Отвори го главното мени

Википедија:Селска чешма/Архива 8

< Википедија:Селска чешма
Архива Оваа страница е архива. Не ја менувајте содржината на оваа страница. Упатете ги вашите коментари на сегашната страница за разговор.
Архива 8


Содржина

Кандидатура на MacedonianBoy за администраторУреди

Ми изгледа дека работите се отидени во несакан правец. Како да на повеќето од вас прстите им се побрзи од мислите. Апелирам до сите да се вратиме неколку чекори назад. Кандидатурата не може и не смее да биде затворена пред закажаниот рок. Еве на пример јас сега разбрав дека е поднесена кандидатурата и гледам веќе е затворена! Јас би сакал исто така да го дадам своето мислење и својот глас по однос на оваа кандидатура, а верувам и други уредувачи, кои ете по игра на случајот, од различни причини не биле активни првите два дена после поднесувањето на кандидатурата од страна на МБ, ама ја немам таа можност. Затоа и гласањето е закажано да заврши после разумно долг временски период. Ги исчитав внимателно коментарите на сите и баш е убаво што од страна на мнозинството се бара од кандидатот поседување на одредени врлини и почитување на принципите на википедија и од тоа нема и не требе да има отстапување. Некаде во разговорите помеѓу одредени корисници сретнав и дека формално (според правилата на википедија) МБ и не ја повлекол својата кандидатура, туку најверојатно во за него тешки мигови, соочен со изнесените критики, набрзина донел одлука да го постави шаблонот за бришење, што само ја покажува неговата жива заинтересираност за добивање на статусот администратор и е негација на она што мигновено го направил. Ги молам уредувачите кои на некој начин избрзано и во спротивност со принципите на википедија ја затворија предвремено расправата по однос на оваа кандидатура да ми овозможат формално да го дадам и јас своето мислење на соодветната страница а верувам дека во наредните 4-5 дена до завршувањето на рокот ќе се јават и други заинтересирани уредувачи кои би сакале да дадат свои мислења. Апелирам до МБ трпеливо да го исчека крајот на расправата согласно предвидениот рок и да се согласи со конечната одлука што ќе ја донесе викизаедницата.

Јас лично наредниве неколку дена нема да бидам во можност да земам активно учество во уредувањето на википедија, но очекувам да најдам време некаде пред истекот на закажаниот рок за разгледување на поднесената кандидатура да го изнесам и своето гледиште по однос на ова прашање. Повторувам уште еднаш, се надевам дека тоа ќе ми биде овозможено.--brest (разговор) 02:38, 25 јануари 2009 (UTC)


Човекот се повлече, а МК Википедија го изгуби еден од најактивните уредувачи.
Мислам дека лузер е МК Википедија.
Дискусиите кои беа водени се архивирани, а кандидатурата е означена како неуспешна кандидатура што не е вистина. Човекот се повлече! Со оглед на тоа што неколкумина си ја имаат мувата на капата, полесно беше така да се означи кандидатурата, оти во спротивно се знае на кого ќе треба да се покажува со прст за тоа што го изгубивме еден од најактивните уредувачи.
Нека ви е на здравје!
Wikimk (разговор) 07:33, 25 јануари 2009 (UTC)

Почекај (прв дел)Уреди

(пренесено од страницата за разговор на гитардэмон - разговор во врска со кандидатурата на MacedonianBoy)

Од каде кандидатурата на МБ е неуспешна? Ај те молам врати се како што беше и остави да се изгласа до крај. Сепак гласањето е до 29 јан. Плус тоа сега за сега МБ го има потребниот консензус. И на крај гласот од Александар нека не седи во воздржани, бидејќи тој самиот напомена дека неговото не е глас туку коментар. Фала--Raso mk (разговор) 23:30, 24 јануари 2009 (UTC) Р.Ѕ. Ја устравте википедија.

Незнам на што мислел, но ако било лутина или револт, тоа значи дека треба само да го ревертираш и да оставиш да си тече процедурата до крај. Како и да е изричито стојам на тоа да се гласа до 29.
Немој да ме сфатиш грешно, и јас сакав да се изгласа, но тој напишал дека се повлекува од кандидатурата. Не може туку така денес се повлекува утре да се враќа. Значи со тоа сакал да каже дека сигурно се повлече. Затоа и вака.

--√ гитардэмонговори со мной √ 23:36, 24 јануари 2009 (UTC)

А да почекаме официјално?--Raso mk (разговор) 23:39, 24 јануари 2009 (UTC)
Знаев дека погрешно ќе ме сфатиш. Поофицијално од ова не може. Ја повлече кандидатурата, сам напиша. Пишува во правилникот дека кога кандидатурата е повлечена од тој што се кандидирал, автоматски е неуспешна и гласањето е завршено.

--√ гитардэмонговори со мной √ 23:41, 24 јануари 2009 (UTC)

Е ај дај некаде да прочитам. Навистина ме заинтересира. : )--Raso mk (разговор) 23:43, 24 јануари 2009 (UTC)
ВП:БзАС --√ гитардэмонговори со мной √ 23:46, 24 јануари 2009 (UTC)
Ако мислиш на ова:
Кандидату, ве молиме прифатете ја номинацијата тука: Ја прифаќам номинацијата. Се повлекувам од номинацијата.
грешка си. Значи МБ не се повлекол според правилата и тоа значи дека гласањето може да продолжи. Ќе треба да почекаме да се откаже според правилата (правила во кои некој тука се крсти или сам ги создава)--Raso mk (разговор) 23:57, 24 јануари 2009 (UTC)
Не гледам причина да си мислиш дека има некаков заговор, и дека се обидувам да му ја одземам кандидатурата или било што. Тоа што не се повлекол според правилата не значи дека не се повлекол, значи дека страницата не е форматирана како што би требало кога се повлекува некој, бидејќи не го прочитал видочот, иако би требало пред да се кандидира. Ако го прочитал, ќе знаел. И не, не се крстам во него, а тоа што сум го превел јас не значи дека јас сум го создал, копија е од англиската википедија. А ако сакаш толку технички и исцепкано, тој го немаше наведено тоа дека ја прифаќа кандидатурата, така што не му се важи, ако одиме по твојата логика. Едноставно, не може еден ден да се откажува (макар нека и со неразумно размислување од бес или лутина, иако не гледам причина за тоа), а другиот ден да сака да се продолжи со кандидатурата. Не е до мене да одлучувам, тој сам одлучил, јас само ја уредив страницата како што треба да изгледаат сите неуспешни кандидатури (тука спаѓаат и повлечените).

