Википедија:Вики за ООН
|
|
Вики за ООН (целосен назив: Вики за Обединетите нации) — меѓународна иницијатива за одбележување на 75-годишнината од создавањето на Организацијата на обединетите нации (ООН) преку создавање содржини за поголема покриеност на темите поврзани со ООН на викимедиините проекти. Главните цели на инизијативата се: споделување знаење за организациската структура и дејноста на ООН на повеќе јазици, зголемување на свеста за активностите и програмите коишто организацијата ги спроведува низ светот, како и поставување основи за позадлобочено покривање на темите поврзани со ООН во иднина.
Повелбата на Обединетите нации стапила во сила на 24 октомври 1945 година, со што и официјално била основана организацијата позната како Обединети нации. По тој повод, датумот 24 октомври секоја година се празнува како Ден на Обединетите нации. Во насока на поголема застапеност на темите поврзани со ООН на македонски јазик, заедницата на Википедија на македонски јазик зела учество преку организирање уредувачка седмица во којашто ги повикува да се вклучат сите заинтересирани уредници и страни со стручни познавања на темата. Седмицата започнала на Денот на Обединетите нации и се одржала во периодот 24–31 октомври 2020 година.
Упатство за учество
уреди
Основни податоци
уреди- Почеток: 24 октомври 2020 г. во 12:00 (CEST).
- Крај: 31 октомври 2020 г. во 11:00 (CET).
- Место на одржување: секое место со пристап до интернет.
- Општење: канал на Телеграм
Пријава
уреди- Чекор 1: Создајте корисничка сметка тука или најавете се доколку веќе имате.
- Чекор 2: Додека сте најавени, додадете го корисничкото име во списокот на учесници во меѓународната иницијатива и пријавете се со своето корисничко име на контролната табла на иницијативата. Последното овозможува преглед на сите уредувања направени за време на уредувачката седмица.
- Чекор 3: Додадете го корисничкото име во списокот на учесници и одберете статија од списокот на статии за уредување. Со цел да се спречи истовремено уредување на една статија од повеќе учесници, задолжително додадете ги статиите коишто планирате да ги уредувате во списокот на учесници.
- Чекор 4 (незадолжително): Приклучете се на каналот на Телеграм како средишно место за општење во врска со иницијативата.
Организатори
уредиКоординатор на меѓународната и локалната иницијатива е Kiril Simeonovski.
Локалната иницијатива е организирана и поддржана од страна на подружната викимедиина организација Споделено знаење.
Друштвени медиуми
уредиСподелувањето на уредувачката седмица на друштвените медиуми било препорачано да се врши првенствено со тарабните ознаки #WikiforUN и #WikiforUnitedNations, а исто така можело да се користат и поопштите ознаки: #UN75, #UnitedNations75, #UNDay и #UnitedNationsDay.
Награди
уредиНагради им биле доделени на тројцата најплодоносни учесници во облик на вредносни купони за книги или техничка опрема, и тоа:
- Прва награда: купон во вредност од 4.000 денари.
- Втора награда: купон во вредност од 3.000 денари.
- Трета награда: купон во вредност од 2.000 денари.
Важно: За да се освои било која награда, потребно било да се создадат или подобрат најмалку 25 статии!
Содржина за уредување статии
уредиВо овој дел е направен преглед на корисни материјали за уредување, наведен е список со потребни статии, а прикажана е и табела за евиденција на придонесите. Додавањето нови содржини може да се врши преку превод на содржини од другите јазични изданија на Википедија, но особено се охрабрува дополнување со информации од други расположливи материјали. Препорака за новите и помалку искусни корисници е да ја користат алатката за превод на статии на Википедија (видео-упатство од десната страна).
Материјали за уредување
уреди- Други јазични изданија на Википедија
- од Википедија на англиски јазик:
Списоци на статии за уредување
уредиИзборот на статии за уредување е потребно да се врши од предложените списоци коишто ги покриваат следните теми поврзани со ООН:
- Општ преглед;
- Историја;
- Повелба;
- Резолуции;
- Органи;
- Канцеларии и оддели;
- Програми и специјализирани организации;
- Мировни мисии;
- Меѓународни години; и
- Личности.
Список на учесници
уреди- (Н) — новосоздадена статија
- (П) — подобрена статија
Резултати
уреди| Број | Корисник | Збирен резултат1 |
|---|---|---|
| 1 | КатеринаКајевска | 1.397.676 |
| 2 | Тиверополник | 322.711 |
| 3 | ZlatkoPyotr | 250.171 |
| 4 | Dandarmkd | 8.237 |
| 5 | Иван Ж | 2.002 |
1 Збирниот резултат претставува вкупен број додадени бајти во уредените статии, кој е пресметан на контролната табла на иницијативата на којашто биле пријавени сите учесници.
Надворешни врски
уреди- The world needs solidarity. Join #UN75 — службена страница. (англиски)