Пустец

Пустец (албански: Pustec; до 2013 г. Liqenas, Лиќенас) — село и општина во Мала Преспа, Албанија, во рамките на областа Горица (Корча) со македонско население.

Пустец Pustec / Liqenas
општина
Карта на Општина Пустец со сите населени места
Знаме Амблем
Пустец
Координати: 40°47′13″N 20°54′08″E
Земја	Албанија
Област	Горица
Општина	Пустец
Надм. вис.	&10000000000000861000000861 м
Население (2013)
• Вкупно	4.400
Рег. таб.	KO

Географија и местоположба

Панорама на Пустец

Пустец e село во Република Албанија и административен центар на Општина Пустец (Opshtina Pustec), која од 1973 до 2013 г. се нарекувала Лиќенас (Komuna Liqenas) и се наоѓа во јужниот дел на областа Мала Преспа на брегот на Преспанското Езеро. Градоначалник на општината е Едмонд Темелко (победник на изборите одржани на 18 февруари 2007), а сите членови на советот на општината се исто така етнички Македонци. Грбот на општината го содржи древниот македонски симбол Ѕвезда од Кутлеш над кое стои натпис на македонски Општина Пустец, а под него на албански. Тоа е всушност прв случај на официјална употреба на македонскиот јазик во Албанија.

Во атарот на Пустец се наоѓа островот Мал Град.

Топонимија

Во атарот на Пустец се познати следниве позначајни топоними:

Апстара, Арапица, Бабите, Башите, Божурките, Брекина, Варниците, Габро, Гапче, Гола Чука, Голина, Горица, Граци, Грашишта, Гробишник, Гуалник, Ѓуптино, Дебелес, Долимано, Доличките, Долно Родостински, Долчето, Драгва Нива, Дрен, Дрмељ, Змија, Иљојте, Јамите, Јамје, Јарината, Калаузо, Колиња, Кољојца, Коријата, Косто Дол, Кравите, Л’ка, Ливадата, Магур, Мал Град, Мали Магур, Мали Манстир, Мечката, На Кол, На Поле, Над Камен, Новото, Патеш, Плошта, Прливец, Пустец, Рачара, С’ржејнца, Секоите, Сината Нива, Скапецот, Смокоите, Сопот, Стари Кладенец, Сува Гора, Точкојца, Улјајнца, Цероите, Чежмите, Шантајца.

Села во општината

Карта со населени места на Општина Пустец

Општина Пустец ги опфаќа следниве села:

• Глобочани
• Горна Горица
• Долна Горица
• Зрновско
• Леска
• Пустец
• Туминец
• Церје
• Шулин

Историја

Во селото постои црква „Св. Архангел Михаил“ изградена во 1754 година.

Стопанство

Економската состојба во селото и целиот крај е катастрофална. Само 5% од жителите се вработени, а населението главно се занимава со земјоделство, риболов, сточарство и продавање на разна стока на пазарите во поголемите градови во Македонија и Албанија.

Демографија

Двојазична табла во Пустец

Во 1900 година според Васил К’нчов селото броело 410 православни Македонци. Во селото денес живеат околу 3.500 жители од кои над 99 % се Македонци.

Година	Население
1900	410
1926	515
1945	565
1960	697
1969	788
1979	941
1989	1.035
2000	1.120
2013	3.500

Родови

Пустец е македонско село.

Родови во селото се: Аговци, Бачиновци, Бојковци, Вељановци, Ватиовци (Ѓоргијовци), Вангеловци, Волкановци, Главчевци (доселени се од Церје во 1976 година), Дамовци, Дуровци, Ѓавовци, Журковци, Ѕрлевци, Јоновци, Колевци, Кољаковци, Малевци (доселени од Глобочани), Митревци, Мренкаровци, Наумовци, Ничовци, Пашкаловци, Поповци, Постоличините, Сотировци (доселени од Церје), Ставревци, Трајковци (доселени од Церје), Тенковци, Таневци, Трајановци, Цазовци, Џељовци и Ушкаровци.

Општествени установи

Црквата „Св. Архангел Михаил“ во Пустец

Стара слика на руска полска црква во Пустец.

Во селото работат основно и средно училиште, а овозможено е образование на македонски јазик само до четврто одделение. Во рамките на училиштето во Пустец постои и библиотека со огромен фонд на книги на македонски јазик.

Збратимени општини

• Општина Новаци, Македонија

Личности

• Едмонд Темелко — градоначалник
• Трајан Ѓорѓиовски
• Митре Колевски
• Валентина Нестор (р. 1971) — јазичарка

Поврзано

• Мала Преспа
• Организација „Преспа“
• Голо Брдо
• Друштво „Мир“

Надворешни врски

• Официјален портал на Македонците во Албанија