--√ гитардэмонговори со мной √ 00:07, 25 јануари 2009 (UTC)

Ау! Се изненадив дури до кај отиде работата... уште ДНК и СИДА тест да му побаравте на дечкото... Извини кај тебе што пишувам, ама го видов муабетот со Raso mk... Поздрав --Виолетова (разговор) 00:04, 25 јануари 2009 (UTC)

Јас не гледам причина да се откаже од Википедија, мене кога ми рекоа дека не сум подобен за администратор, едноставно ги прифатив нивните (на поискусните корисници и админи) критики (кои воглавно беа истите како кај MacedonianBoy) и се кандидирав повторно, и ете станав администратор и се надевам дека сум неутрален и сè она што треба да биде администраторот. Не гледам да му побарале нешто многу, а впрочем имаше и доволно гласови за да стане админ, но сепак тој реши да се откаже. Не е виновен никој друг што грешно и лошо ги прима коментарите. Извел заклучок дека не го сакаат на Википедија, што навистина ми е нејасно.

--√ гитардэмонговори со мной √ 00:07, 25 јануари 2009 (UTC)

Ние сме меѓу трите википедии во светот (другите две се англиската и корејската) кои имаат водич за барања за администраторски статус. Во него убаво се објаснети некои работи, како на пример:
  • Процесот на номинација не е наменет како форум за гласање за популарноста на номинираниот или неговата сила како уредник. Тоа е форум преку кој се добива консензус за тоа дали уредникот треба да добие администраторски права. Уредникот не треба да го разбере произлезот од БзАС како потврда или осуда на нивната работа како уредник, туку како проценка на неговата можност соодветно да ги користи администраторските права.
  • За некои корисници, нивото на критичност и сериозност е премногу тешко. Некои уредници ја напуштиле Википедија како последица од некое непријатно БзАС. Ова не треба да се случува, бидејќи овој процес не ја суди вредноста на корисниците за Википедија. Постојат многу добри уредници кои не би биле добри администратори.
  • БзАС може да биде тежок процес. Вашето минато досие ќе дојде под лупа и било какви сомнителни дела можат да доведат до напорна отворена дискусија. Ако не сте искусни во справување со конфликти, тоа може да биде навистина вознемирувачко. Од друга страна, можете да го искористите вашето искуство за да ја измерите вашата способност за справување со конфликти.
Навистина немаше потреба MacedonianBoy да добие впечаток дека не го сакаме на овој проект — напротив! Тој ни е на трето место по број на уредувања! Зошто би сакале да го отстраниме?! Мислам дека доби погрешна импресија — едноставно БзАС процесот е тежок — тој вклучува ДНК и СИДА тестови. Се надевам дека ќе се врати што побргу :( --Brainmachinewtf? 00:47, 25 јануари 2009 (UTC)


Едноставно нели ГЕЗ и NOSARC. Секоја понатамошна дискусија е излишена и одвишна. Лека ноќ--Raso mk (разговор) 00:59, 25 јануари 2009 (UTC)
Аха, токму така. --Brainmachinewtf? 01:12, 25 јануари 2009 (UTC)
Brainmachine, процесот не изгледал многу тежок за твојата кандидатура, освен едно конструктивно прашање од EfkoMKD во врска со твоја изјава: "Јас само се обидувам да ви го спасам мајчиниот јазик на Википедија"... што мене воопшто не ми се допаѓа, заедно со новата кутија - Гласањето е злобно, и кратенката за разговор која содржи кратенка од пцовка - wtf?. Да објаснам: да изјавиш дека ни го спасуваш јазикот значи дека не го осеќаш како свој; да изјавиш дека гласањето е злобно - значи дека поддржуваш диктатура; а кратенката wtf е директна навреда за секој што ќе посака да ти се обрати... За последниве месец и пол успеа „да ја спасиш“ Википедија со своите забелешки од двајца добри уредувачи и еден потенцијален. Поздрав и лека ноќ --Виолетова (разговор) 00:04, 25 јануари 2009 (UTC)

„...да ви го спасам мајчиниот јазик на Википедија“ (втор дел)Уреди

(пренесено од страницата за расговор на Виолетова - разговор во врска со кандидатурата на MacedonianBoy)

Исто така, морам и да го одбранам iNkubusse — повторно, треба да се сфати контекстот во кој таа беше кажана: корисникот подигнуваше слики без внимание на авторските права, а во тој момент добивме закана од еден администратор од англискиот проект дека македонскиот проект на Википедија ќе биде укинат доколку не го разрешиме проблемот со преголемиот број прекршувања на авторските права. iNkubusse му одговори на EfkoMKD дека ќе има Википедија, но само не на нашиот мајчин јазик. Исто така и јас му го објаснив ова на корисникот во еден мој подолг одговор кадешто дури го објаснив и значењето на таа реченица на iNkubusse. Понатаму немаше никакви други недоразбирања со EfkoMKD. Доколку сте прочитале внимателно, во мојата кандитатура на одговорот на прашањето на EfkoMKD јас појаснив дека „Во конкретниот разговор кога ја употребив таа реченица, го цитирав iNkubusse. Тој исто така мислеше на јазикот на овој проект, а тоа е македонскиот.“, а сепак одговорив дека македонскиот ми е мајчин, за секој случај.

