Ајхсфелд (округ)

Ајксфелд
*Landkreis Eichsfeld*
Ајксфелд; Landkreis Eichsfeld;
	округ
Земја	Германија
Покраина	Тирингија
Седиште	Хајлбад Хајлигенштат
Површина
• Вкупна	940 км2 (360 ми2)
Население (31 декември 2022)
• Вкупно	103.205
• Густина	110/км2 (280/ми2)
Час. појас	CET (UTC+1)
• Лето (ЛСВ)	CEST (UTC+2)
Рег. таб.	EIC, HIG, WBS
Мреж. место	kreis-eic.de/

За други значења на поимот, погл. Ајхсфелд (појаснување).

Ајхсфелд (германски: Eichsfeld) — округ во сојузната покраина Тирингија, Германија и е дел од историската област Ајхсфелд. Се граничи со (од исток надесно) окрузите Нордхаузен, Кифхојзер и Унштрут-Хајних и со покраините Хесен (округот Вера-Мајснер) и Долна Саксонија (окрузите Гетинген и Остероде).

Историја

Во средновековието, областа Ајхсфелд, која е поголема отколку округот Ајхсфелд, била посед на бискупите од Мајнц, иако не е воопшто близу градот.

Ајхсфелд била единствената област во Тирингија која не ја прифатила реформацијата, најмногу поради напорите на надбискупот на Мајнц.

Во 1801 биле укинати верските држави и Прусија ја добила областа, но повторно ја загубила во Наполеоновите војни. На Виенскиот конгрес (1815) Прусија како и кралството Хановер ја барале областа Ајхсфелд. Областа била поделена помеѓу двете држави. Иако Хановер бил припоен од Прусија во 1866, оваа граница останала помеѓу двете пруски покраини, подоцна помеѓу Источна и Западна Германија и денес помеѓу Тирингија и Долна Саксонија.

Денешниот округ бил основан во 1994 со спојување на поранешните окрузи Ворбис и Хајлигенштат.

Замокот Мајнц во Хајлигенштад, изграден помеѓу 1736 и 1738 година како резиденција на архиепископскиот изборен гувернер на Мајнц, денес седиште на окружната канцеларија на областа Ајхсфелд

Географија

Округот бил именуван по историската област Ајхсфелд, која ги опфаќа северните делови на денешниот округ и делови од Долна Саксонија, областа околу Дудерштат наречена „Долен Ајхсфелд“ (Untereichsfeld). Округот е претежно ридест, а на север се протегаат планините Харц. Исто така, претставува географски центар на Германија. Реките Лајне и Унштрут извираат во Ајхсфелд.

Името се верува дека потекнува од Ајхенфелд („Eichenfeld“), што значи поле со дабови. Помалку популарна теорија за потеклото на името е зборот „Ајсфелд“ (поле на мразот).

Грб

Грбот го прикажува хералдичкиот орел на Прусија, заедно со Тркалото на Мајнц, што бил симбол на бискупите на Мајнц. Овие грбови биле донесени кратко откако Прусија го добила Ајхсфелд (1801). Во 1816 Ајхсфелд повеќе не претставувал географска област и грбот станал небитен. Повторно бил воведен во 1945 (користен до 1952) и повторно во 1994.