Викенд на мртовци (филм)
Викенд на мртовци е македонски филм-комедија од 1988 година, режиран од Коле Ангеловски, со Владимир Ангеловски - Дади, Ѓорѓи Јолевски, Димче Мешковски, Гоце Тодоровски, Благоја Чоревски, Тодорка Кондова-Зафировска и Младен Крстевски во главните улоги. Филмот е екранизација на театарска пиеса [1] од Миле Попоски [1] и е последниот снимен во Вардар филм во рамките на СФР Југославија.[2] Добитник е на две награди на Фестивалот на филмска комедија во Голубац - „Златна Рипка“ за режија на Коле Ангеловски и трета награда од публиката за најдобар филм.[3]
| „Викенд на мртовци“ | |
|---|---|
 плакат од филмот | |
| Режисер | Коле Ангеловски |
| Сценарист | Миле Попоски |
| Главни улоги | Владимир Ангеловски Ѓорѓи Јолевски Димче Мешковски Гоце Тодоровски Тодорка Кондова-Зафировска Благоја Чоревски Јовица Михајловски Младен Крстевски |
| Музика | Димитар Масевски |
| Дистрибутер | Вардар филм |
| Премиера | 1988 |
| Времетраење | 94 мин |
| Држава |  Македонија |
| Јазик | Македонски |
СодржинаУреди
Тасе е известен дека неговата жена починала на една од клиниките во Скопје. Набргу неговиот дом се исполнува со нивни роднини и пријатели и сите чекаат да пристигне ковчегот со умрената за да ја оплачат и погребаат.
Во соседството, пак, наспроти куќата на Тасе, се прави свадба. Со звукот на зурлите и тапаните пристигнува ковчегот со умрената, но кога истиот ќе го отворат, му нема крај на изненадувањето зашто внатре не е Кате, сопругата на Тасе, туку некоја непозната жена. Веднаш бараат објаснување од Државната болница во Скопје од каде се известени дека во сплет на околности, направена е размена на покојничките и дека нивната Кате се наоѓа кај некој Климе од Охрид, а неговата жена е во ковчегот што пристигнал кај Тасе. Тасе и Климе воспоставуваат врски и се договараат да си ги разменат покојничките при што постигнуваат договор да се сретнат на полпат, односно на планинскиот превој Ѓавато.
Според договорот, тука пристигнуваат и едните и другите, но пред да бидат разменети покојничките, доаѓа до меѓусебна расправа во врска со вредноста на мртвечките сандаци. Уште таа расправија тече, а на повидок е ново разочарување: во сандакот што го добил Тасе не се наоѓа телото на покојната жена на Климе по име Зора, туку некоја трета жена. Затоа, Климе и неговата ќерка ќе го земат само скапиот мртовечки сандак и ќе се вратат назад, а Тасе останува со две мртви жени и со еден евтин мртовечки сандак.
УлогиУреди
| Глумец | Улога |
| Димче Мешковски | Тасе Стопарески |
| Владимир Ангеловски | Климе Глупчев |
| Благоја Чоревски | Кирца |
| Ѓорѓи Јолевски | Цанде |
| Гоце Тодоровски | Ачко |
| Снежана Михајловиќ | Таца |
| Јовица Михајловски | Ноне |
| Ташко Начиќ | Томислав |
| Тодорка Кондова | Атина |
| Игор Џамбазов | Војник Владимир Спирковски |
| Бата Живоиновиќ | Генерален директор |
| Јелисавета Саблиќ | Секретарка |
| Младен Крстевски | Цуре |
| Александра Петковиќ | Мица |
| Катерина Коцевска | Медицинска сестра |
Останати улоги ▼
| Глумец | Улога |
| Џон Апелгрен | Зетот |
| Марин Бабиќ | Свадбар |
| Георги Бисерков | Агент 2 |
| Видосава Грубач | Рајна |
| Диме Илиев | Келнерот |
| Љиљана Јовановска | Ерна |
| Марија Кондовска | Ана |
| Томе Моловски | |
| Димитар Спасески | |
| Благоја Спиркоски-Џумерко | Агент 1 |
| Ѓорѓи Тодоровски | Свадбар |
| Васо Ангелов | Доктор |
| Соња Здравковска | Светлана |
Реакции и наградиУреди
РеакцииУреди
Викенд на мртовци е првата македонска филмска комедија по пауза од речиси триесетина година (по Мирно лето од 1961 година) [3] и е еден најпопуларните македонски филмови од овој жанр, имајќи култен статус децении по својата премиера.[се бара извор] Уште веднаш е добро прифатен од публиката, благодарејќи ѝ, во одредена мера, и на истоимената успешна претстава, на која работи безмалку истиот тим и која, заедно со Солунски патрдии и Бегалка е и една од најдолговечните претстави на Драмскиот театар[1]. Сепак, комплицирањето на дејството во втората половина на филмот, кога покрај почетната постава се појавуваат и двајца молери што се враќаат од Претор и две германски автостоперки, од некои критичари е оценето како непотребно обременување на одличниот првичен заплет, чие „почетно темпо, ниту режисерот Коле Ангеловски ниту самите интерпретатори, не го задржаа во текот на целиот филм“ [3].
НаградиУреди
БелешкиУреди
- ↑ 1,0 1,1 1,2 „Награди за Животно дело“. Македонски Театарски Фестивал "Војдан Чернодрински" Прилеп. Посетено на 2008-09-04.
- ↑ „Викенд на мртовци" во режија на Коле Ангеловски“. Вест (дневен весник). Посетено на 2008-09-04. Text "Вест]]" ignored (help)[мртва врска]
- ↑ 3,0 3,1 3,2 3,3 „Викенд на мртовци“. Македонски Информациски Филмски Центар. Посетено на 2008-09-04.[мртва врска]
Надворешни врскиУреди
- Викенд на мртовци на Семрежната филмската база на податоци
- Rapidshare врски за симнување на филмот.[мртва врска] (функционални на 4 септември 2008)
- Врски кон неколку клипчиња на YouTube - извадоци од филмот.