Доколку го прочитавте внимателно есејот за гласањето, ќе забележите дека сте грешка: јас воопшто не поддржувам диктатура — јас во тој текст велам дека подобро е да се дискутира и да се дојде до заедничко решение, отколку да се гласа. Гласањето ја охрабрува заедницата да остане поделена преку одбегнувањето на дискусија и затоа сметам дека е лошо, а мислам дека и секој би се согласил во врска со тоа. Го употребив ова за да ги потсетам корисниците дека е подобро да дискутираме, а не да гласаме, конкретно во номинацијата на MacedonianBoy. Што се однесува до мојот потпис, „wtf?“ не претставува никаква пцовка, тоа се само 4 симбола кои секој може да ги интерпретира како сака. „wtf?“ не е збор со значење, ниту директна навреда за секој што ќе посака да ми се обрати. Туку проблемот е што успеав со помош на сите мои долги излагања и на сите мои објаснувања и дообјаснувања (како на пример ова мое објаснување) да ја стекнам омразата на сите можни корисници, вклучувајќи Ве и Вас, па затоа го користите и тоа безначајно „wtf?“ против мене. Јас не му реков на MacedonianBoy да ја напушти Википедија — тој се навреди заради тоа што јас зазедедов страна против неговата кандитатура, а исто и Вие (барем претпоставувам дека заради тоа ми се лутите) — една од двете опции за една кандитатура (спротивно од диктаторство). Но јас ве разбирам и не ви се лутам, а и се извинувам што ги вознемирувам сите на овој проект. Лека ноќ --Brainmachinewtf? 02:34, 25 јануари 2009 (UTC)

Brainmachine јас тебе не ти се лутам, само коментирав по темата (видиш ли како забелешките врз своја глава ги сфати како лутење и омраза? ;)). А дека MacedonianBoy се налути - многу ми е сфатливо. Се добива впечаток како кандидатурата за администратор да е закана за вашата плата од илјада евра, а знаеме сите дека не е така... Во Неуспешни кандидатури ставен е само случајот со Ultra hacker, случај кој нема ни логика да се коментира... Ги разгледав останатите случаи и видов дека се истакнува како квалитет на кандидатот неговата ангажираност, а сега наеднаш тоа не е релевантно? Не ми е јасно зошто во случајот со номинацијата на MacedonianBoy не ја зеде предвид неговата добра волја? Му беше укажано на грешки, пиша дека ги прифаќа.
„Мислам дека со стекнувањето на администраторските права би ми се олеснила работата за одржување на статиите на македонскава Википедија...“ - пиша MacedonianBoy, со што потполно се согласувам, затоа што и јас сум го осетила истото... Фалат администратори овде.
За мајчиниот македонски јазик - чудна пишана изјава на Македонец...
За гласањето е злобно - е многу лоша замена за дискусијата е потребна...
За „wtf?“ - да не се правиме филозофски настроени, знаеме сите од што е таа кратенка... Поздрав Виолетова (разговор) 08:52, 25 јануари 2009 (UTC)

Како што пишав и погоре човеков и другите кои беа со слични размислувања си ја имаат мувата на капата. Инаку, за да си ја тргнат мувата од капата сега веќе кога го немаме MacedonianBoy нема да им бидат доволни ниту сите страници на печатената верзија на Википедија.
Нека се здрави и живи. Ко кој знае колку конструктивна работа да имаат направено. Поздрав, Wikimk (разговор) 10:11, 25 јануари 2009 (UTC)


Јас, како што знаете, пред некое време се понудив да помогнам во популаризација на Википедија за да се зголеми бројот на активни членови. Започнав да пишувам статија на таа тема, а банерите за кои овде се дискутираше веќе се наоѓаат на Хемија.нет. До сега од контакти со други уредувачи имаме собрано идеи за повеќе работи во врска со ова - планирав за ова да се одржи посебна Вики средба.
Ова што деновиве се гледа на нашата Википедија според мене претставува се освен покажување на добра волја за да се направи нешто конструктивно за нашата Википедија. Ова кај мене ентузијазмот го сведува на нула! За кого јас да пишувам? За некоја замислена елита, која си зема за право да ми кажува што е добро за мене?
Мојот впечаток е дека на некои од администраторите најголем личен успех во животот им е тоа што станале администратори на Википедија и моментално се однесуваат како да се вратари на локал кој се вика Википедија, а при тоа позицијата на вратар (Денес таа работа популарно тоа се нарекува обезбедување) ја сметаат како елитна.
Ако е така, тогаш нормално е дека нашата Википедија ќе ја уредуваат само 5-6 души. Претпоставувам дека на крај тие 5-6 души ќе си се администрираат самите себе.
Сметам дека сите кои се одговорни за ова малтретирање на Вики заедницата јавно треба да се извинат не само на MacedonianBoy, туку и на сите што гласаа, а одбија да учествуваат во непотребните дискусии, како и на сите корисници на Википедија кои не беа инволвирани во гласањето, а врз чиј ентузијазам ваквите дискусии влијаат поразително!
Со оглед на тоа што станува збор за администратори кои се одбрани во поради своите доблести се надевам дека барем MacedonianBoy ќе добие извинување за некоректниот однос.
Поздрав, Wikimk (разговор) 11:06, 25 јануари 2009 (UTC)


