Црква „Св. Ѓорѓи“ - Ораовица

Свети Ѓорѓи — манастирска црква на Ораовичкиот манастир.^[1]

Местоположба
Свети Ѓорѓи

Поглед на црквата
македонска православна црква
Епархија	Брегалничка
Архијерејско намесништво	Радовишко
Парохија	Ораовичко-воиславска

Координати	41°35′10.1″N 22°27′10.8″E / 41.586139° СГШ; 22.453000° ИГД / 41.586139; 22.453000
Место	Ораовица
Општина	Радовиш
Држава	Македонија
Општи податоци
Покровител	Свети Георгиј
Изградба	15 октомври 2011
Завршено	2012
Осветување	24 ноември 2012
Ктитор	Николајчо Николов
Архитектонски опис
Архит. тип	крстокуполен храм

Историја уреди

Од натписната плоча до главниот влез на црквата се забележува дека нејзината изградба започнала на 15 октомври 2011 година, а била осветена на 24 ноември 2012 година од страна на Архиепископот Охридски и Македонски г.г. Стефан и Митрополит Брегалнички г. Иларион при одбележувањето на 45-годишнината од автокефалноста на Македонската православна црква.^[2] Ктитор на црквата е Николајчо Николов.

Архитектура уреди

Градбата на црквата претставува крстокуполен храм со осумаголна купола и полукружна апсида на источната страна. На секоја страна од куполата има по една монофора. Главниот влез се наоѓа на западната страна кон којашто е доградена затворена припрата. Од лвата страна на влезната врата кон припратата има мермерна плоча со информации за изградбата на црквата, а над влезната врата има ниша со мозаик на којшто е прикажан Свети Георгиј. Црквата има и спореден влез на јужната страна којшто исто така води до припратата. Над споредниот влез има монофора, а монофора има на надворешниот ѕид од припратата на северната страна. Од надворешната страна на јужниот и северниот ѕид во делот на наосот има по една бифора, на полукружните крила има по една трифора, а потоа на крајот има уште по една монофора. Објектот е граден од варовник и е покриен со кров од ќерамиди.

Внатрешноста на црквата е зографисана. Иконостасот е дрвен и содржи икони во еден ред коишто се изработени од иконописецот Дончо од селото Секирник. Од левата страна на царските двери се прикажани Свети Георгиј, Архангел Михаил и Богородица со Исус, а од десната страна Исус, Свети Стефан и Јован Крстител.

Во непосредна близина на храмот се издига камбанаријата. Таа има квадратна основа и се состои од два дела. Долниот дел е заѕидан од сите страни и во целост е обоен во бела боја, додека горниот дел е отворен.

Галерија уреди

Надворешен изглед и камбанарија

Поглед на црквата
Северната страна
Натписна плоча до главниот влез
Ниша со мозаик над главниот влез
Споредниот влез
Куполата
Апсидата
Камбанаријата

Внатрешност

Фреска на Успението на Пресвета Богородица
Иконостасот
Лустер

Поврзано уреди

Наводи уреди

↑ Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. стр. 29. ISBN 978-608-65143-2-7.
↑ „Осветена новоизградената манастирска црква посветена на „Св. вмч. Георгиј“ во с. Ораовица – Радовиш^{[мртва врска]}“. Брегалничка епархија. 24 ноември 2012.

Надворешни врски уреди

Црква „Св. Ѓорѓи“ - Ораовица на Ризницата ^?

[1] Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. стр. 29. ISBN 978-608-65143-2-7.

[2] „Осветена новоизградената манастирска црква посветена на „Св. вмч. Георгиј“ во с. Ораовица – Радовиш^{[мртва врска]}“. Брегалничка епархија. 24 ноември 2012.

[1]

[2]