Меглен

Општина Меглен Δήμος Αλμωπίας
Карта на општина Меглен
Карта на областа со сите денешни и историски населени места
Податоци
Област:	Централна Македонија
Округ:	Постол
Гео. област:	Меглен
Население:	24.924 (2021)
Седиште:	С’ботско
Нас. места:	44
Пошт. бр.:	584 00
Пов. бр.:	23840-2
Портал:	dimosalmopias.gov.gr/

Меглен (Мегленско, Мегленија; грчки: Αλμωπία, поточно: Δήμος Αλμωπίας) — етно-географска област, општина и котлина во северниот дел на Егејска Македонија, денес во составот на Грција, која на север се граничи со Република Македонија.

Географија и местоположба

Котлината и областа Меглен се наоѓаат во северниот дел на Егејска Македонија, односно во среднишниот дел на етничка Македонија. На север се граничи со Република Македонија, односно со областите Тиквешија на север и Мариово на северозапад. Кон запад, југ и исток е отворена кон поширокот регион на Егејска Македонија (денес Грција), односно на југ и југоисток се граничи со пространото Солунско Поле, на запад со Воденско, а на исток со дел од областа Бојмија.

Мегленската котлина е интересен тип на котлина со ниска надморска височина, оградена со високи планини од сите страни. Од север е оградена со планините Кожуф и Козјак, од запад со планината Ниџе, на југозапад ја оградуваат огранките на Негушка Планина, а на исток е оградена со планината Пајак.

Низ плодното рамно Мегленско Поле, протекува реката Мегленица, која протекува и низ Солунското Поле, каде што преку канали дава вода за наводнување на обработливото земјиште, а таму се влева и во реката Бистрица, која пак се влева во Егејското Море. Во Мегленската Котлина преовладува средоземната клима, додека пак на планините континетална и планинска.

Општина Меглен и населени места

Карта на Меглен од 1904 г.

Во административна смисла, до 1997 г. Меглен бил епархија во округот Постол. Од 1997 г. со законот „Каподистријас“, Меглен е поделен на општините С’ботско (Аридеја) во западниот дел и Капињани (Ексаплатанос) во источната. Од 1 јануари 2011 г., со законот „Каликратис“ станува една општина. Главен град на областа и општината е С’ботско.

Општинска единица С’ботско

Општинската единица С’ботско ги опфаќала следиве општински оддели и населени места:

Поранешната општина С’ботско на картата на некогашниот округо Постол.

Центарот на С’ботско со статуа на Ангел Гацо.

Црквата во Баово.

• Општински оддел С’ботско

• село С’ботско (Αριδαία, Аридеја)
• село Волчишта (или В’лчишта; Υδραία, Идреја)

• Општински оддел Баово

• село Баово (Πρόμαχοι, Промахи)

• Општински оддел Биџова Маала

• село Биџова Маала (Πιπεριά, Пиперија или Πιπεριές, Пипериес)
• село Горно Турманли (Ανω Ροδωνιά, Ано Родонија)

• Општински оддел Бизово

• село Бизово (Μεγαπλάτανος, Мегаплатанос)
• село Манастир (Μοναστηράκι, Монастираки)

• Општински оддел Габровци

• село Габровци (Δωροθέα, Доротеја)
• село Раниславци (Αγάθη, Агати)

• Општински оддел Драгоманци

• село Драгоманци (Άψαλος, Апсалос)

• Општински оддел Костурени

• село Костурени (Ξιφιανή, Ксифјани)

• Општински оддел Пожарско

• село Пожарско (Λουτράκι, Лутраки)
• село Пожарски Бањи (Λουτρά Λουτρακίου, Лутра Лутракиу)

• Општински оддел Полјани

• село Полјани (Πολυκάρπη, Поликарпи)

• Општински оддел Преб’диште

• село Преб’диште (Σωσάνδρα, Сосандра)

• Општински оддел Рудино

• село Рудино (Άλωρος, Алорос)

• Општински оддел Саракиниово

• село Саракиново (Σαρακηνοί, Саракини)
• село Долно Родиво (Κάτω Κορυφή, Като Корифи)

• Општински оддел Северјани

• село Северјани (Βορεινό, Ворино)
• село Невор (Νεοχώρι, Неохори)

• Општински оддел Струпино

• село Струпино (Λυκόστομο, Ликостомо)

• Општински оддел Тресино

• село Тресино (Όρμα, Орма)

• Општински оддел Цакон Маала

• село Цакон Маала (Τσάκοι, Цаки)
• село Долно Турманли (Κάτω Ροδωνιά, Като Родонија)
• село Цакони (Χρύσα, Хриса)

• Општински оддел Црнешево

• село Црнешево (Γαρέφι, Гарефи)

На територијата на општинската единица се наоѓале и денес запустените села Горно Родиво (Άνω Κορυφή, Ано Корифи), Зборско (Πευκωτό, Певкото) и Карадере Воденско (Μαυρόλακκος, Мавролакос) и Карадере Пазарско (Μαυρόλακκος Γενιτσών, Мавролакос Јеницон).

Општинска единица Капињани

Општинската единица Капињани ги опфаќа следниве општински оддели и населени места:

Поранешната општина Капињани на картата на некогашниот округ Постол.

Фреска од Ошинскиот манастир.

Црквата „Свети Димитар“ во Тушин.

• Општински оддел Капињани

• село Капињани (Εξαπλάτανος, Ексаплатанос)

• Општински оддел Бериславци

• село Бериславци (Περίκλεια, Периклија)
• село Лугунци (Λαγκαδιά, Лангадија)

• Општински оддел Гостољуби

• село Гостољуби (Κωνσταντία, Констандија)

• Општински оддел Карладово

• село Карладово (Μηλιά, Милија)
• село Ружјани (Ριζοχώρι, Ризохори)

• Општински оддел Кожушани

• село Кожушани (Φιλώτεια, Филотија)

• Општински оддел Новоселци

• село Новоселци (Νερόμυλοι, Неромили)
• село Продром (Πρόδρομος, Продромос)

• Општински оддел Ноти

• село Ноти (Νότια, Нотија)
• село Тушин (Αετοχώρι, Аетохори)

• Општински оддел Ошин

• село Ошин (Αρχάγγελος, Архангелос)

• Општински оддел Слатина

• село Слатина (Χρυσή, Хриси)

• Општински оддел Страишта

• село Страишта (или Витолишта; Ίδα, Ида)

• Општински оддел Тодорци

• село Тодорци (Θεοδωράκι, Теодораки)

• Општински оддел Трстеник

• село Трстеник (Θηριόπετρα, Тириопетра)

• Општински оддел Фуштани

• село Фуштани (Φούστανη, Фустани)

На територијата на општинската единица се ноаѓаат и денес запустените села Лесково и Извор.

Поврзано

• Мегленоромански јазик
• Список на села во Меглен
• Мегленска тврдина

Надворешни врски

• Меглен на Ризницата ^?
• Портал на Општина Меглен