Можам слободно напишам цел реферат, а тоа и им го напишав на мекои корисници, но надвор од Википедија. Ќе бидам краток и се надевам јасен.
MacedonianBoy не е разочаран од неговата „неуспешна кандидатура“, Напротив таа ќе беше успешна, тоа и гласовите до потврдуваат, а и тој самиот тоа го знаеше. Тој пред сѐ беше разочаран од грубиот однос од страна на некој корисници кон него. Размислете. Тојк беше критикуван за нешто за што не постојат пишани стандарди на Википедија на македонски јазик. Но, тој беше толерантен и успеа тоа да го претрпи. Дури и на англиски да му посочевте стандарди , тој ќе ги прочиташе. Но, сакам да поставам прашање до онуие коишто го критикуваа: Зошто кога веќе му упативте критикине му посочивте стандарди кои би требало да ги разгклледа?. Јас да бев на негово место, веднаш би го посочил овој елемент како клучен. Едноставно, момчето се исфрустрира од тоа што очигледно некој му соли памет врз база на моралните предрасуди, а не на пишаните правила. Исто, така во целост се согласувам со Виолетова дека ни требаат администратори. Википедија на македонски ајзик во моментов има 12 администратори, од коу 3 се бирократи, но од тие 12 администратори активни не се ни половина. Друг голем фактор е и слабата ангажираност на Википедиоја на македонски јазик. Можеби ние губиме еден редовен уредувач. Но еден редовен од десетина колку што се редовни (но ни 5 не сме како него) е огромна релативна загуба. Очигледно некој се обидува да воведе стандарди од Википедија на англиски јазик. Но уметноста на создавањето на стандардите е на наш товар. Треба и ние да бидеме единствени и да сеи создадеме стандарди. Се согласувам дека за квалитетот на статиите, подигањето на сликите потребно е стандардите да бидат исти на сите јазични изданија, но мислам дека во поглед на некои други работи тоа не е задолжително. Замислете си, ние се трудиме да бидеме како Википедија на англиски јазик, но мора да се има на ум дека доколку таму дојде до нешто вакво, никому ништо. Не е исто да се изгуби еден корисник помеѓу 2.000 и еден помеѓу 10. Згора на тоа, на Википедија на српски и хрватски јазик има над 20 администратори, кои се избрани со апсолутно мнозинство, но не заборавајте едка тие имаат многу повеќе пишани правила од нас и имаат многу повеќе активни уредувачи, но сепак се потолерантни и знаат дека најзначајно е да го мотивирате уредувачот, а не секогаш да ги почитувате правилата (кои кај нас очигледно ги нема, но ќе повторам, некој ги воведува без за тоа да уреди статии). Сфатете дека Википедија не е совршенство и нема никогаш да биде. Всушност, совршенството и не постои. Мислам дека Википедија на македонски јазик мора да се еразвива постепено. Своите стандарди да го повишува со секој нареден успех, со секој пораст на бројот на уредувачи, на бројот на статии, на квалитетот и сл. Не можеме ние веднаш да скокнеме на едни стандарди кои ги имаат 2-3 јазични изданија. И што е најважно, мора да бидеме поемоционални. Ако главните цели на Википедија се сѐ да биде објективно и субјективно во ред, ние не треба да се насочуваме кон објективизмот, туку треба главно да бидеме насочени кон нашите корисници, бидејќи тие се одговорни за сѐ она што е пропишано и утврдено на Википедија на македонски јазик. Во конкретниот пример, едноставно го убивме MacedonianBoy. Дозволете ми ова да го објаснам со споредбени примери.
На училиште наставникот му доделува единица на ученикот, објаснувајќи му зошто е тоа така. Но, кога ученикот се посомневал во наставникот и го запрашал каде е тоа запишано дека е така, наставникот го замразил ученикот и никогаш не му ставил повисока оценка. - зошто некој мора да ја игра улогата на наставникот во овој пример?
Другиот пример дава одраз на сосме аспротивен однос помеѓу наставникот и ученикот.
Во некое училиште постоиученик со големи познавања, кој дури може стручно да разговара и со луѓе како наставникот, но и постручни. Но, сепак неговото однесување е неодговорно и недолично. Но, сепак наставникот знае дека ученикот вреди и свесн во неговите вредниости и понатаму има верба во неговите квалитети. Тој дури и се труди да му обујасни каде е неговата грешка и како да се поправи. - зошто да не се посветиме на улогата на наставникот во овој пример?
Очигледно во случајот со MacedonianBoy, парафразирачки го имаме наставникот (донекаде, не во целост) од првиот пример и ученикот (донекаде, не во целост) од вториот пример. Ние знаеме дека ова се два екстремни случаи, но мора да се има на ум дека секогаш мора да се стремиме кон едниот екстрем, и покрај тоа што тој реално никогаш не може да се оствари. Ние направивме комбинација , што тактички беше погрешен потег
Морам да признаам дека сме полоши од нашите политичари. Постојано се критикуваат, но барем знаат и да изразат одреден став како треба, а како не во одредена ситуација. Навистина сум разочаран од овој голем пораз и се надевам дека откако ќе го прочитате моево изнесување барем малце ќе размислите на клучните работите коишто ги посочив вонего. Сигурен сум дека оваа дискусија ќе заврши со поголема способност во решавањето на проблемите и дека Википедија на македонски јазик со уште позабрзано темпо ќе продолжи да се развива. Поздрав.--Kiril Simeonovski (разговор) 11:34, 25 јануари 2009 (UTC)

Се согласувам. Мора да му се извиниме на MacedonianBoy, со доделување на викорден за напорна работа и со враќање на неговата номинација. Поздрав.--Kiril Simeonovski (разговор) 11:35, 25 јануари 2009 (UTC)

И не заборавајте. На Википедија на македонски јазик пишувате и придонесувате за македонскиот јазик, за неговата афирмација во светот, за неговата популаризација и пред сѐ за луѓето коишто го зборуваат, а не за одредена група на корисници, администратори, бирократи и сл. Секој Ваш придонес треба да претставува и борба против влијанието на туѓиоте јазици. Поздрав и размислете добро. Ние сме афирматори на македонскиот јазик во светот!--Kiril Simeonovski (разговор) 11:39, 25 јануари 2009 (UTC)


