Добрево

село во Општина Пробиштип


Добрево — село во Општина Пробиштип, во Злетовско-пробиштипскиот регион, во околината на градот Пробиштип.

Добрево
Панорамски поглед на селото Добрево 2.jpg

Панорамски поглед на селото Добрево

Добрево is located in Македонија
Добрево
Местоположба на Добрево во Македонија
Координати 42°01′27″N 22°11′50″E / 42.02417° N; 22.19722° E / 42.02417; 22.19722Координати: 42°01′27″N 22°11′50″E / 42.02417° N; 22.19722° E / 42.02417; 22.19722
Регион Logo of Eastern Region, North Macedonia.svg Источен
Општина Coat of arms of Probištip Municipality.svg Пробиштип
Област Злетовско-пробиштипско
Население 340[1] жит.
(поп. 2002)
Пошт. бр. 2210
Повик. бр. 032
Шифра на КО 21008
Надм. вис. 600 м
Добрево на општинската карта
Добрево во Општина Пробиштип.svg

Атарот на Добрево во рамките на општината
Commons-logo.svg Добрево на Ризницата

Географија и местоположбаУреди

Добрево се наоѓа во рударско подрачје исполнето со конусни ридови, кои се вонредно богати со олово-цинкова руда. Селото е ридско и се наоѓа на надморска височина од 600 м. Атарот на селото зафаќа површина од 9,5 км2 и се граничи со Општина Кратово. Добрево е оддалечено околу 6 км од Пробиштип.[2]

Традиционно, до Втората светска војна, селото било поделено на следните маала: Кацарско, Шутевско, Витановско, Тулумџиско, Кумичарско и Јуручко маало. Меѓу првите пет маала е сместено сретселото.[3]

ИсторијаУреди

Селото се споменува во две грамоти на царот Стефан Душан и деспотот Константин Дејанов от 1381 година.[4] Во него се споменува дека се наоѓала црква „Св. Варвара“, којашто деспотот Јован Оливер ја приложил на Лесновскиот манастир во 1341 година.[2]

Во септември 1910 година, селото настрадало за време на младотурската акција на разоружување. Сите мажи побегнале незаконски и војската се распоредила околу нивните имоти.[5]

За време на Првата балканска војна, од селото имало 5 доброволци кои биле дел од Македонско-одринските доброволни чети.[6]

Францускиот шпион Анри Пози во својата книга „Војната се враќа“ (1934), раскажува потресувачка случка за српските тормози над Македонците:

„ Во селото Добрево, една 16-годишна мома, Миладина Тачева, обвинета и осудена дека пеела македонска песна, била соблечена гола, врзана за една даска и ѝ биле нанесени 60 удари со стап по крсната коска. Потоа, била малтретирана од страна на началникот на групата и неговите другари - шестмина![7] “

СтопанствоУреди

Вкупната земјоделска површина во атарот на селото изнесува 881 ха, од кои обработливото земјиште е на површина од 276 ха, пасиштата се на 187 ха, а шумите на 418 ха.[8] Селото има полјоделско-шумарска функција, но голем дел од населението се занимава со рударство.[2] Во селото се наоѓа рудникот на олово-цинкова руда „Добрево“.

НаселениеУреди

Според податоците на Васил К’нчов („Македонија. Етнографија и статистика“) од 1900 година, во селото Добрево имало 290 жители, сите Македонци.[9] По податоците на секретарот на Бугарската егзархија, Димитар Мишев („La Macédoine et sa Population Chrétienne“) во 1905 година во Древено имало 320 жители, сите Македонци.[10]

Според последниот попис од 2002 година, во селото живееле 340 жители, од кои 336 Македонци, 2 Турци и 2 од друга етничка припадност. Бројот на домаќинства изнесувал 100, а бројот на живеалишта 175.[1]

Во табелата во продолжение е направен преглед на населението во сите пописни години:

Година 1900[11] 1905[12] 1948 1953 1961 1971 1981 1991 1994 2002
Население 290 320 457 1.049 1.053 736 502 420 442 340
Извор за 1948-2002 г.: Државен завод за статистика на РМ.[13]

РодовиУреди

Добрево е македонско село.

