Трооло

село во Општина Пробиштип


Трооло — село во Општина Пробиштип, во Злетовско-пробиштипскиот регион, во околината на градот Пробиштип.

Трооло
Црква „Св Троица“ - Трооло.jpg

Главната селска црква „Св. Троица“

Трооло is located in Македонија
Трооло
Местоположба на Трооло во Македонија
Координати 41°54′13″N 22°09′18″E / 41.90361° N; 22.15500° E / 41.90361; 22.15500Координати: 41°54′13″N 22°09′18″E / 41.90361° N; 22.15500° E / 41.90361; 22.15500
Регион Logo of Eastern Region, North Macedonia.svg Источен
Општина Coat of arms of Probištip Municipality.svg Пробиштип
Област Злетовско-пробиштипско
Население 45[1] жит.
(поп. 2002)
Пошт. бр. 2210
Повик. бр. 032
Шифра на КО 21033
Надм. вис. 490 м
Трооло на општинската карта
Трооло во Општина Пробиштип.svg

Атарот на Трооло во рамките на општината
Commons-logo.svg Трооло на Ризницата

Географија и местоположбаУреди

Трооло се наоѓа во крајниот јужен дел на Општина Пробиштип, на десната страна од Злетовска Река. Селото е рамничарско и се наоѓа на надморска височина од 490 метри. Селскиот атар зафаќа површина од 13,9 км2. Од градот Пробиштип е оддалечено 16 км.[2]

ИсторијаУреди

Во септември 1910 година, селото настрадало за време на младотурската акција на разоружување, жител на селото со име Наум бил уапсен и измачуван.[3]

За време на Првата балканска војна, од селото имало еден доброволец кој бил дел од Македонско-одринските доброволни чети.[4]

СтопанствоУреди

Земјоделската површина во атарот на селото зафаќа површина од 1.368 ха, од кои пасиштата преовладуваат на 889 ха, обработливото земјиште е на површина од 465 ха, додека шумите зафаќаат површина од 14 ха.[5] Селото има полјоделско-сточарска функција.[2]

НаселениеУреди

Според податоците на Васил К’нчов („Македонија. Етнографија и статистика“) од 1900 година, во селото Трооло имало 80 жители, сите Македонци.[6] По податоците на секретарот на Бугарската егзархија, Димитар Мишев („La Macédoine et sa Population Chrétienne“) во 1905 година во Трооло имало 104 жители, сите Македонци.[7]

Според последниот попис од 2002 година, во селото живееле 44 жители, сите Македонци. Бројот на домаќинства изнесувал 21, а бројот на живеалишта 29.[1]

Во табелата во продолжение е направен преглед на населението во сите пописни години:

Година 1900[8] 1905[9] 1948 1953 1961 1971 1981 1991 1994 2002
Население 80 104 283 302 295 232 126 66 63 45
Извор за 1948-2002 г.: Државен завод за статистика на РМ.[10]

РодовиУреди

Трооло е македонско село.

Според истражувањата од 1970-тите, родови во селото се:

  • Староседелци: Гаџовци (5 к.) единствениот староседелски род во селото.
  • Доселеници: Србинци (Аџиски 10 к., Пецовци 9 к., Наумовци 3 к., дедо-Пауновци 2 к.) се еден род, доселени се, но не знаат од каде, доселени се пред околу 7-8 колена (во 1970-тите); Елмазовци (6 к.) доселени се како чифличии од сега раселеното село Чашице, се наоѓало кај селото Бучиште. А таму нивните предци се доселиле во XVIII век од дебарско; Зафировци (5 к.) се доселиле како чифличии од селото Петршино, а таму биле доселени од селото Бардовци кај Скопје во XVIII век; Цветковци (5 к.) потекнуваат од селото Древено. Најпрво од Древено биле по селата Пуздерци, Зарапинци и Петршино како чифличии, а потоа дошле во денешното село; Цековци (1 к.) по потекло се од селото Врбица кај Кочани. Прво биле по разни села, па дошле овде.[11]

Самоуправа и политикаУреди

Изборно местоУреди

Во селото постои изборното место бр. 1547 според Државната изборна комисија, сместени во просториите на приватен објект.[12]

На претседателските избори во 2019 година, на ова изборно место биле запишани вкупно 30 гласачи.[13]

Културни знаменитостиУреди

ЦрквиУреди

Археолошки наоѓалиштаУреди

НаводиУреди

  1. 1,0 1,1 „Попис на Македонија“ (PDF). Завод за статистика на Македонија. 2002. Посетено на 9 јануари 2017.
  2. 2,0 2,1 Панов, Митко (1998). Енциклопедија на селата во Република Македонија: географски, демографски, и аграрни обележја. Скопје: Патрија. стр. 303.
  3. „Дебърски глас“. Година 2, бр. 38. 3 април 1911. стр. 3.
  4. „Македоно-одринското опълчение 1912-1913 г. Личен състав“, Главно управление на архивите, 2006, стр. 884.
  5. Населени места во Општина Пробиштип — Трооло, официјално мрежно место на Општина Пробиштип.
  6. Васил К’нчов. „Македонија. Етнографија и статистика“. Софија, 1900, стр. 232.
  7. D.M.Brancoff. "La Macédoine et sa Population Chrétienne". Paris, 1905, р. 136-137.
  8. К’нчов, Васил. „Македонија. Етнографија и статистика“. Софија, 1900
  9. Brancoff, D.M. „La Macédoine et sa Population Chrétienne“. Paris, 1905.
  10. „Население по возраст и по пол, по населени места, според пописите спроведени во Република Македонија по Втората светска војна“. Државен завод за статистика.
  11. Апостолов Александар; Кондев Тодор; Апостол Керамидчиев (1974). Злетовска област-Географско-историски осврт. Скопje.
  12. „Описи на ИМ“. Посетено на 3 ноември 2019.
  13. „Претседателски избори 2019“. Посетено на 3 ноември 2019.
  14. Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. стр. 28. ISBN 978-608-65143-2-7.

Надворешни врскиУреди