Навистина чудно, но некои „стари“ корисници воопшто ги нема на википедија овие неколку дена. Некои администратори кои спиеја на википедија, сега или не гледаат што се случува или ја закопуваат главата во песок. Очекувам да се развие една здрава дискусија за овие проблеми. Со секоја почит кон Слободан, но него го немаше цела година на википедија, и за на крај да дојде на вики и да гласа со еден така „содржаен“ коментар, небаре секој ден ги следел кавгите на МБ со бугарчињата. Очекував и Јанкуловски да даде мислење. Но сепак по се изгледа дека некои не сакаат да им одат контра на некои други админи. На крај очекувам извинување кон Никола.--Raso mk (разговор) 11:44, 25 јануари 2009 (UTC)

Зошто во волкава мера да се преувеличуваат некои работи на Википедија на македонски јазик? Се однесуваме како да имаме којзнае колку администратори, па сега се измислуваат причини зошто некој да не биде. Вистинската состојба е што има недостаток од админи (а некои, од кога станаа админи само еден месец дали уредувале на Википедија). Мислам дека МВ нема националистичко однесување тука на Википедија, или доколку го имал, тоа било како резултат "првиот судир" со нашите соседи - секој би реагирал заштитнички кон својата земја. Меѓутоа, од лично искуство зборувам, со текот на времето се сфаќа начинот на работа на Википедија - а мислам дека МВ е дојден до тој стадиум. Поентата ми е да се врати гласањето за давање на администраторски статус на МВ, или, пак, тоа да се повтори. Boyan (разговор) 12:39, 25 јануари 2009 (UTC)


И кандидатурата на Александар помина лесно, иако тој беше најголем антибугар и паѓаа доста тешки коментари. Се приклучувам кон петицијата за враќање на гласањето до крај. --Raso mk (разговор) 12:56, 25 јануари 2009 (UTC)

Зошто правите теории за заговор од ништо? Сите имаат различни мислења, тоа е сосема нормално. MacedonianBoy направи глупост со бришењето на кандидатурата. Како администратор сигурно не би му било полесно, зарем вака би се справил со спор? Следен пат кога некој ќе го изнервира, ќе избрише пола статии од вики? Никој не ја доведе неговата способност како уредувач, впрочем за тоа имаше само пофални зборови. Она што треба да го понуди е малку поголема присебност и „искулираност“. Сигурен сум дека би бил одличен админ, но не на овој начин. Нема поента да се враќа постоечката кандидатура, доколку реши дека сака да биде администратор, подобро е да почне нова. Википедија е отворен проект - секој може да уредува, но секој може и да коментира/критикува, без разлика дали е нов или стар корисник.

Колку што знам на Јанкуловски денес му е роденден, оставете го да прослави :) --Милош (разговор) 15:11, 25 јануари 2009 (UTC)

Ок, ја сфаќам пораката. Јас само и штетам на Википедија. Јас си ја имам мувата на капата. Јас и само јас извршив убиство врз еден од најголемите придонесувачи на овој проект. Во мене ќе се покажува со прст. Никој ништо не чита кога јас се обидувам да објаснам нешто, без разлика колку добро и да го правам тоа. Никој не смета дека моето мислење е барем малку објективно, ниту дека моите претходни придонеси биле барем малку конструктивни. Јас сум замислената елита која не претпоставува добри намери и им кажува на другите корисници што е добро за нив. И ентузијазмот дури го сведувам на нула. Верував во non nobis solum, но повеќе не можам. Изгубивте уште еден корисник и администратор, бидејќи јас сега ќе се повлечам. Збогум и со среќа. --Brainmachinewtf? 15:58, 25 јануари 2009 (UTC)
Е сега ова не ти требаше! Сега сигурно никој не е среќен! Не знам што треба сега да се направи? Толку ли е тешко да каже човек извини? ...па дури и ако стои зад тоа дека другите не се во право! За мир во куќа.
Се надевам дека ќе ја прочиташ поракава.
Поздрав, Wikimk (разговор) 16:46, 25 јануари 2009 (UTC)


Леле ама сте сите плачковци на ова Википедија аман веќе. Ти си крив, не ти си крив, ти си покрив, е ке си одам, е не ја ќе си одам ... Ко мали деца сте. Ајде приберете се малце, и да продолжиме да си ја развиваме македонскава верзија! Се испозаклаа за глупости бе! не ми се верува ... - Vekip8 (разговор) 16:09, 25 јануари 2009 (UTC)

Jaс само ќе се надоврзам на коментарот од Милош. Ако едниот не поднесол критика и избрзал, сега и другиот прави бетер. Абе инфантилно е вашево. --Raso mk (разговор) 16:20, 25 јануари 2009 (UTC)
Обично многу малку дискутирам, но овде сакам да кажам нешто: Го подржувам она шо го кажа Vekip8, наместо да се развиваме, ние се повлекуваме, или караме помеѓу нас... Ни треба компромис или решение... Нашава википедија е меѓу најслабите на балканот и Европа, имаме 20-тина уредувачи кои уредуваат статии, но не секојдневно, шо значи дека потребни ни се нови, дали администратори или корисници, а не мегу најдобрите до сега на “вечната ранг листа на македонската википедија“ да се откажуваат. Ве молам, средете се--Астрион (разговор) 16:23, 25 јануари 2009 (UTC)

ПротивУреди

(од неутрални корисник) This chap deleted scientific sources from an article and insulted my nation (А забраев Бугарите се основачи на светот. Вратете се во Русија), whence one is to infer that he is inimical to any foreign contributor here. Овоj корисник jе избрисао научне изворе од едног чланка и ме jе увредио (А забраев Бугарите се основачи на светот. Вратете се во Русија). Откуда могуће закључити да jе он неприjатељски ка свима корисникама од туђе државе овде. Потребител:Bogorm (разговор) 16:28, 26 јануари 2009 (UTC)

За мувата на капата и предлог решениеУреди

Прочитав некои коментари, кои мора да признаам, малку ме изненадија. Инаку, уште вчера му испратив електронска пошта на MacedonianBoy, и му побарав објаснување зошто се откажал од кандидатурата, за кое уште немам добиено одговор. Зошто се осеќам лично повикан во неколку коментари тука, дозволете ми да посочам некои работи:

1. Во ниедна точка не сум кажал дека MacedonianBoy е лош уредник. Тоа никој не го кажа, всушност.