Според истражувањата од 1970-тите, родови во селото се:

  • Староседелци: Шутевци (11 к.), Витановци (14 к.), Тулмиџици (7 к.), Соларци (5 к.), Божидарци (5 к.) и Наумовци (4 к.)
  • Доселеници: Кумичарци (25 к.) доселени се во првата половина на XVIII век од кривопаланечкото село Дурачка Река; Кацарци (18 к.) доселени се пред крајот на XVIII век од кочанското село Бели; Јуруци (4 к.) се доселиле од некое село во радовишко; Кузмановци (4 к.) и Јованчевци (3 к.) доселени се од селото Јамиште; Јаребинци (2 к.) доселени се од кратовското село Шлегово; Калугерци (2 к.) доселени се од селото Лесново.[14]

Општествени установиУреди

Во селото има основно училиште коешто работи до четврто одделение, амбуланта, продавници и угостителски објекти.[2]

Самоуправа и политикаУреди

Изборно местоУреди

Во селото постои изборното место бр. 1554 според Државната изборна комисија, сместени во просториите на основното училиште.[15]

На претседателските избори во 2019 година, на ова изборно место биле запишани вкупно 211 гласачи.[16]

Културни знаменитостиУреди

Цркви
Споменици[18]
  • Споменик во чест на третата Македонско–кумановска ударна бригада; и
  • Спомен плоча посветена на загинатите борци при нападот на рудникот „Злетово“.

ЛичностиУреди

ГалеријаУреди

  • Пат кој води до селото

  • Црквата „Св. Илија“

  • Погонот „Добрево“ на рудникот „Злетово“

  • Влезна порта на погонот „Добрево“ на рудникот „Злетово“

НаводиУреди

  1. ↑ 1,0 1,1 „Попис на Македонија“ (PDF). Завод за статистика на Македонија. 2002. Посетено на 9 јануари 2017.
  2. ↑ 2,0 2,1 2,2 2,3 Панов, Митко (1998). Енциклопедија на селата во Република Македонија: географски, демографски, и аграрни обележја. Скопје: Патрија. стр. 97.
  3. ↑ Апостолов, Александар, Кондев, Тодор, Керамидчиев, Апостол, Василевски, Ангел, Арсениевски, Лазо и Домазетовски, Стоимир. „Злетовска област, географско-историски осврт“. Скопје, 1974. стр. 61.
  4. ↑ Матанов, Христо. „Княжеството на Драгаши“. София, 1997. с. 220.
  5. ↑ „Дебърски глас“. Година 2, бр. 26. 20 октомври 1910. стр. 4.
  6. ↑ „Македоно-одринското опълчение 1912-1913 г. Личен състав“, Главно управление на архивите, 2006, стр. 842.
  7. ↑ Пози, Анри. „Войната се завръща“. Планета-7. София, 1992.
  8. ↑ Населени места во Општина Пробиштип — Добрево, официјално мрежно место на Општина Пробиштип.
  9. ↑ Васил К’нчов. „Македонија. Етнографија и статистика“. Софија, 1900, стр. 222.
  10. ↑ D.M.Brancoff. "La Macédoine et sa Population Chrétienne". Paris, 1905, р. 130-131.
  11. ↑ К’нчов, Васил. „Македонија. Етнографија и статистика“. Софија, 1900
  12. ↑ Brancoff, D.M. „La Macédoine et sa Population Chrétienne“. Paris, 1905.
  13. ↑ „Население по возраст и по пол, по населени места, според пописите спроведени во Република Македонија по Втората светска војна“. Државен завод за статистика.
  14. ↑ Апостолов Александар; Кондев Тодор; Апостол Керамидчиев (1974). Злетовска област. Географско-историски осврт. Скопje.
  15. ↑ „Описи на ИМ“. Посетено на 3 ноември 2019.
  16. ↑ „Претседателски избори 2019“. Посетено на 3 ноември 2019.
  17. ↑ Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. стр. 28. ISBN 978-608-65143-2-7.
  18. ↑ Споменичко наследство — Споменици и спомен обележја, официјално мрежно место на Општина Пробиштип.

Надворешни врскиУреди

Преземено од „https://mk.wikipedia.org/w/index.php?title=Добрево&oldid=4304452“