 6 1.555
1981 1.635 21 6 2 1.664
1991 1.660 14 7 2 1.683
1994 1.671 12 2 2 1.687
2002 1.701 12 2 3 2 1.720

РодовиУреди

Според истражувањата од 1928 година, родови во селото.

Македонски

  • Доселеници: Постоловци или Коцевци (8 к.), Бајчевци, Костадиновци и Андонови (6 к.), Илевци (2 к.), Коцевци (6 к.) и Китановци (6 к.) сите се доселени, но не знаат од каде; Василевци или Ристовци (2 к.) доселени се на крајот од XIX век од Солунско во Егејска МакедонијаРадовиш; Јовиќевци и Несторовци (2 к.) доселени се набрзо по претходниот род од селото Владимирово кај Берово; Штеријевци (3 к.) доселени се од некое место на Плачковица. Тие се Власи.

Турски

  • Доселеници: Мула Алијовци, Сулимановци и Кадриовци (14 к.), Дели-Јашаревци и Алијовци (8 к.), Меладовци и Абдулиовци (6 к.) и Усеиновци и Османовци (8 к.) најстари доселеници. Велат дека се доселиле уште од освојувањето на Македонија од страна на Османлиското ЦарствоРадовиш; Исмаиловци, Назировци, Сулејмановци, Арифовци, Хусеиновци, Џемаиловци и Елмазовци сите имаат по (4 к.) доселени се од Турција во почетокот на XVI векРадовиш; Јашаровци, Османовци и Тахировци сите по (3 к.). Мустафовци (8 к.), Мемедовци (6 к.), Шерифовци (5 к.), Ибраимовци (7 к.) и Јусуфовци (3 к.) доселени се кога исто така во XVI векРадовиш; Мемедовци (5 к.) и Селимовци (6 к.) доселени од. Првите од селото Худаверли, а вторите од селото Калаузи.[3]

Општествени установиУреди

ЦрквиУреди

Самоуправа и политикаУреди

Селото се наоѓа во рамките на Општина Радовиш, центар на општината е град Радовиш.

Изборно местоУреди

Во селото постојат изборните места бр. 1590 и 1591 според Државната изборна комисија, сместени во основното училиште.[5]

На претседателските избори во 2019 година, на овие изборни места биле запишани вкупно 1.388 гласачи.[6]

Културни и природни знаменитостиУреди

Верски градби
Археолошки наоѓалишта[7]

Редовни настаниУреди

  • 15 мај - Селски празник (слава), кој се празнува во црквата Св. Атанасиј Велики

ЛичностиУреди

КултураУреди

Во комплесот на Манастир „Св. Ѓорѓи“ - Ораовица [2] секоја година за време на Велигденските празници традиционално се одржува Фестивалот „Велигденски средби“ на кој фестивал секоја година учествуваат преку дваесетина фолклорни ансамбли од Македонија, Бугарија, Србија, Босна и Херцеговина, Косово, Хрватска и Турција.

СпортУреди

Во село Ораовица активно работи и функционира Фудбалскиот клуб „ФК Изведен„ кој се натпреварува во „Општинска фудбалска лига - Радовиш„.

ИселеништвоУреди

Многу жители и семејства од с. Ораовица се на привремена работа надвор од Македонија, најчесто во Словенија, Италија, Грција, Германија, Швајцарија и Холандија.

Муслиманите се иселени воглавно во Турција.

НаводиУреди

  1. Службен гласник на општина Радовиш, Број 13/2010, страна 9
  2. Население на Република Македонија според изјаснувањето за етничката припадност, по населени места, според пописите на население 1948, 1953, 1961, 1971, 1981, 1991, 1994 и 2002 година (согласно територијалната организација од 1996 година). База на податоци МАКСтат. Државен завод за статистика.
  3. Русиќ, Бранислав. Радовишка Област. Архивиски фонд на МАНУ к-9,AE 116/II I.
  4. "Ограбени четири цркви и манастир". Утрински Весник. Посетено на 2010-09-17. На |first= му недостасува |last= (help)
  5. "Описи на ИМ". Посетено на 21 декември 2019.
  6. "Претседателски избори 2019". Посетено на 21 декември 2019.
  7. Коцо, Димче (1996). Археолошка карта на Република Македонија. стр. 330, Скопје: МАНУ. ISBN 9789989101069

Надворешни врскиУреди