2. Во ниедна точка не сум кажал дека MacedonianBoy не може да биде администратор. Напротив, само сакав да му посочам дека во одредени случаи греши во односот, и дека доколку тоа би го корегирал би бил добар администратор. Тоа му го рекоа горе-долу сите, со тоа што некои тоа го третираат како некој тип на избрзувања, додека јас го сметам за фундаментално кршење на Википедија политики. Посочив неколку примери, можам да продолжам да посочувам примери каде мислам дека MacedonianBoy згрешил во односот, и тоа нема од блиското минато, а не од пред година дена.

3. Постои случај каде што исто многу активен корисник (Guitardemon666), беше одбиен за администраторската позиција. Во овој случај, исто имаше многу емоции, меѓутоа, после некое време, човекот пак се кандидираше и го прифативме со цело срце. Всушност, мислам дека сте крајно нефер кога дури и кон него покажувате со прст. Гитар гласаше за кандидатурата, и најдобронамерно му посочуваше на MacedonianBoy дека нема потреба од вишок на емоции и дека секако, ако не сега, ќе биде избран во блиска иднина за администратор.

4. Апсолутно не е точно дека македонската Википедија нема одредени пишани политики и дека сум измислил некакви повисоки стандарди, зошто ете, наводно не ми се допаѓал MacedonianBoy. Во дискусијата ги посочив, неколку пати, дека основната замерка што ја имам кон него се однесува на одредено занемарување на фундаментална политика - Википедија:Неутрална гледна точка, која е политика која важи за сите енциклопедии, и која не е од вчера на македонската Википедија. НГТ не е повисок стандард, таа е основен стандард. Исто така, постои пишан водич за барање на администраторски позиции, кој му беше посочен на MacedonianBoy. Единствено оваа политика ја посочив од англиската Википедија, и таа мислам дека е повеќе прашање на здрав разум и општа култура.

5. Во одредена точка од кандидатурата кажав дека лично ќе прифатам одговорност да го поставам MacedonianBoy за администратор доколку се постигне консензус од 70% (т.е. ќе го третирам како посебен случај), иако технички, се бараат 75% гласови за. На кандидатот добро му одеше, за жал, се откажа. Исто така, реков дека, доколку MacedonianBoy ги прифати препораките (од целата заедница) за одредени работи во следниов месец, повторно ќе го кандидирам(е) и мислам дека ќе го изберевме со огромно задоволство.

6. Во одредена точка од кандидатурата, реков дека веќе нема коментирам за моето однесување да не се сфати како одреден притисок врз кандидатот

7. Во меѓувреме, додека го пишував овој, повторно "содржаен" коментар, се случи уште една огромна загуба - Brainmachine се откажа од македонската Википедија. Премногу долго сум овде, и премногу ја сакам Википедија, за да направам сличен потег, иако доколку постојат некакви сомнежи или лоша енергија што ја ширам овде во заедницата како "бирократ" (самата титула сугерира доза на непопуларност, но ајде), ви препорачувам да гласате за одземање на овие "привилегии" и да ме оставите да уредувам како обичен уредник. Македонските тези сум ги бранел таму каде што е најтешко и највеќе потребно, и тоа во огромни спорови што траеле речиси по цели години, дури и индиректно сум бил вклучен во создавањето на политики со кои основните поставки на македонскиот национален идентитет се речиси загарантирани (зборувам за името на нацијата, јазикот и сл.). Википедиските тези за неутралност сум ги бранел овде како што сум знаел и умеел. Тоа што последниве година и нешто дена апсолутно сум немал време да посветам на Википедија колку што сум сакал (моментално сум на распуст), не значи дека кон проектот се поставувам злонамерно или претенциозно. Но повторно, на вас е да оцените.

8. Мислам дека излезот од оваа криза е ВикиСредба со инсистирање на неа да се појават MacedonianBoy, Brainmachine... Интернетот е лимитиран во тој поглед и мислам дека нема ништо што не може да решиме со добро пиво и муабет очи во очи. На крајот на краиштата, сите сме луѓе и се случува да згрешиме. --FlavrSavr (разговор) 17:11, 25 јануари 2009 (UTC)

Да, се согласувам, потребна ни е Викисредба за да може да постигнеме напредок во решавањето на настанатите проблеми, но тоа мора да биде што поскоро, на пример на крајот од наредната недела или еедна недела подоцна, бидејќи не треба многу време да губиме за вакви работи, а во меѓувреме мора да продолжиме со работа како н ишто да не вбило. Ние своето си го кажавме. Доволно беше. Сѐ понатаму зависи од MacedonianBoy и Brainmachine. Поздрав.--Kiril Simeonovski (разговор) 17:51, 25 јануари 2009 (UTC)

Објаснување зошто повлеков: Како прво си ја повлеков кандидатурата поради тоа што не сакам за мене тука да се расправаат корисници и најмногу што ме изреволтира беше тоа што сите ми ги кажуваат забелешките токму кога беше гласањето, најлош избран момент. Тие замерки што сум ги правел, ако сметале на корисниците би било пожелно да ми ги укажат благовремено, односно пред некое си мое кандидирање. Давање толкави есеи, коментари и расправии за време на гласање мислам не е од голема корист за текот на гласањето и се има впечаток на некаков притисок. Бидејќи не сакав да бидам во центар на внимание и да помислат останатите корисници демек сум јас многу лоша личност, си ја повлеков кандидатурата со тоа што ја избришав статијата (ја избришав бидејќи ниту од Guitardemon666 ја нема неуспешната кандидатура). А јас се откажав привремено, како што вели статијата- не се откажав целосно (лошо пишав од почеток). И пред се, откажав кандидатура за да нема расправии на Википедија, но испадна поинака па морам да пишам.
За Brainmachine: Нема воопшто потреба да се повлекуваш, всушност и никој не рече такво нешто. Супер технички ја одржуваш Википедија, тоа не е спорно. Да не бидеме расколници ко на други Википедии, врати се слободно, а и врати се за да не се малтретираме да одиме до Скопје на Вики Средба. Поздрав до сите.--MacedonianBoy (разговор) 18:04, 25 јануари 2009 (UTC)
Тие замерки што сум ги правел, ако сметале на корисниците би било пожелно да ми ги укажат благовремено, односно пред некое си мое кандидирање. Држи вода ова, и жалам што порано не сум интервенирал. Инаку, заборавив дека за тебе и за Brainmachine е проблем средба бидејќи не сте во Скопје каде што се најголемиот број на корисници... Во секој случај, останувам на тоа дека потребна е средба, бидејќи мислам дека имаме проблем со комуникација во заедницата... Ако не можете да дојдете, тоа ќе биде за разбирање; меѓутоа средби се и тоа како нужни за одржување на заедницата, и тоа не само во, хм, вонредни ситуации како ова... Исто така, предлагам да имаме алтернативни канали на комуникација... постои мејлинг листа меѓутоа таа не е ажурирана, а мислам дека сите од нас, исто така користиме Skype, MSN или некој друг messenger. Мислам дека многу проблеми би се решиле со поинтензивна комуникација меѓу нас. --FlavrSavr (разговор) 18:41, 25 јануари 2009 (UTC)
Според тогашната моментална ситуација на гласањето, јас го имав потребниот број на гласови, но поради незнам од кои причини, тоа доведе до бурни реакции кај корисниците, си ја повлеков. Поголем гест на смирување и намалување на страстите не ми текнуваше. Не сакам јас никаква награда за тоа, поголема награда ми е кога некое дете ќе чита за Монголија и ќе се заинтересира за државата. Администратор побарувам за поголема ефикасност и тоа беше се. Незнам, сварно незнам зошто така бев пречекан со бурни реакции, но тоа е тоа. Реков дека не пишувам често на Википедија, но еве повторно си го показувам зборот се со цел да нема расправии тука. Се надевам ова ќе го сфатите и затоа пишувам инаку не сакав да пишувам тука.BTW, на Бугарската Википедија имаат акаунт на Скајп и сите се таму, можеме и ние тоа да го направиме. Поздрав--MacedonianBoy (разговор) 18:47, 25 јануари 2009 (UTC)
Коменрар на FlavrSavr. Средба потребно е да има. Друго е кога луѓе ќе се видат очи во очи. Со оглед на тоа што MacedonianBoy и Brainmachine не се од Скопје, ако тие може да најдат време јас се нафаќам да им ги подмирам трошоците.
Исто така сложен сум дека треба да им Вики средби ама не во вакви, да речам, вонредни услови.
Wikimk (разговор) 18:52, 25 јануари 2009 (UTC)
Тогаш предложете време и место, па ќе се договориме. Доколку има кворум, може да се договорат и поредовни, неформални средби, да кажеме еднаш месечно? --Милош (разговор) 15:24, 26 јануари 2009 (UTC)

Во знак на добра волјаУреди

Како неискусен овде (читај: сѐ уште не ги знам сите правила на Вики), веќе еднаш кажав дека можеби грешам во моите процени, ама не можам да дозволам некој/и да ми забележува зашто имам различно мислење од него/нив.

Знам дека бев многу остар со моите пораки од (10:11, 25 јануари 2009 (UTC)) и од (11:06, 25 јануари 2009 (UTC)) и затоа во знак на добра волја им се извинувам на сите што ги навредив со нив.

Се надевам дека моето извинување ќе биде прифатено.
Поздрав, Wikimk (разговор) 18:39, 25 јануари 2009 (UTC)


P.S.
Луѓе ај да трошиме време на КРЕАТИВНИ РАБОТИ!

За старите кандидатури за админиУреди

Ова го има на врвот на мојата страница за разговор: Стари кандидатури за админи, тука се неколку кандидатури.

Не сум стигнал сеуште да ги направам во онаа форма која ја имаат денешните, бидејќи ова се многу многу стари кандидатури. Сепак тука се. А првата која ми беше одбиена никој не знае каде е, воедно и други постари кандидатури. Сепак, MacedonianBoy, види тука има и за мојата кандидатура. Инаку не си првиот што е одбиен (или поточно немаше да бидеш ако беше одбиен, бидејќи сам се повлече). А инаку јас и порано ти имав кажано за тоа што го наведов кога гласав за кандидатурата, така што не можеш да кажеш дека сме чекале сите да се кандидираш за да ти префрламе (поточно: посочиме). Едноставно кога јас ти зборував никој не ме рецкаше бидејќи немаше многу активни корисници, а сега кога се активираа повеќе ти посочија за тоа. Сепак немам проблем со тоа, сметам дека можеш да бидеш добар администратор, сè се учи.

--√ гитардэмонговори со мной √ 14:33, 26 јануари 2009 (UTC)

Уф, тие кандидатури беа расфрлани на неколку места, колку што се сеќавам, јас и FlavrSavr се кандидиравме на страницита на мета, а локално на порталот. --Милош (разговор) 15:22, 26 јануари 2009 (UTC)

Кој е заклучокот?Уреди

Значи сега кој е заклучокот од погорните разговори? Мене не ми е целосно јасно. Кој од следниве заклучоци е точен?--brest (разговор) 15:04, 28 јануари 2009 (UTC)

  1. МБ по сопствена воља ја повлекува својата кандидатура, викизаедницата тоа го прифаќа, кандидатурата е архивирана, нема понатамошна расправа. МБ не е промовиран во администратор.
  2. Врз онова на горните разговори вики заедницата смета дека расправата треба да продолжи, кандидатурата не е повлечена, рокот за изјаснување се продолжува за времето за кое траеше прекинот, се чека исходот од расправата согласно БзАС.
  3. Без разлика на ставовите на MB, вики заедницата смета дека расправата е завршена и кандидатурата на MB треба да се архивира, МБ не е промовиран во администратор
Како што сфатив MB ја одложува кандидатурата за во иднина. Останува уште Brainmachine да го вратиме во заедницата, јас му пишав мејл, само изгледа е доста навреден од критиките упатени на негова адреса. --FlavrSavr (разговор) 16:05, 28 јануари 2009 (UTC)

Точно е број три, дека без разлика на ставовите на MacedonianBoy, неговата кандидатура е неуспешна (бидејќи беше повлечена), и дека не е промовиран во администратор, и дека може кога сака во иднина да биде кандидиран за администратор. Имам одговор на критиките на неколку корисници: Значи кога веќе ја повлекол кандидатурата, без разлика на емоциите кои ги чувствувал таа не може туку така да се продолжи. Може секогаш да се кандидира повторно, и ако не успее повторно (не гледам причина да не) може потоа повторно колку пати сака, многу логично. А тоа дека некој тука се обидува да наметнува правила од англиската а немал преведено, да не се лажиме сите разбираме англиски и најмал проблем е дали било на англиски или македонски. Едноставно тие 'правила' се водич за тоа каков треба да биде администраторот, а не за тоа што сè треба да помине обичниот граѓанин кој е под нас во секоја смисла за ние крвопијците семоќни админи сопственици на википедија да му дозволиме на да стане админ. Грешно ја имате сфатено смислата на администраторскиот статус, но јас за разлика од Brainmachine (за кој искрено се надевам дека ќе се врати), ни најмалку не си земам на душа што и да ми кажете, како и да ме критикувате, бидејќи ако нема некои правила по кои треба да се движи Википедија, од неа нема да остане ништо. Ако некој има против правилата, секогаш може да критикува и да предложи нешто подобро. Но бидејќи не видов некој да предложи нешто попаметно, а видов само да се критикуваат сите администратори како администраторите да се сопственици на Википедија, сметам дека дискусијата е завршена, да нема повеќе драми, кој сака да придонесува и да биде конструктивен може да го прави тоа и молчешкум (Vekip8 и Астрион се супер примери), не се замеруваат со никој, си уредуваат и се супер вредни корисници кои никогаш не навлегуваат во конфликти, а ако некој мисли дека е подобро да се драматизира цела ситуација, што да кажам, секој има право на мислење, нека повели, јас немам намера да трошам скапоцено време на бесцелни дискусии.

--√ гитардэмонговори со мной √ 17:06, 28 јануари 2009 (UTC)


Точно е тоа што го вели FlavrSavr. Сѐ друго е слободна интерпретација и ако така остане не е добро. Мислам дека е згодно да не ја продолжуваме дискусијата која беше завршена и да не трошиме време на исти работи уште еднаш.
Ако веќе дискутираме нешто овде, да се позанимаваме со креативни работи од типот како Brainmachine да се врати овде. Поздрав, Wikimk (разговор) 17:37, 28 јануари 2009 (UTC)

Во врска со Зоки немам ништо прокоментирано откако се откажа но мислам дека е време да прокоментирам. Зоки беше одличен корисник и едноставно нешто ретко на сите Википедии. Започна речиси во исто време кога започнав и јас, малку порано од мене, но тоа е помалку од еден месец. Започна со речиси исто искуство од моето и одеднаш стана Администратор. Моја реакција: не бев воопшто шокиран или изнервиран. Мислев и уште мислам и ќе мислам дека Зоки беше извонреден корисник на нашава Википедија и жално е што си отиде. Сите ама баш сите придонеси му беа... од „А-класа“. Јас мислам дека со Зоки губиме 10 % од квалитетот на нашава Википедија и мислам дека сите ќе се согласите. Сега еден апел до Зоки, за кој се надевам дека го чита ова: Кога ја добив првата награда од верувале или не сите вие од MacedonianBoy, Зоки ми објасни за што се бори и за што верува, која му е целта. Зоки е створен за лидер, за човек на кој ќе му се верува во донесувањето на важни одлуки. Ако се откаже засекогаш сето она во што верува ќе падне во вода. А ако мали коментари од корисничката Виолетова и некои други корисници (без навреда на корисникот Виолетова и тие други што критикуваа) ти го менуваат мислењето за еден миг, ти не си ништо од она што мислев дека си, ти си само обичен слабак кој гледа што другите мислат. Незнам како ќе го протолкувате сите ова но тоа е вистината и сите ова длабоко во себе го знаат иако некои несакаат да го признаат. И уште нешто упатено кон Зоки: Неможат секогаш сите да се согласуваат во врска со некоја работа дури и ако станува збор за Македонската Википедија која има челнови кои можат на прсти да се избројат! Поздрав до сите и се надевам дека се согласувате со мене! --Макс(разговор) 21:12, 28 јануари 2009 (UTC)
Ок де, продолжувам да уредувам, ете веќе почнав. Може ли да ја заклучиме оваа дискусија и да ја спремаме за архив? --Brainmachinewtf? 01:43, 29 јануари 2009 (UTC)
Да, што се однесува до мене даааааааааа! Мило ми е што се врати Зоки! Во овој момент би сакал да се извинам во врска со една моја навреда Кога ја добив првата награда од верувале или не сите вие од MacedonianBoy.... Не мислев ништо против него! Ништо, му се извинувам пред сите. Само тоа беше начин на сите да ви докажам дека во колку и да си добри односи со некого мораш правдено да гледаш. Извини уште еднаш! --Макс(разговор) 08:47, 29 јануари 2009 (UTC)

Изгледа сѐ е „вода под мостот“ сега. Ајде да ја архивираме оваа дискусија. Балканец What man, what? 09:15, 29 јануари 2009 (UTC)